मिस्रमें इसराइली दूतावास पऽ हमला

मिस्र, भादव २४ ।  मिस्रके राजधानी काहिरामें हज़ारौके सँख्यामे रहल प्रदर्शनकारीसब बितल राति इसराइली दूतावास पऽ हमला केलक अछि । प्रदर्शनकारीसब दूतावासके घेर कऽ हथौड़ा आ लोहाके छड़सँ बाहरके देबाल खसौलक अछि तऽ कतैकौ गाडीसबमे आगि सेहो लगा देने अछि  ।

स्थितिके  नियंत्रणमे लेबय पुलिस आँसू गैस छोडने छल तऽ  गोली सेहो चलौने अछि । जानकारीके अनुसार दूतावास पऽ आब इसराइली झंडाके जगह  मिस्रके झंडा पर्दर्शनकारीसब लगा देने अछि ।  प्रदर्शनकारीसब इसराइली दूतावास पर हमला करैत ओइठाम नजदिकेमे रहल  पुलिस मुख्यालयके सेहो हमला करयके कोशिश केने छल । पुलिस मुख्यालयके सामने भेल  भिड़तमें पुलिस प्रदर्शनकारीसबके तितर बितर करय लेल आँसू गैस के प्रयोग केने छल ।