आबश्यक्ता

आबश्यक्ता

समाचार वाचक  - २ गोटे

जानकी एफ एमक लेल

इच्छुक ब्यक्ति सम्पर्क करु

मोबाइल न  ९८४४०२१३०९

पुलिसक हतियार छिनयबला तीन गोटे गिरफ्तार

जलेश्वर, कात्तिक १८  । नागेन्द्र कर्ण । महोत्तरी जिल्लाक बथनाहा गाउँ विकास समितिमे पुलिसके पिटपाटि कऽ हतियार छिनयबला तीन गोटेके पुलिस गिरफ्तार केलक अछि ।

गिरफ्तार होबयबलामे बथनाहा १ के ३५ वर्षक सुवोध कुमार झा आ वर्ष २० के डोमन ठाकुर आ वायह गाविस–२ के १८ बर्षक विकास कुमार झा रहल जिल्ला प्रहरी कार्यालय महोत्तरी जनौलक अछि ।

ओ गाउँमे आयोजना भेल झण्डा मेलामे चलिरहल जुवा, तास नियन्त्रण करय गेल समय जुवातास व्यापारी आ स्थानीयबासी बिच भेल झडपमे किछ युवासब पुलिससबके पिटपाट करैत हतियार समेत छिन लेने छल । स्थानीयबासीके पिटाइसँ जिल्ला प्रहरी कार्यालय महोत्तरीक प्रहरी सहायक निरिक्षक रामबहादुर अधिकारी, मरुवाही चौकीके प्रहरी जवान अवधेश पाण्डे आ हलखोरी चौकीके जवान राकेश राय घाइल भेल छल । घाइल तिनु गोटेके इलाज पश्चात अखन आरामके लेल राखलगेल जिल्ला प्रहरी कार्यालय महोत्तरीक प्रहरी नायव उपरिक्षक केदार खनाल जानकारी देलनि ।

जुवा, तास रोकय चाहलापर किछ व्यापारीके उक्साहटमे गाउँके किछ युवासब प्रहरी जवान पाण्डेके सँगमे रहल  थ्रि नट थ्री राइफल आ ओइमे लोड कएलगेल पाँच राउण्ड गोली सेहो छिन कऽ लगेल छल । वायह क्रममे ओ समुह पुलिस चढल बा १ झ ७८७८ नम्बरक गाडीके सिसा सेहो तोडफोड कऽ क्षतिग्रस्त बनौने छल । समूहमे आएलसबके बाँसके फट्टासँ पिटपाट केने पुलिस जनौलक अछि।

राति १ बजेदिस भेल ओ घटनाक बाद जिल्ला प्रहरी कार्यालय महोत्तरीसँ गेल थप गस्ती टोली सर्चके क्रममे ओ हतियार नेपाल भारत सिमा नजदिकके ओ गाउँके वाड नं. ६ मे रहल एकटा पुवारक टालमे नुका कऽ रखने अवस्थामे बरामद केने छल । सदरमुकाम जलेश्वरसँ करिब १५ किलोमिटर दक्षिण पश्चिममे रहल ओ गाउँमे हरेक वर्ष मेलाके अवसरमे एहन गतिविधी होइत अबैत अछि ।

फैजान हत्या प्रकरणः मुस्लिम समुदायद्वारा आन्दोलनके घोषणा

काठमाडौ, कार्तिक १८ । इस्लामिक संघक महासचिव फैजान अहमदके हत्याके बेसी समय बितलाक बादो हत्याराके गिरफ्तार करय नहि सकल आ सरकार केने सम्झौताके सेहो कार्यान्वयन नहि केने कहैत मुस्लिम समुदाय आन्दोलनमे उतरय लागल अछि ।

फैजानके हत्याक बाद गठित संघर्ष समिति विभिन्न ६ सुत्रीय माँग रखैत कात्तिक २६ गतेधरि माँग पूरा नहि हाएत तऽ आन्दोलनके कार्यक्रम तय केने अछि । कार्यक्रम अनुसार कात्तिक २७ गतसँ अगहन ९ गतेधरि विभिन्न शहरमे खबरदारी सभा आ अगहन ११ सँ सम्पूर्ण तराई तथा पहाडके किछ जिल्लामे अनिश्चितकालिन चक्काजामक घोषणा कएलगेल अछि ।

संघर्ष समिति फैजानके हत्याराके पकडि कऽ कानूनी कारवाही करयके, फैजानके शहिद घोषणा आ फैजानके हत्यासंगै सरकार केने सहमतिके पूर्ण कार्यान्वयन करयके माँग रखने अछि ।

अमेरिकी फौज

लिखय चाहि तऽ कतौक लिखल जाऽ सकैय

21 वर्षीय सेलिब्रिटी बिली फेयर्स

सरकारद्वारा संविधान संशोधनके प्रक्रिया बढाबयके तयारी

१८ कात्तिक, काठमाडौँ । दलसबबीच संविधान निर्माणक क्रममे उत्पन्न राज्य पुनःसंरचनाके विषयमे रहल विवाद सोझराबय विज्ञ समूह गठन करयके सहमति भेलाबाद सरकार संविधान संशोधनके तयारी कऽ रहल अछि ।

ओइके लेल आवश्यक निर्णय लेबय आइए बेरियामे नेपाल सरकार मन्त्रिपरिषदक बैसार बजाओलगेल अछि । भावी संविधानक विवादित विषयमे सहमति जुटाबयके जिम्मेवारी पौअने संवैधानिक उपसमितिक भिन्सर बैसल बैसारसँ राज्य पुनसँरचना सम्बन्धी विवादके अन्त्यक लेल व्यवस्थापिका संसदसँ विशेषज्ञ सम्मिलत समूह बनाबयके निर्णय केने छल ।

अन्तरिम संविधान-२०६३ मे राज्य पुनःसंरचनाके विषयमे निर्णय करय राज्यपुनः संरचना आयोग गठन करयके उल्लेख अछि । सरकार आइए मन्त्रिपरिषदसँ निर्णय कऽ संविधानसँ आयोगके प्रावधान हटा कऽ विशेषज्ञ सम्मिलित टोली गठन करयके व्यवस्था करय संविधान संशोधनके लेल व्यवस्थापिका संसद् सचिवालयमे दर्ता कराबयके तयारी केने स्रोत जनौलक अछि । आइएसँ प्रक्रिया शुरु कऽ व्यवस्थापिका संसदके आगामी २५ कात्तिकमे बैसयबला बैसारसँ संविधान संशोधन करयके तयारी सरकारक अछि ।

नेपालके आर्थिक सहयोग रोकयके अमेरिकाके चेतावनी तिब्बतीके 'एक्जिट भिषा' देबयके सर्त

१८ कात्तिक, काठमाण्डौ । अमेरिका तिब्बती शरणार्थीके नेपालक रास्ता होइत तेसर देश जाए नहि देत तऽ नेपालके दैत आएल सहयोग रोकयके चेतावनी देलक अछि ।

चीनसँ भागि कऽ नेपाल आएल तिब्बती शरणार्थीके अमेरिका सहितक तेसर देश जाए ‘एक्जिट भिषा’ उपलब्ध नहि कराओत तऽ नेपालके दैत आएल लाखौँ डलरके सहयोग रोकयके चेतावनी अमेरिका देलक अछि । अमेरिकी कंग्रेसक वैदेशिक सहायता सम्बन्धि समितिमे तिब्बत मामिला सम्बन्धि बिमर्शक क्रममे तिब्बती शरणार्थी उपर नेपाल करैत आएल व्यवहार नहि सुधारत तऽ सहयोग कटौती मात्रे नहि भऽ पूरे रोकयके आबाज उठल अछि ।

समितिमे नेपाल तिब्बती शरणार्थी उपर करयबला व्यवहारमे सुधारयके लेल जोड देल गेल अछि । समितिमे बजैत रिपब्लिकन पार्टीक सांसद झान्क ओल्फ तिब्बती शरणार्थीके विषयमे अपनासबहक आग्रहके नेपाल नहि मानत तऽ आर्थिक सहयोग नहि करब बतौलनि । अहि विषयमे नेपालक व्यवहारमे सुधार नहि आओत तऽ अगिला वर्ष संसदमे नेपालके देबयबला सहयोगमे कटौतीके प्रस्ताव लऽ जाएब हुनक कहब छलनि ।

पछिला दिनमे नक्कली नागरिकता आ पासपोर्ट प्रयोग कऽ तिब्बती शरणार्थीके अमेरिका लऽ जाए दूतावासे सक्रिय भेलाबाद नेपाल ओइप्रति आपत्ति जनबैत आएल अछि । नक्कली पासपोर्टमे भिषा उपलब्ध करा कऽ कुटनीतिक चिठ्ठीसमेत थमौने एक तिब्बती किछ महिनाबाद त्रिभुवन बिमानस्थलसँ गिरफ्तार भेलाबाद अमेरिका नेपाल सरकारसँग रुष्ट होइत आएल अछि ।

भुटानी शरणार्थीके तेसर देशमे पुर्नवास करा रहल अमेरिका तिब्बती शरणार्थीके सेहो ओहिना कऽ लऽ जाए पाबयके माँग नेपाल सरकारसँग करैत एलाक बादो नेपाल ओइके अस्वीकार करैत आएल अछि । नेपाल एक चीन नीति अबलम्बन केने कारण नेपालमे होबयबला तिब्बती शरणार्थीके अबैध गतिबिधि उपर निगरानी करैत आएल अछि । मुदा अमेरिका आ युरोपेली देशसब शरणार्थीके आर्थिक सहयोग उपलब्ध करबैत नेपालसँग सहयोग नहि देबयधरिके धम्की दैत आएल अछि ।

संविधानक विवाद सुल्झाबय दु टा कार्यदल बनाबयके निर्णय

१८ कात्तिक, काठमाडौँ । भावी संविधानक विवादित विषयमे सहमति जुटाबयके जिम्मेवारी पौअने संवैधानिक उपसमिति विवादित विषयके निश्कर्ष लगाबय दु अलग अलग कार्यदल बनाबयके निर्णय केलक अछि ।

सिंदहरबारस्थित संवैधानिक समितिक कार्यालयमे आइ भिन्सर बैसल बैसारसँ राज्य पुनसँरचनासम्बन्धी विवादके कात करय व्यवस्थापिका संसदसँ विशेषज्ञ सम्मिलत समूह बनाबयके निर्णय केलक अछि । अहिना शासकीय स्वरुप आ निर्वाचन प्रणालीके बारेमे अध्ययन करय ५ सदस्यीय तुलनात्मक अध्ययन कार्यदल गठन करयके निर्णय समेत कएलगेल बैसारकबाद नेतासब जानकारी देलनि अछि । बैसारमे शासकीय स्वरुप आ विर्वाचन प्रणालीके विषयमे रहल विवाद समाधानक लेल प्रतिवेदन तयार करय गठन कएलगेल कार्यदल तयार केने सुझाव समेत पेश भेल उपसमिति सदस्य कल्पना राणा जानकारी देलनि । बैसारमे उपसमिति सदस्यसब बीच लम्बा समयसँ अबरुद्ध संवैधानिक समितिक बैसार काल्हि शनिदिन भिन्सर १० बजेके लेल बजाबयके सहमति समेत भेल अछि ।

संविधानसभाक तेसरबेर थपलगेल कार्यकाल समाप्त होबय २६ दिन मात्रे बाँकी रहितो दलसबबीच राज्य पुर्नसंरचनाके २५ आ शासकीय स्वरुप तथा निर्वाचन प्रणालीके विषयमे २२ कऽ कूल ४७ विषयमे अखनो विवाद अछि ।

माओवादी अध्यक्ष प्रचण्डक संयोजकत्वके उपसमिति अहिसँ आगु संविधान निर्माणक क्रममे देखलगेल करिब २ सय  विवादित विषयमे सहमति जुटा चुकल अछि ।

प्रधानमन्त्री आ सभामुखबीच भेटवार्ता

१८ कात्तिक, काठमाडौँ । प्रधानमन्त्री डा. बाबुराम भट्टराई आ संविधानसभा अध्यक्ष सुवासचन्द्र नेम्वाङबीच आइ भिन्सर भेटवार्ता भेल अछि ।

संवैधानिक उपसमितिक बैसारकबाद भट्टराई आ नेम्वाङबीच सिंहदरबारमे भेटघाट भेल अछि । भेटमे संविधान निर्माणक कामके तीव्रता देबयके विषयमे बिमर्श भेल बताओल गेल अछि । ओ अवसरमे प्रधानमन्त्री आ सभामुखबीच संविधानसभाक बैसारसब जल्दिसँ जल्दि बजाबयके विषयमे बिमर्श भेल प्रधानमन्त्रीक निजी सचिवालय जनौलक अछि । भेटमे आगामी १४ अगहनमे सम्पन्न भऽ रहल संविधानसभाक कार्यकाल चारिम बेर थप करय लेल संविधान संशोधनके प्रक्रिया शुरु करयके विषयमे समेत बिमर्श भेल स्रोत जनौलक अछि ।

सरकार आ भूमिगत समूहबीच वार्ता

१८ कात्तिक, काठमाडौँ । तराईमे भूमिगत सशस्त्र गतिविधि सञ्चालन करैत आएल एक समूहसँग सरकार आइ वार्ता केलक अछि ।

सरकार आ सशस्त्र भूमिगत सञ्जय शर्मा ‘कौटिल्य’ नेतृत्वके तराई जनतान्त्रिक मुक्ति मोर्चाबीच वार्ता भेल अछि । शान्ति मन्त्रालयमे जारी वार्तामे सरकारमे दिससँ शान्ति मन्त्रालयके समेत जिम्मेवारी सम्हारिरहल अर्थमन्त्री वर्षमान पुन आ ओ समूहक वार्ता टोली सहभागी अछि । स्रोतक अनुसार सरकारक दिससँ हिंसात्मक गतिविधि छोडि कऽ शान्तिपूर्ण राजनीतिमे आबय ओ समुहके औपचारिक प्रस्ताव राखलगेल अछि । सरकार वार्तामे आबयबलाके राजनीतिक व्यवहार करयके आ नहि आबयबला बिरुद्ध बल प्रयोगके रणनीति अख्तियार करयके निर्णय केलासँ सशस्त्र समूह धमाधम वार्ताक लेल सम्पर्क कऽ रहल शान्ति मन्त्रालय जनौलक अछि ।