Wednesday, November 30, 2011

अगहन मसान्तबाद सहमतिके सरकार बनतः पोखरेल


१४ अगहन, काठमाडौं । नेकपा एमालेक सचिव शंकर पोखरेल अगहन मसान्तकबाद राष्ट्रिय सहमतिक सरकार बनत दावी कएलनि अछि ।

आइ राजधानीमे आयोजित साक्षात्कार कार्यक्रममे सचिव पोखरेल कहलनि जे इ सरकारके शान्ति प्रक्रियाक तोकल बात पुरा करय अगहन मसान्तधरिके समय देबयके सहमति दलसबवीच भेल अछि । ओकरबाद सहमतिके सरकार बनत ।ओ प्रधानमन्त्री डा. बाबुराम भट्टराई दलसबहक नेतृत्वमे सहमतिके सरकार बनय नहि सकत बतौलनि ।

एमाले सचिव पोखरेल नेपाली सेनाक मापदण्ड पुरा करयके रहलासँ समायोजन होबयबला लडाकुके संख्या सहमति भेल जका  ६ हजार ५ सय सेहो नहि पहुँचत ताहिमे आशंका ब्यक्त कएलनि । माओवादी भितरके अन्तरद्धन्द्धके कारण एक पक्ष समायोजनमे जाए निर्देशन देलासँ लडाकूसबहक संख्या बढल दावी कएलनि ।

सचिव पोखरेल वर्गीकरणके काज आगु बढितो जमिन फिर्ता, आ वाईसीएलके अर्ध सैनिक संरचनाक अन्त्य नहि भेल कहैत ओ अगहन मसान्तधरि इ विषयमे होबयबला प्रगतिसँ संविधान निर्माणके सुनिश्चित करयके धारणा रखलनि ।


सोनाके मोल केलक नयाँ रेकर्ड कायम


१४ अगहन, काठमाडौं । सोनाके भाउ आइ  नयाँ रेकर्ड कायम केलक अछि ।

सोन आइ तोलाके ५५ हजार ४ सय ९७ रुपैयाँमे कारोबार केने नेपाल सुनचाँदी व्यवसायी संघ जनौलक अछि ।

अहिसँ आगु सोनके भाउ तोलाके ५५ हजार ४ सय ४ रुपैयाँ पहुँचल छल । अन्तर्राष्ट्रिय बजारमे मोल बढिते नेपालमे सेहो बढल संघ जनौलक अछि ।

जनसेनाके योगदानके सरकार सम्मान करतः प्रधानमन्त्री


ज्ञानेन्द्र शर्मा

१४ अगहन, रोल्पा । प्रधानमन्त्री डा. बावुराम भट्टराई शान्ति स्थापनाक लेल जनमुक्ति सेना महत्वपूर्ण योगदान देने कहैत सरकार सेहो सम्मानक तयारी केने बतौलनि अछि ।

जनमुक्ति सेनाक पाँचम डिभिजनके स्थलगत निरीक्षणके लेल आइ रोल्पाके दहवन पहुँचल प्रधामन्त्री भट्टराई लडाकुसबसँगक भेटघाटक क्रममे इ बतौलनि अछि ।

प्रधानमन्त्री भट्टराई दश बर्षे जनयुद्धसँ शान्ति निर्माण प्रक्रियामे महत्वपूर्ण भूमिका निर्वाह करयके जनसेनासबके सरकार कदर करत कहैत जनसेनाक भबिष्य प्रति अपने पहल करयके प्रतिबद्धता व्यक्त कएलनि । नेपाली सेनाक हेलिकप्टरसँ आइ बेरियाक साढेँ १२ बजेबाद प्रधानमन्त्री सहित एकीकृत नेकपा माओवादीक अध्यक्ष पुष्पकमल दाहाल प्रचण्ड आ सेना समायोजन विशेष समितिक सदस्यसब शिविर निरीक्षणके लेल दहवन पहुँचल छलथि ।

निरीक्षण टोलीमे प्रधानमन्त्री भट्टराई, माओवादी अध्यक्ष प्रचण्ड, एमाले महासचिव इश्वर पोख्रेल, माओवादी बिदेश बिभाग प्रमुख एवं स्थायी समिति सदस्य कृष्ण बहादुर महरा, सुचना तथा संचार मन्त्री जय प्रकाश गुप्ता आ जनसेना प्रमुख नन्द किशोर पुन पासाङ सेहो छलथि । लडाकू वर्गीकरण टोली प्रमुख एवं सचिवालय सदस्य सिंह बहादुर श्रेष्ठ आ पाँचम डिभिजनके सह कमाण्डर राजबहादुर बुढा अविनाश लडाकु सख्या आ अखनधरि भेल वर्गीकरणके बारेमे निरिक्षण टोली समक्ष रिर्पोटिङ पेश कएने छलथि ।

रिर्पोटिङके क्रममे सचिवालय सदस्य श्रेष्ठ २ हजार ४ सय ३० गोटे लडाकू रहल पाँचम डिभिजनमे २ हजार २ सय २५ गोटे वर्गीकरणमे सहभागिता जनौने बतौलनि । टोली कैलालीके तालबन्द, रोल्पाके दहवन, चितवनके शक्तिखोर सहितक शिविरमे निरीक्षण केने छल । निरिक्षण टोली शिविर निरीक्षणके क्रममे किछ माओवादी लडाकूसबमे देखलगेल असन्तुष्टि, स्वेच्छिक अवकासमे जाएबलासबके देबयबला रकम सहितक विषयमे स्पष्ट केने छल ।

रिपोर्टर डायरी विमोचन


१४ अगहन जनकपुरधाम । युवा पत्रकार सुजित कुमार झाद्वारा लिखित रिपोर्टर डायरी नामक नयाँ कृतिके एक कार्यक्रमक बिच आइ विमोचन कएलगेल अछि ।

डायरीके विमोचन मैथिली सिने क्षेत्रक चर्चित लेखक तथा निर्देशक मुरलीधर केलनि अछि । आफन्त नेपालक उपाध्यक्ष प्रदिप यादवक अध्यक्षतामे भेल विमोचन कार्यक्रममे धनुषाक स्थानिय विकास अधिकारी सुर्यकान्त झा, डा.विजय सिंह, पत्रकार महासंघ धनुषा शाखाक अध्यक्ष रामअशिष यादव, पत्रकार वृजकुमार यादव, श्यामसुन्दर शशि, असगर अलि, अयोध्यानाथ चौधरी सहितक वक्तासब डायरीके सम्बन्धमे अपन अपन धारणा रखने छलथि । अहि रिपोर्टर डायरीमे पत्रकारितासँग सम्बन्धित संस्मरण तथा दैनिकी रहल अछि ।

छात्रासबमे बरबराएके लक्षण भेटलाबाद परिक्षा स्थगित


रुपबहादुर विश्वकर्मा

१४ अगहन सर्लाही । सर्लाहीके कालिञ्जोरस्थित नेपाल राष्ट्रिय जनता उच्च माविके छात्रासबमे थरथराएके आ बरबराएके समस्या औलाबाद विद्यालयमे चलिरहल पहिल त्रैमासिक परिक्षा आइसँ स्थगित कएलगेल अछि ।

बितल सात गतेसँ अखनधरिमे ओहन  सात गोटे छात्रामे देखल गेलाबाद परिक्षा स्थगित कएलगेल विद्यालय जनौलक अछि । आइ भिन्सर सेहो ४ गोटे छात्रामे  एकेबेर एहन समस्या देखयमे आएल विद्यार्थी मनिष दाहाल जानकारी देलनि अछि ।

स्थानीयबासीसब भुत प्रेतक कारण एहन समस्या भेल आशंका करितो स्वास्थ्यकर्मीसब इ मास हिस्टेरियाक लक्षण रहल बतौलक अछि । अहिसँ आगु एहने लक्षण सिन्धुलीक एक बिद्यालयमे सेहो देखाइ देने छल । जकरबाद ओतय सेहो किछ दिनक लेल बिद्यालय बन्द कराओल गेल अछि ।

दक्षिण एसियाक सेक्सी महिलासब













ट्रकक ठक्करसँ तीन गोटेके मृत्यु


१४ अगहन जनकपुरधाम । पूर्वपश्चिम राजमार्ग अन्र्तगत धनुषा जिल्लाक पुष्पवलपुरमे ट्रकक ठक्करसँ तीन गोटेके मृत्यु भेल अछि ।

पूर्वसँ पश्चिमदिस जाऽ रहल ना.३ ख ५६११ नम्बरक ट्रक पुष्पवलपुरमे पैदल यात्रुके ठक्कर देलाबाद २ गोटेके घट्नास्थलेमे आ एक गोटेके इलाजक लेल जनकपुर अञ्चल अस्पताल लबैत काल बाटेमे मृत्यु भेल अछि । ट्रकक ठक्करसँ पुष्पवलपुर८ निवासी  ५५ बर्षक अष्टबहादुर श्रेष्ठ आ वाड नम्बर ६ के सीमा घिसिङ्गके घटनास्थलेमे आ वाड नम्बर८ के ८ बर्षक रिमा लामाके जनकपुर अञ्चल अस्पताल लबैत काल बाटेमे मृत्यु भेल पुलिस जनौलक अछि ।

अहिना ट्रकक ठक्करसँ गम्भीर घाईल भेल रोशन श्रेष्ठके थप इलाजक लेल विराटनगर रेफर कएलगेल अछि । ठक्कर देनिहार ट्रक तथा चालक पुलिसक नियन्त्रणमे अछि । अहिबिच घटनाक विरोधमे स्थानियबासीसब पूर्वपश्चिम राजमार्ग अन्र्तगत धनुषाक पुष्पवलपुरमे बाट अवरुद्ध केने अछि ।

सिद्धी महाम्ब्रीके हट पोज







जिल्ला प्रशासन कार्यालय धनुषामे धर्ना


१४ अगहन जनकपुरधाम । जनकपुर चुरोट कारखानाक मजदुरसब आइ २ घण्टा धर्ना देलक अछि ।

पुर्व घोषित कार्यक्रम अनुसार जचुकालिके मजदुरसब जिल्ला प्रशासन कार्यालय धनुषामे आइ २ घण्टा धर्ना देलक अछि ।

आइ दुपहर करिब  १२ बजेसँ २ बजेधरि धर्ना देने बताओलगेल अछि । धर्ना देबयसँ पहिने मजदुरसब जुलुश सहित नगरक बिभिन्न भागक परिक्रमा करैत जिल्ला प्रशासन कार्यालय पहुँचल छल । अहिसँ आगु ओसब १ घण्टा धर्ना दैत आबिरहल छल ।

बन्द रहल फैक्ट्रीके सँचालन , कर्मचारीसबके बाँकी बक्यौता रहल दरमाहा देबयके सहितक बिभिन्न माँग रखैत मजदुरसँगठन धर्ना देने बताओलगेल अछि । शिघ्र माँग पुरा नहि भेल तऽ बादमे धर्नाक समय बढाबयके आ ओहुँस नहि हाएत तऽ आओर शसक्त कार्यक्रमसब करयके मजदुर सँगठन चेतावनी सेहो देने अछि ।

फरार रहल एक गोटे गिरफ्तार


नागेन्द्र कर्ण
जलेश्वर, अगहन १४ । लम्बा समयसँ ज्यान मारयके मुद्दामे फरार रहल  एक गोटेके महोत्तरी पुलिस गिरफ्तार केलक अछि ।

गिरफ्तार होबयबलामे महोत्तरी सहसौला३ के फेकन मण्डल खत्वेके २३ बर्षक बेटा विजय मण्डल खत्वे रहल अछि । ओकर सँगसँ पुलिस दु राउण्ड गोली सेहो बरामद केने जिल्ला प्रहरी कार्यालय महोत्तरीक प्रहरी नायव उपरिक्षक केदार खनाल जानकारी देलनि । ओकरा रामगोपालपुर७ दोलाढीसँ गिरफ्तार कएल गेल अछि ।

याह साउन ७ गते वायह गाविस रहनियार विजय मण्डलके गोली प्रहार कऽ घाइल बना कऽ ओ  फरार भऽ गेल छल । फरार रहल मण्डलके खोजतलाशके क्रममे पौअने सुचनाक आधारमे गिरफ्तार कएल गेल अछि । ओ समयमे गोली प्रहारक जिम्मा जनतान्त्रिक तराई मुक्ति मोर्चा राजनमुक्ति समुह लेने छल । ओ सेहो वायह समुहमे संलग्न रहल होबय सकबाक कहैत थप पुछताछ भऽ रहल जनाओलगेल अछि ।

अहिबीच महोत्तरीक बर्दिवासमे पशु प्रचार करयके उद्देश्यसँ पाँच दिना पशु बजार मेला शुरु भेल अछि । मेलामे महोत्तरी सहित आसपासक जिल्ला तथा भारतीय बाजारसबसँ समेत व्यापारीसबहक उल्लेख्य उपस्थित रहल बजार सञ्चालक समितिक अध्यक्ष कृष्ण देवकोटा जानकारी देलनि । पशु बजार मेलामे गाई, बरद, पाडा, महिस, खसी बकरी बिक्रिके लेल राखल अछि । मेलामे करोडौंके कारोवार होयबाक  अपेक्षा समिति केने अछि ।

कांग्रेस पदाधिकारीक बैसार स्थगित


१४ अगहन, काठमाडौँ । भातृ संस्था विघटनके बाद सुरु भेल पार्टी विवाद समाधानक प्रयासमे आइ बैसत कहलगेल नेपाली कांग्रेसक पदाधिकारी बैसार अन्तिम समयमे आबि कऽ स्थगित भेल अछि ।

सभापति सुशील कोइराला बजौने बैसार आवश्याक तयारी नहि पहुँचल कहैत स्थगन कएलगेल अछि । बैसार काल्हि भिन्सर बैसत बताओलगेल अछि । बैसारमे पदाधिकारीके अलावा दुनु दिसक किछ प्रभावशाली नेतासबके सेहो बजाओलगेल अछि । भातृ संस्था विघटन विवाद सोझराएके बदला आओर ओझराएलाबाद वरिष्ठ नेता शेरबहादुर देउवा पक्ष किछ दिन आगु केन्द्रीय समितिक बैसार सेहो  बहिस्कार केने छलथि ।


सतर्कता केन्द्रसँ काठमाडौँ जिविसमे छापा


१४ अगहन, काठमाडौँ । राष्ट्रिय सतर्कता केन्द्र आइ भिन्सर जिल्ला विकास समितिक कार्यालय काठमाडौँके लेखा शाखामे छापा मारलक अछि ।

छापा मारयके क्रममे केन्द्र कार्यालयसँ महत्वपूर्ण कागजपत्रसब नियन्त्रणमे लेलक अछि । विकास निर्माणक काममे आर्थिक अनियमितता भेल आशंकामे छापा मारलगेल विभाग जनौलक अछि । राजधानीमे निर्माणाधीन विभिन्न सडक निर्माणक क्रममे आर्थिक हिनामिना भेल उजुरी आ शिकायत एलाबाद सतर्कता केन्द्र छानविन प्रकृया आगु बढौने अछि ।

३ सय १५ किलो गाँजा सहित एक ट्रक प्रहरी नियन्त्रणमे


सुरेश बिडारी

१४ अगहन सर्लाही । सर्लाहीके हरिवनसँ आइ कएल गेल चेकजाँचक क्रममे पुलिस करिब ३ सय १५ किलो गाँजा बरामद केलक अछि ।

पूर्वसँ पश्चिम जाऽ रहल ना २ ख ५२८ नम्बरक ट्रकसँ चेकजाँच करयके क्रममे ओ परिमाणमे गाँजा भेटल इलाका प्रहरी कार्यालय हरिवन जनौलक अछि । जाडके समयमे प्रयोग होबयबला जैकेट स्विटर सहितक फेन्सीके समानसब रहल ओ ट्रकमे शंका लगला पर चेक जाँच करयके क्रममे करिब ३ सय १५ किलो अबैध लागु औषध गाँजा बरामद कएल गेल इलाका प्रहरी कार्यालय हरिवनके प्रहरी नायब निरिक्षक सन्तोष बुढाथोकी जानकारी देलनि ।

शंकास्पद ट्रकके काल्हिए साँझ हरिवन ५ नयाँरोडसँ नियन्त्रणमे लेलगेल रहितो राति भेलासँ आइ भिन्सर मात्रे चेकजाँच कएलगेल हुनक कहब छलनि । ट्रकके चालक आ सहचालक फरार रहलासँ खोजी भऽ रहल पुलिस जनौलक अछि ।

संसदक बैसार बैसय जाऽ रहल


१४ अगहन काठमाण्डौ । व्यवस्थापिका संसदक बैसार आइ सेहो बैसय जाऽ रहल अछि ।

बेरियाक ३ बजेबाद बजाओलगेल बैसारमे काल्हि संसदमे संविधानसभाक म्याद बढाओलगेल विधेयकमे राष्ट्रपति कार्यालयसँ प्रमाणीकरण कएलगेल पत्र पढि कऽ सुनाबयके कार्यसूची अछि । दलसब सहमति अनुसार संविधानसभाक म्याद ६ महिना बढौलाबाद आब ४ वर्ष पहुँचल अछि । दु वर्षमे संविधान बनाबय जका अन्तरिम संविधानमे उल्लेख रहितो दलसब १२ बेरधरि संशोधन कऽ क ४ वर्ष पहुँचौने अछि ।

बढाओलगेल समयमे संविधान बनाबयके विकल्प नहि अछिः नेम्वाङ


१४ अगहन काठमाण्डौ । संविधानसभाक अध्यक्ष सुवासचन्द्र नेम्वाङ बढाओलगेल ६ महिनामे संविधान बनयके आधार तयार भेल बतौलनि अछि ।

संविधान निर्माणक लेल ६ महिना पर्याप्त भेलासँ जेठ १४ बादक अवस्थाके लऽ विवाद करयके कारण नहि रहल हुनक कहब छलनि । सभाध्यक्ष नेम्वाङ शान्ति प्रक्रियाके काम ठीक ढंगसँ आगु बढिरहलासँ संविधान बनयके निश्चित रहल बतौलनि ।

राज्यपुनर्संरचना आयोग प्रतिवेदन तयार करैत कालधरि संविधानक बाँकी विबादित विषयमे सहमति जुटाओल जाएत ओ बतौलनि । काल्हि भिन्सर बैसयबला संवैधानिक विबाद समाधान उपसमितिक बैसारसँ संविधान निर्माणक नयाँ कार्यतालिका बनाओल जाएत ओ जानकारी देलनि । शान्ति प्रक्रियाके कारण विगतमे संविधान निर्माण कार्यक्रममे अबरोध सृजना भेलाबाद आगामी दिनमे ओहन अवस्था नहि आओत विश्वास ब्यक्त कएलनि । संविधान निर्माणक लेल राज्यपुर्नसंरचनाके विषय चुनौतिपूर्ण होइतो आयोग सबके स्वीकार्य होबय जेहन प्रतिवेदन तयार करत ठोकुवा कएलनि ।

दैलेखमे अन्तर्जातिय विवाहमे बाधा पहुँचाबयबलाके आठ महिना जेलक सजाय


१४ अगहन, दैलेख । दैलेख जिल्ला अदालत दैलेखम अन्तर्जातीय विवाह केने जोडीक सम्बन्ध तोरयबला ६ गोटेके प्रति ब्यक्ति पाँच-पाँच हजार जरिवाना आठ-आठ महिना जेल सजाय सुनौलक अछि

दैलेखक जगनाथ गाविस वड नं. ६ निवासी अमृत विक वायह ठामक सविता शाहीक अन्तर्जातीय विवाहके जातीय हिसाबसँ ठीक नहि रहल कहैत लडकाके पिट कऽ भाग बाध्य बनौने आ लडकीके अपने जातिके दोसर लडकासँग विवाह करौने मुद्दाम जिल्ला न्यायाधीश नारायणप्रसाद धितालक एकल इजलाससँ इ सजाय तोकने अछि । अन्तर्जातीय विवाह केने जोडीक सम्बन्ध तोरनाइ जातीय विभेद रहल कहैत जगनाथ गाविस वड नं. ६ क रामबहादुर शाही, चक्रबहादुर शाही, पदमबहादुर शाही, ओमजङ्ग शाही, कुवेरजङ्ग शाही केशव शाहीके सजाय तोकने अदालतक श्रेस्तादार अधिकृत कृष्णप्रसाद नेपाल जानकारी देलनि

Tuesday, November 29, 2011

संविधानसभाक म्याद ६ महिना बढल


काठमाडौ, अगहन १३ । ब्यवस्थापिका संसदक बैसारमे ब्यवस्थापिका संसद आन्तरिम संविधानके संशोधन कऽ आइ संविधानसभाक म्याद ६  महिना बढौलक अछि । इ चारिम बेर म्याद बढाओल गेल अछि ।

ब्यस्थापिका संसदमे भेल मतदानमे उपस्थित ५०८ सभासद मेसँ ५०५ गोटे सरकार प्रस्तुत केने संविधानसभाक म्याद बढाबय  सम्बन्धि संविधान संशोधन प्रस्तावके पक्षमे मतदान कएने छलथि तऽ विपक्षमे तीन मत परल छल । ओ तीन मत राष्ट्रिय प्रजातान्त्र पार्टी नेपालक छल ।
अहिसँ आगु आइ भिन्सर मधेसी मोर्चा सहितक माओवादी, काँग्रेस आ एमालेक बैसारमे ६ बुँदे सहमति कऽ क संविधानसभाक म्याद ६ महिना बढाबयके सहमति केने छल । सर्वोच्च अदालत एक बेरसँ बेसी म्याद नहि बढाबय आदेश केलासँ याह समयसीमा भितर संविधान जारी केनाइ बाध्यात्मक परिस्थिति रहल अछि । 

अहिबिच सबदिन समएमे कार्यक्रमस्थल पहुँचयबला एमालेका बरिष्ठ नेता माधव नेपाल आजुक संसदक बैसारमे
मतदान करय नहि सकलथि ।

सबदिन अबेरसँ सुरु होबयबला संसदक बैसारमे नेता नेपाल अबेर भेलाक कारण मतदान प्रकृयामे भाग लेबय नहि सकलथि । ओ अबेर अएलाक कारण हुनका संसद भवन भितर पैसय नहि देलाबाद मतदान प्रकृयामे ओ भाग लेबय नहि पौअलथि ।   

देशभरि अखनो ५२ लाख निरक्षर


भक्तपुर, अगहन १३ । अनौपचारिक शिक्षा केन्द्र सानोठिमी  पचहतरो जिल्ला शिक्षा कार्यालयसँ सङ्कलित १५ वर्षसँ उपरके समूहक निरक्षरताके सङ्ख्या सार्वजनिक केलक अछि ।

केन्द्रक उपनिर्देशक केशवप्रसाद दाहाल काल्हि अहि बिषयमे जानकारी दैत देशभरि हाल १५ वर्षसँ उपरके १७ लाख ३८ हजार ६४३ पुरुष आ  ३४ लाख ३५ हजार ३३६ महिला निरक्षर रहल बतौलनि ।

देशके पचहतरो जिल्ला मेसँ सबसँ बेसी निरक्षर रहल जिल्ला सर्लाही आ सबसँ कम रहल जिला मनाङ अछि । सर्लाहीमे एकलाख ३२ हजार ७९८ महिला    ८८ हजार ८९७ पुरुष निरक्षर तथा मनाङमे ९०७  महिला आ ४९९  पुरुष निरक्षर अछि ।

केन्द्र बितल कात्तिकसँ सञ्चालन केने साक्षरता कक्षा निरक्षरके याह सङ्ख्याके आधार मानि कऽ प्रभावकारी रुपमे सञ्चालन करय आग्रह केलक अछि ।

अहिवर्ष केन्द्र देशके १५ सँ ६० वर्ष उमेर समूहक  करिब १० लाख ३५ हजार  निरक्षरके साक्षर बनाबयके लक्ष्य ल ऽ क बितल कात्तिक १ गतेसँ तीन चरणमे सम्पन्न करय जका देशभरि साक्षरता अभियान सञ्चालन केने केन्द्रक उपसचिव माधवप्रसाद दाहाल बतौलनि ।

पहिल चरणके तीन महिना कात्तिक, अगहन आ पुसमे तीन लाख ५० हजार निरक्षर नागरिकके साक्षर बनाओल जाएत जानकारी दैत ओ दोसर चरणमे माघसँ चैतधरिमे आ तेसर चरणमे वैशाखसँ अखारधरि लक्ष्य अनुसारक सङ्ख्यामे साक्षर बनाओल जाएत उल्लेख कएलनि ।

अहि अभियानके लेल करिब  ७० करोड रुपैयाक बजेट खर्च होयबाक अनुमान कएलगेल अछि ।

पर्सासँ पैघ परिमाणमे गाँजा बरामद


क्रान्ति शाह
१३ अगहन वीरगन्ज । पर्साके निर्मलबस्ती गाविससँ पुलिस आइ भिन्सर पैघ परिमाणमे अवैध गाँजा बरामद केलक अछि ।

जिल्ला प्रहरी कार्यालय पर्सासँ खटल पुलिसक टोली निर्मलीवस्ती गाविस वाड नम्बर ८ के गोपीटोलक विभिन्न घरमे छापामारी कऽ क २० क्वीन्टल गाँजा बरामद केलक अछि । बरामद गाँजा जिल्ला प्रहरी कार्यालय पर्सामे राखल अछि  । इ गाँजा अखनधरिके सबसँ पैघ परिमाणमे रहल जिल्ला प्रहरी कार्यालय पर्सा दाबी केलक अछि। छापामारीके क्रममे गाँजा बरामद भेल घरका मालिकसब नहि भेटल पुलिसक कहब अछि ।

अहिसँ आगु काल्हि भिन्सर सेहो पुलिस पर्साके निर्मलवस्तीसँ ६ क्वीन्टल गाजा बरामद केने छल ।

संविधानसभाक म्याद छ महिना बढाबयके सहमति


काठमाडौ, अगहन १३ । प्रमुख तीन दल आ मधेशी मोर्चाबीच संविधानसभाक म्याद छ महिनाक लेल बढाबयके सहमति भेल अछि । राष्ट्रिय सरकार अविलम्व गठन करयके मुख्य शर्तमे दलसबबीच सहमति भेलाबाद म्याद बढाबयके वातावरण बनल अछि ।

शान्ति मन्त्रालयमे भेल बिमर्शमे दलसबबीच फेउर ६ बुँदे सहमति भेल अछि । कात्तिक १५ गते भेल ७ बुँदेके पालना करयके, शान्ति प्रक्रिया सम्बन्धी कार्य अगहन मसान्त भितर सम्पन्न करयके सहमति भेल अछि । अहिसँ आगु अगहन ७ भितर शान्ति प्रक्रिया सम्बन्धी कार्य सम्पन्न करयके सहमति भेल छल ।

राज्य पुनर्संरचना आयोग पहिल बैसार बैसल २ महिना भितर अपन प्रतिवेदन देबयके, संवैधानिक समिति अगहन २० भितर संविधान निर्माणक कार्यतालिका सार्वजनिक करयके समेत सहमति भेल मोर्चाक नेता तथा सञ्चार मन्त्री जयप्रकाश गुप्ता बतौलनि । बैसारमे भेल सहमतिसबहक कार्यान्वयनके समिक्षा करय प्रत्येक सप्ताह शीर्ष नेतासबहक बैसार बैसयके तय भेल अछि ।

सहमति पत्रमे मओवादी अध्यक्ष पुष्पकमल दाहाल, कांग्रेस सभापति सुशील कोइराला, एमाले अध्यक्ष झलनाथ खनाल आ मोर्चासँ विजय गच्छदार हस्ताक्षर कएलनि अछि ।

एना कऽ मनाओल जाइत अछि बिबाह पंचमी


२०६८ साल अगहन १३ गते । मिथिलाक पवित्र भुमि जनकपुर धाममे बिभिन्न समयमे बिभिन्न किसिमक पावनिसब हर्षोउल्लासके सँग मनाओल जाइत अछि ।

जनकपुरमा मनाओल जाएबला बिभिन्न पावनिके अपने अपने बिशेषता आ महत्व रहल अछि । मुदा अगहन महिनामे परयबला पावनि राम जानकी बिबाह महोत्सवके बहुत पैघ महत्व रहल अछि । कारण इ पावनिमे भगवान श्रीराम आ माता जानकीक बिबाह सम्बन्धसँ जुडल अछि । अहि बर्षक बिबाह महोत्सव अगहन १३ गते भऽ रहल अछि । पँचमीक दिन बिबाह महोत्सव भेलासँ अहिके बिबाह पँचमी सेहो कहल जाइत अछि । अहि बिबाह पँचमीक अवसरमे अहि दिन राम आ सिताक रुप धारण केनेसबहक बिबाह करबाक चलन रहल अछि । माता जानकीके सिता बैदेही जेहन बिभिन्न नामसँ सेहो जानल जाइत अछि । बिबाह पँचमीमे सिता आ रामके बिवाह भेलासँ अहि दृश्यबे  भक्तजनस कैद करय अपन  आ भगवानक बिबाहमे सहभागी होबय लेल नेपाल तथा भारतक बिभिन्न ठामसँ दुर दुरसँ बहुत पैघ सँख्यामे अबैत अछि । याह कारण जनकपुरधामके एक महिना पहिनेहीसँ सजाबयके काज शुरु भऽ जाइत अछि ।

जनकपुर नगरपालिका सरसफाईके तिब्रता दैत अछि तऽ जानकी मन्दिरक रङपोत सेहो तिब्र रुपमे कऽ जानकी मन्दिरके कनिया जका सजाओल जाइत अछि । अहि महोत्सवमे बिदेशी पर्यटकसबहक सेहो ओतबे उपस्थिति रहैत अछि ।  बिबाह पँचमी महोत्सवमे सहभागी होबय लेल पर्यटक तथा श्रद्धालु भक्तजनसब ५  दिन आगुए सँ जनकपुर आबय लगैत अछि । एम्हर भारतक अयोध्यासँ सेहो महोत्सवमे सहभागी होबय साधु सन्त सहितक बरियातीके टोली मटकोरे दिन जनकपुर आबि जाइत अछि । ओ बरियातीसबके  नेपाली भुमिमे प्रवेश करिते  बिभिन्न मठ मन्दिरक महन्थ तथा स्थानिय बासी आ स्थानिय प्रशासन भब्य स्वागत करैत अछि ।

अहिना भगवान रामको तिलकोत्सव समारोहमे जानकी मन्दिरसँ राम मन्दिरमे बिवाह पँचमीसँ २ दिन पहिने भार पठाबयके  परम्परा रहल अनुसार अहु बेर १ सय ५१ टा मिठाइसबहक भार राम मन्दिरमे पठाओल गेल छल । अहिना ओकरबाद बिबाह पन्चमीके दिन राम मन्दिरसँ डेढ सय सँ बेसी भार जानकी मन्दिरमे पठाबयके चलन रहल अछि ।

बिवाह पँचमीक दिन साँझमे जानकी मन्दिरक प्राङणमे भगवान राम आ सिताक बिवाह कार्यक्रम सम्पन्न होइत अछि । ओइसँ पहिने धनुषा तथा महोतरीक बिभिन्न गाम गाम तथा कुटीसबसँ बिभिन्न किसिमक नाच आ झाँकी प्रस्तुत करैत जानकी मन्दिरमे आबि जानकी माताक डोला पाछु पाछु स्थानिय बारह बिग्हा रँगभुमि मैदानमे पहुँचैत अछि । अहि क्रममे लाखौ श्रद्धालुसब सेहो डोलाके पाछु पाछु सहभागी होइत अछि ।

राम मन्दिरसँ श्री राम जीक डोला आ जानकी मन्दिरसँ माता जानकीक डोला निकैल कऽ स्थानिय बारह बिग्हा मैदान पहुँचैत अछि । ओइठाम श्रद्धालु आ श्रीरामचन्द्र तथा माता जानकीक डोला पहुँचलाबाद स्वँयबर कार्यक्रम सम्पन्न होइत अछि । ओकरबाद बारह बिग्हासँ पुनः डोला सहितक भीड रामानन्द चौक पिडारी चौक मिल्स एरिया जनक चौक हुँदै नगर परिक्रमा गर्दै शोभा यात्रा निकालैत जानकी मन्दिरमे आबि कऽ परिक्रमा सम्पन्न होइत अछि ।

जानकी मन्दिरक प्राङणमे सब जम्मा भेलाबाद करिब साँझ ६ बजेसँ राम आ सिताक बैबाहिक कार्यक्रम शुरु होइत अछि । जाहिमे दुल्हा पक्षके दिससँ राम मन्दिरक महन्थ दशरथ बनल रहैत छथि तऽ कनिया पक्षक दिससँ  जानकी मन्दिरक महन्थ राम तपेश्वर दास बैष्णब सिताक पिता जनकके रुपमे प्रतिनिधित्व करैत अछि । बिबाह समारोहमे जानकी मन्दिरक प्राङणमे लाखौके सँख्यामे भक्तजनसबहक भिड लागल रहैत अछि ।

ओकरबाद ओइके दोसर दिन राम कलेवा अर्थात बिदाइ कार्यक्रम होइत अछि । ओहिदिन माता जानकीके बिदाइ कएल जाइत अछि । एकर बाद बिवाह पँचमी महोत्सवक समापन होइत अछि ।

अहिबीच एम्हर भिडभाडके ध्यानमे रखैत स्थानिय प्रशासन ओ समयमे करिब १५ सयसँ अधिक सुरक्षाकर्मी परिचालन कएने रहैत अछि तऽ पाकेटमारसबहक गिरफ्तारीके लेल पुलिससबके सादा पोशाकमे सेहो परिचालन कएल गेल रहल जिल्ला प्रहरी कार्यालय धनुषा जनौलक अछि ।

एम्हर बिवाह पँचमीक अवसरमे जनकपुरक बिभिन्न बिद्यालयसब जनकपुरमे आएल अतिथिसबहक लेल निःशुल्क आवास के ब्यब्स्था सेहो कएने रहैत अछि तऽ बिभिन्न क्लब तथा जिल्ला जनस्वास्थ्य आ रेडक्रस सोसाइटि निःशुल्क दबाइ बितरण तथा जाँचके ब्यब्स्था सेहो कएने रहैत अछि ।

बिवाह पँचमी महोत्सव सप्ताहब्यापी रुपमे मनाओल जाइत अछि जकर कार्यक्रम एना रहैत अछि ।

पहिल दिन जनकपुर नगर दर्शन
दोसर दिन फुलवारी लिला
तेसर दिन -  धनुष यज्ञ
चारिम दिन तिलकोत्सव
पाँचम दिन मटकोर
छठम दिन शुभ बिवाह अर्थात बिवाह पँचमी
सातम दिन -  राम कलेवा


फिस्टेल एयरके हेलिकोप्टर सोलुखुम्बुके लोबुचेमे दुर्घटना


१३ अगहन, काठमाडौं । फिस्टेल एयरके हेलिकोप्टर सोलुखुम्बुके लोबुचेमे दुर्घटना भेल अछि । अष्टे्रलियन नागरिकके उद्धारका लेल गेल हेलिकोप्टर दुर्घटनामे परल अछि ।

रोगी लऽ उडयके क्रममे दुर्घटनामे परल फिस्टेल एयर जनौलक अछि । विमानमे रहल चालक दिपक राणा, सहयोगी अनुषा गुरुङ आ रोगी सकुशल रहल अछि ।

दुर्घटनामे परि विमानके पछिला हिस्सा क्षतिग्रस्त भेल अछि ।

भूमिगत जनतान्त्रिक क्रान्तिकारी समूह वार्तामे आबय तयार


१३ अगहन, सप्तरी । तराईमे सशस्त्र भूमिगत गतिविधि करैत आएल मधेस राष्ट्र जनतान्त्रिक पार्टी (क्रान्तिकारी) समूह सरकारसँग वार्तामे आबय तयार भेल अछि ।

सप्तरीके राजविराजमे सञ्चारकर्मीसँग बात करैत प्रधानमन्त्रीक प्रेस सल्लाहकार रामरिझन यादव मधेस राष्ट्र जनतान्त्रिक समूह सरकारसँग वार्तामे बैसय तयार रहल जानकारी देलनि । यावद अपने भारतीय भूमिमे ओ समूहक नेतासँग भेट कऽ वार्ताक वातावरण बना कऽ घुरल बतौलनि ।

मोर्चाक नेतासबमे हतियारक राजनीति त्यागि कऽ शान्तिपूर्ण राजनीतिमे आबय तयार रहल अपने पौअने सल्लाहकार यादवक कहब छलनि । जनतान्त्रिक तराई मुक्ति मोर्चा अग्नि समूह सहित तीन टा समूह एकीकरण कऽ किछ समय आगु जनतान्त्रिक क्रान्तिकारी पार्टी गठन केने छल ।

लेखासँ निगमक आर्थिक अपारदर्शीता सम्बन्धमे पुछताछ


१३ अगहन, काठमाडौँ । व्यवस्थापिका संसद अन्तर्गतके सार्वजनिक लेखा समिति नेपाल वायुसेवा निगममे भेल आर्थिक अपारदर्शीताक सम्बन्धमे बिमर्श करय सम्बद्ध पक्षके बजौलक अछि ।

लेखा पर्यटन तथा नागरिक उड्डयन मन्त्रालयके सचिव आ नेपाल वायुसेवा निगमक महाप्रबन्धकके निगम सञ्चालनके क्रममे भेल आर्थिक अनियमितताबारे पुछताछक लेल बजौलक अछि । सिंहदरबारस्थित कार्यालयमे जारी समितिक बैसारमे सभासदसब निगममे भेल भ्रष्टारचारबारे सम्वद्ध अधिकारीसँग जानकारी लऽ रहल  सभापति रामकृष्ण यादव जानकारी देलनि । वायुसेवा निगम आन्तरिक व्यवस्थापनके कारण धारासायी बनैत गेल अछि ।

निगमसँग हाल रहल दु टा मात्र राष्ट्रिय ध्वजाबाहक विमानके कहियो गियर बक्स तऽ  कहियो पहिया गायव होइत अछि । अहिसँ अन्तर्राष्ट्रियस्तरमे नेपालबारे नकारात्मक सन्देश जाएके सँगे पर्यटन प्रवर्द्धनमे समेत समस्या उत्पन्न भेल अछि ।

लड़कीके ५ बात जे लड़कासब आइधरि समझय नहि सकल


लड़कीके ५ बात जे लड़कासब आइधरि समझय नहि सकल
(१) आहाँ बहुत उ छी........(पता नहि उ के मतलब कि छैक? लड़का सोच में पड़ि जाइत अछि)
(२) हमरा आँहासँ इ उम्मीद नहि छल......(तऽ फेउर केहन उम्मीद छल ?)
(३) आँहा पहिने जका नहि रहलौ...............( तऽ फेउर केहन रहलौ ?)
(४) सच बताउ हम केहन लागि रहल छी ... (बाप रे सच कि बाजब, पिटाइ  थोड़े ही न खाएके अछि)
(५) हम बहुत स्वार्थी छी ने...........( आब हां कहब तऽ समझु गेल भैंस पानी में)...

बिवाहपँचमी अन्तर्गत आइ राम आ सिताक बिवाह


१३ अगहन जनकपुरधाम । राम जानकी बिवाहपँचमी अन्तर्गत आइ राम आ सिताक बिवाह सम्पन्न हाएत । बिवाह पँचमी महोत्सवमे सहभागी होयबाक लेल श्रद्धालु भक्तजनसब ५ दिन पहिनेहीसँ जनकपुर आबय लागल छलथि ।

राम सिताक बिवाह कार्यक्रममे सहभागी होबय लेल नेपाल भारतक बिभिन्न स्थानसँ दुर दुरसँ श्रद्धालु तथा  सन्त महात्मासबहक जनकपुर आएल छथि । अहिमे खास कऽ भारतक अयोध्यासँ सेहो पैघ सँख्यामे साधु महात्मासब जनकपुर पहुँचल छथि ।

आजुक दिन साँझमे जानकी मन्दिरक प्राङणमे भगवान राम आ सिताक बिवाह कार्यक्रम सम्पन्न हाएत । ओइसँ पहिने धनुषा तथा महोतरीक बिभिन्न गाम गाम तथा कुटीसबसँ बिभिन्न किसिमक नाच आ झाँकी प्रस्तुत करैत जानकी मन्दिरमे आबि जानकी माताक डोला पाछु पाछु स्थानिय बारह बिग्हा रँगभुमि मैदानमे पहुँचत । अहि क्रममे लाखौ श्रद्धालुसब सेहो डोलाके पाछु पाछु सहभागी हाएत ।

राम मन्दिरसँ श्री राम जीक डोला आ जानकी मन्दिरसँ माता जानकीक डोला निकैल कऽ स्थानिय बारह बिग्हा मैदान पहुँचत । ओइठाम श्रद्धालु आ श्रीरामचन्द्र तथा माता जानकीक डोला पहुँचलाबाद स्वँयबर कार्यक्रम सम्पन्न हाएत । ओकरबाद बारह बिग्हासँ पुनः डोला सहितक भीड रामानन्द चौक पिडारी चौक मिल्स एरिया जनक चौक होइत नगर परिक्रमा करैत शोभा यात्रा निकालैत जानकी मन्दिरमे आबि कऽ परिक्रमा सम्पन्न हाएत । 

जानकी मन्दिरक प्राङणमे सब जम्मा भेलाबाद करिब साँझ ६ बजेसँ राम आ सिताक बैबाहिक कार्यक्रम शुरु हाएत । जाहिमे दुल्हा पक्षके दिससँ राम मन्दिरक महन्थ दशरथ बनल रहैत छथि तऽ कनिया पक्षक दिससँ  जानकी मन्दिरक महन्थ राम तपेश्वर दास बैष्णब सिताक पिता जनकके रुपमे प्रतिनिधित्व करताह । बिबाह समारोहमे जानकी मन्दिरक प्राङणमे लाखौके सँख्यामे भक्तजनसबहक भिड लागल रहैत अछि ।

अहिबीच एम्हर भिडभाडके ध्यानमे रखैत स्थानिय प्रशासन करिब १५ सयसँ अधिक सुरक्षाकर्मी परिचालन कएने अछि तऽ पाकेटमारसबहक गिरफ्तारीके लेल पुलिससबके सादा पोशाकमे सेहो परिचालन कएल गेल जिल्ला प्रहरी कार्यालय धनुषा जनौलक अछि ।

एम्हर बिवाह पँचमीक अवसरमे जनकपुरक बिभिन्न बिद्यालयसब जनकपुरमे आएल अतिथिसबहक लेल निःशुल्क आवास के ब्यब्स्था सेहो कएने अछि तऽ बिभिन्न क्लब तथा जिल्ला जनस्वास्थ्य आ रेडक्रस सोसाइटि निःशुल्क दबाइ बितरण तथा जाँचके ब्यब्स्था सेहो कएने अछि ।

अहिना जनकपुर युथ क्लब जिरोमाइलमे निःशुल्क शिविरक आयोजना कएने अछि । जाहिमे निःशुल्क जाँच, दवाइ बितरण फलफुल बितरण सहित निःशुल्क आवासके सँगही खोज तलाश शिविरक सेहो आयोजना कएने क्लबक अध्यक्ष मनिष कुमार झा जानकारी देलनि अछि । ओ शिविरक आइ बृहत्तर जनकपुर क्षेत्र बिकाष परिषदक अध्यक्ष एवँ नेपाली काँग्रेस धनुषाक बरिष्ठ नेता दिगम्बर राय उदघाटन कएने छलथि ।

क्लबक सल्लाहकार नन्द कुमार झाक प्रमुख आतिथ्यमे उदघाटन भेल ओ शिविरमे प्रमुख अतिथिक आसनसँ बजैत राय स्थानिय रामेश्वरी देवी सरोवरके घाट तथा ओइठाम मन्दिर निर्माण कराबयके प्रतिबद्धता जाहेर कएलनि ।   

राजधानीके हाँस मुर्गामे बर्डफ्लु रहल पुष्टि


१३ अगहन, काठमाडौँ । राजधानीमे पंक्षीमे लागयबला संक्रमक रोग बर्डफ्लु रोगके किटाणु भेल पुष्टि भेल अछि ।

काठमाडौँके मनोहरा नदीक कातमे रहल सुकुम्बासी वस्तीमे पोसलगेल हाँस आ मुर्गामे इ जिवाणू भेटल अछि । पशु स्वास्थ्य निर्देशनालय केने नमुना परीक्षणमे बर्डफ्लु रोगके जिवाणु रहल पुष्टि भेल अछि । बडृफ्लु पुष्टि भेलाबाद विभाग करिब ५ सय हाँस-मुर्गा नष्ट केलक अछि ।

आइ विश्व क्षयरोग दिवस


१३ अगहन, काठमाडौँ । आइ विश्व क्षयरोग दिवस । दिवसक अवसरमे नेपाल सहित विश्वभरि विविध कार्यक्रम क इ दिवस मनाओल जाऽ रहल अछि ।

दिवसक अवसरमे आइ भिन्सर राजधानीके काठमाडौँ आ ललितपुरमे प्रभातफेरिक आयोजना कएल गेल छल । स्वास्थ्य मन्त्रालय आ स्वास्थ्यसँग सम्बद्ध विभिन्न संघसंस्थासब अन्र्तक्रिया सहितक कार्यक्रम कऽ रहल अछि ।
विश्व स्वास्थ्य संगठनके अनुसार प्राणघातक मानल जाएबला क्षयरोगसँ विश्वभरि हरेक वर्ष १४ लाख ब्यक्तिके मृत्यु होइत आबिरहल अछि । नेपालमे हरेक वर्ष अहि रोगसँ ५ सँ ७ हजार गोटेके मृत्यु होइत अछि ।

Monday, November 28, 2011

सर्लाहीमे हातहतियारसहित सशस्त्र समूहक दु गोटे सार्वजनिक


रुपबहादुर विश्वकर्मा

१२ अगहन सर्लाही । सर्लाहीमे आइ सशस्त्र समूहक दु गोटेके हातहतियार सहित पुलिस सार्वजनिक केलक अछि ।

मलंगवा स्थित जिल्ला प्रहरी कार्यालयमे पत्रकार सम्मेलन कऽ जनतान्त्रिक तराई मुक्ति मोर्चा ज्वालासिंह समूहक शुरेश कहायबला चन्दन यादव आ उपेन्द्र बैठाके पुलिस आइ सार्वजनिक केलक अछि । बितल ९ गते गिरफ्तार भेल सर्लाहीके सिसौट गाविस वाड नं. ७ के चन्दनके सँगसँ  बरामद दु थान नलकटुवा पेस्तोल आ ४ राउण्ड गोली सेहो पत्रकार सम्मेलनमे सार्वजनिक कएल गेल छल । ओकरा सहयोग केने  आरोपमे सिसौटके वाड नं. ४ के बैठाके पुलिस आइ गिरफ्तार केलक अछि ।

अभियुक्त चन्दन उपर किछ समय आगु अपहरण बाद हत्या कएलगेल शंकरपुरक विजय रायके हत्या तथा रामवनके झगरु बैठाके सांघातिक आक्रमण कऽ गम्भिर घाईल बनौने सहितक विभिन्न अपहरण, चन्दा असुली जेहन दर्जनौं आरोप रहल प्रहरी उपरिक्षक मोहनराज जोशी जानकारी देलनि ।

अहिबीच आइए पुलिस गढैयासँ एक शंकास्पद व्यक्तिके गिरफ्तार केलक अछि । गढैया वाड नं. १ के रामस्नेही यादवके गिरफ्तार कएलगेल पुलिस जनौलक अछि ।

सहमतिमे आबयके विकल्प नहि अछिः सूचना तथा संचार राज्यमन्त्री साह


नागेन्द्र कर्ण
जलेश्वर, अगहन १२ । सूचना तथा सञ्चार राज्य मन्त्री सुरिता कुमारी साह आव राजनीतिक दलसबके संविधान निर्माणक लेल सहमतिमे आबयके विकल्प नहि रहल बतौलिह अछि ।
 
नेपाल पत्रकार महासंघ महोत्तरी शाखाद्वारा आइ जलेश्वरमे आयोजित एक कार्यक्रममे बजैत ओ आब संविधानसभाक म्याद अन्तिम समयके लेल बढाबय लगलासँ संविधान निर्माणक लेल सहमति जरुरी रहल बतौलिह । शान्ति प्रक्रिया सहितक राज्य पुर्नसंरचना आयोग समेत गठन भऽ चुकलासँ दलसबके संविधान निर्माणक कामके आगु वढाबयके आजुक आवश्यकता रहल ओ बतौलिह । राज्यमन्त्री साह अखने सँ दलसबके गम्भीरता पूर्वक संविधान निर्माणमे जुटय परत बतौलिह ।

मधेशी जनअधिकार फोरम गणतान्त्रिकके नेतृ तथा राज्यमन्त्री साह सूचना आ सञ्चारक विकास आवश्यक रहलासँ महोत्तरीके सञ्चारक विकासक लेल अपने क्रियाशिल रहब वतौलिह ।

कार्यक्रममे नेपाल पत्रकार महासंघ महोत्तरी शाखाक अध्यक्ष हरिप्रसाद मण्डल महोत्तरीके सञ्चारक अवस्था वारे  राज्यमन्त्री साहके जानकारी करौने छलथि ।

कार्यक्रममे हुनका अध्यक्ष मण्डल सम्मान केने छलथि तऽ  ओइसँ आगु राज्यमन्त्री साह नेपाल पत्रकार महासंघ महोत्तरी शाखाक कार्यालय भवनके सेहो स्थलगत निरिक्षण कएने छलिह 

आइ माता जानकीके मटकोर


१२ अगहन जनकपुरधाम । ऐतिहासिक एवम् धार्मिक नगरी जनकपुरमे जारी विवाहपञ्चमी महोत्सव अन्तर्गत आइ माता जानकीके मटकोर हर्षोल्लासपूर्वक भऽरहल अछि । काँल्हि राम मन्दिरमे तिल्कोत्सव कार्यक्रम सम्पन्न भेलाक पश्चात आइ मटकोर भऽरहक अछि। काँल्हि भेल तिल्कोत्सव कार्यक्रममे राममन्दिरक महन्थ राम गिरी आ जानकी मन्दिरक महन्थ रामतपेश्वर दास वैष्णव एक आपसमे सम्धी मिलन कएने छलथि। महन्थ गिरी अयोध्या नरेश दशरथ तथा महन्थ दास राजा जनकक रुपमे प्रतिनिधित्व कएने छलथि ।

तिल्कोत्सवक अवसरमे जानकी मन्दिरसँ बाजागाजासहित राममन्दिरमे १ सय ५१ भार पहुँचाओलगेल छल। आइ मटकोर सम्पन्न भेलाक बाद काँल्हि स्थानिय बाह्रविघा रणभूमि मैदानमे स्वयम्वर आ जानकी मन्दिरमे शुभविवाहक कार्यक्रम रहल अछि।

तहिना अगहन १४ गते रामकलेवा अर्थात् विदाई समारोह भेला पश्चाय विवाहपञ्चमी महोत्सव सम्पन्न हाएत। बाजागाजा आ झाँकीसहित राम आ सीताक प्रतिमाके विशेष रुपमे बनाओलगेल डोलामे सिंहासन करा कऽ रणभूमि बाह्रविघा मैदानमे लऽजाँक स्वयम्वर कार्यक्रम होइत अछि।

भारतक अयोध्या सहितक विभिन्न स्थानसँ विभिन्न मठक महन्थ आ साधुसन्तसभ बरातीक रुपमे जनकपुर आबक क्रम अखनो जारीए अछि । तहिना महोत्सवमे सहभागी होवयलेल धनुषा, महोत्तरी, सिरहा, सर्लाही सहितक नेपालक विभिन्न जिल्लासँ श्रद्धालुसभके जनकपुर आबक क्रम सेहो जारी अछि । सर्वसाधारणक सुरक्षाके दृष्टिगत करैत जनकपुरक सुरक्षा व्यवस्था कडा कएलगेल अछि।

६ टा शिविरमे लडाकु पुनवर्गीकरण आइ सम्पन्न भऽ रहल


१२ अगहन, काठमाडौँ । कैलालीके तालबन्दस्थित सातम डिभिजन बाहेक अन्य ६ टा शिविरमे बितल अगहन ३ गतेसँ जारी माओवादी सेनाक लडाकुसबहक पुर्नवर्गीकरण कार्य आइ सम्पन्न भऽ रहल अछि ।

कैलालीके तालबन्दस्थित सातम् डिभिजनबाहेक ६ टा मे आइ बेरियाक ५ बजेधरिमे वर्गीकरणके काम सम्पन्न भऽ जाएत सेना समायोजन विशेष समिति अन्तर्गतक सचिवालय संयोजक बालानन्द शर्मा जानकारी देलनि ।

सिन्धुलीके दुधौलीस्थित पहिल डिभिजन, इलामके चुलाचुलीस्थित दोसर डिभिजन, चितवनके शक्तिखोरस्थित तेसर डिभिजन, नवलपरासीके झ्यालटुङ डाँडास्थित चारिम डिभिजन, रोल्पाके दहवनस्थित पाँचम डिभिजन आ सुर्खेतके दशरथपुरस्थित छठम् डिभिजनमे आइ बेरियाधरिमे वर्गीकरणके काम सम्पन्न होबय लागल अछि ।

मुदा तालबन्दमे थारुवान तराई पार्टी सहित विभिन्न सात टा जातीय समूह केने ४ दिना आम हड्तालक कारण लडाकु मुख्य शिविरसँ लाबयमे समस्या अएलासँ वर्गीकरण सम्पन्न होबय नहि सकल अछि । शर्माक अनुसार ३ हजार ३ सय १० लडाकु रहल तालबन्दमे करिब १८ सयके वर्गीकरण सम्पन्न भऽ चुकल अछि । हुनका अनुसार काल्हि धरिमे १४ हजार ५७ गोटे लडाकुके वर्गीकरण सम्पन्न भऽ चुकल अछि ।

सात मुख्य आ २८ सहायक शिविरमे कऽ अनमिनसँ प्रमाणीकरणमे परल १९ हजार ६ सय २ माओवादी लडाकु अछि ।

पैघ परिमाणमे लागुऔषध गाँजा बरामद


१२ अगहन, पर्सा । पर्साके निर्मलवस्तीसँ आइ भिन्सर पुलिस ६ क्विन्टल गाजा बरामद केलक अछि ।


सुर्वणपुरस्थित सशस्त्र पुलिसक आउट रिच पोष्ट आ इलाका प्रहरी कार्यालय ठोरीसँ खटल पलिसक संयुक्त टोली निर्मलवस्ती-८ के छेदु लामाके घरमे छापा मारि कऽ २१ टा बोरामे राखल गाँजा बरामद केलक अछि । बरामद कएलगेल गाजाँ प्रहरी चौकी विजयवस्तीमे बुझाओलगेल सशस्त्र प्रहरी निरीक्षक गोलेप्रसाद चौधरी जानकारी देलनि ।

सबसँ पैघ भ्रष्टाचार राजनीति में:राहुल


१२ अगहन नयाँ दिल्ली । कांग्रेस महासचिव राहुल गांधी कहलन्हि जे सबसँ पैघ भ्रष्टाचार राजनीति में अछि आ जहियाधरि अपनेसब राजनीतिके सिस्टमके नहि बदलब ता धरि इ भ्रष्टाचार दूर नहि हाएत ।

ओ कहलनि जे ''लोग भ्रष्टाचारके बात करैत अछि । मुदा सबसँ पैघ भ्रष्टाचार राजनैतिक सिस्टम में अछि । जहियाधरि अपनेसब राजनैतिक सिस्टमके नहि बदलब ता धरि भ्रष्टाचार के बिरुद्ध अपनेसब लड़ाई नहि लड़य सकब ।''

राहुल गांधी आइ दिल्लीमें यूथ कांग्रेस के रैली के संबोधन करयके क्रममे इ बात बतौलनि अछि ।

पूर्व संचार मंत्री सुखरामके भेटलनि ज़मानत


१२ अगहन भारत । पूर्व संचार मंत्री सुखरामके दिल्ली हाई कोर्ट हुनकर स्वास्थ्य अबस्थाके ध्यानमे रखैत ज़मानत देलक अछि ।

सन् १९९६ में एक कंपनीके ठेका देबयके बदलामे तीन लाख रूपैया घूस लेबयके आरोपमें किछ दिन पहिने सुखरामके पाँच सालक जेलके सज़ाय सुनाओल गेल छल।

सुखराम  संचार राज्य मंत्रीके पद पर रहल समय एक कंपनीके ग़लत तरीकासँ फ़ायदा पहुँचाबयके उद्देश्य सँ दूरसंचार विभागके लेल बेसी दाम पर तार किनने अदालतक कहब अछि ।

हिमाचल प्रदेशके प्रभावशाली नेतामे सँ एक ८६ वर्षक सुखराम सन् १९९१ सँ लऽ क सन् १९९६ धरि पीवी नरसिंह राव सरकारक समयमें केंद्रीय दूरसंचार मंत्री छलथि ।

इराक़ी जेलके बाहर आत्मघाती हमला, 11 के मृत्यु्


१२ अगहन इराक़ । इराक़में भेल एक आत्मघाती हमलामें ११ गोटेके मृत्यु भेल अछि ।

आत्मघाती हमलावर  बग़दाद के नजदिक रहल जेलके प्रवेश द्वार पर अपना आपके विस्फोटकसँ उड़ालेने छल । जाहिमे परि कम सँ कम १५ गोटे घाइल सेहो भेल अछि । अहि दुर्घटनामे परयबलासबमे पुलिसकर्मी, सुरक्षाकर्मी आ जेलके कर्मचारी अछि ।

पेट सँ निकलल ४२१ टा डलर , १९६ टा नट आ १७ टा बोल्ट


१२ अगहन छतिसगढ । भारतक छत्तीसगढ़ के कोरबा जिल्लामें एक गोटेके पेटसँ ४२१ टा डलर, १९६ टा नट, १७ टा  बोल्ट आ तीन टा लोहा के चाबी निकलल अछि ।

इ खबर सुनि कऽ आलमारीमे राखल कोनो चिज लगितो बास्तवमे इ सब २८ वर्षक कुलेश्वर सिंहके पेट सँ ३ घंटाधरि चलल आपरेशनके बाद डाक्टर ६ किलो सँ बेसी लोहा निकाललक अछि ।

मानसिक रूपसँ कमज़ोर कुलेश्वर कखन इ सब खेलक से अपनासबके मालुम नहि रहल हुनक परिवारक सदस्यसब बतौलक अछि ।

ओ लंबा समयसँ पेटमें दर्द भऽ रहल शिकायत करैत रहैत छल तऽ डाक्टर पहिने एकरा सामान्य पेट के रोगके रुपमे लेने छल । बादमें जांच कएला पर रिपोर्टों में अंतड़ी में किछ फँसल पता लागल छल ।

कोरबाके श्रृष्टि मेडिकल अस्पताल आ शोध संस्थानके डाक्टर कुलेश्वरके आपरेशन करय काल आश्चर्यमे परल छल । करिब ३ घंटाधरि चलल अहि आपरेशनमें एक के बाद एक डलर, नट आ बोल्ट सब निकलैत रहल ।

डाक्टरसब आश्चर्यचकित अछि जे एतेक खएलाक बादो कुलेश्वरके अंतड़ीके बेसी नोक्सान नहि पहुँचल अछि ।

जचुकालीक मजदुर देलक धर्ना


१२ अगहन जनकपुरधाम । जनकपुर चुरोट कारखानाक मजदुरसब आइ १ घण्टा धर्ना देलक अछि ।

पुर्व घोषित कार्यक्रम अनुसार जचुकालिके मजदुरसब जिल्ला प्रशासन कार्यालय धनुषामे आइ एक घण्टा धर्ना देलक अछि ।
आइ दुपहर करिब पौने १२ बजेसँ पौने एक बजेधरि धर्ना देने बताओलगेल अछि । धर्ना देबयसँ पहिने मजदुरब जुलुश सहित नगरक बिभिन्न भागक परिक्रमा करैत जिल्ला प्रशासन कार्यालय पहुँचल छल ।

बन्द रहल फैक्ट्रीके सँचालन , कर्मचारीसबके बाँकी बक्यौता रहल दरमाहा देबयके सहितक बिभिन्न माँग रखैत मजदुरसँगठन धर्ना देने बताओलगेल अछि । शिघ्र माँग पुरा नहि भेल तऽ बादमे धर्नाक समय बढाबयके आ ओहुँस नहि हाएत तऽ आओर शसक्त कार्यक्रमसब करयके मजदुर सँगठन चेतावनी सेहो देने अछि ।

सुकुम्बासी ठगी काण्डक मुख्य अभियुक्त गिरफ्तार / ४ गोटे अखनो फरार


नेपालगन्ज, अगहन १२ । सुकुम्वासीके लालपुर्जा उपलब्ध करादेबयके प्रभोलन देखा कऽ पैसा उठौने आरोपमे राजु थापाके पुलिस नेपालगँजसँ गिरफ्तार केलक अछि ।

बांकेके सयौं सुकुम्वासीसँ पैसा उठौने आरोपमे पुलिस गिरफ्तार केलक अछि । थापा सुकुम्वासी समस्या समाधान आयोगक जिल्ला समिति सदस्य तथा ठगी काण्डक मुख्य नाइके रहल पुलिस जनौलक अछि ।

बाँके जिल्ला प्रशासन कार्यालय आसिन ९ गते ठगी काण्डके मुख्य ओरापी राजु थापा  सहित ओ ५ गोटेके गिरफ्तार करय पुलिसके निर्देशन देने छल । तीन महिना बाद पुलिस आइ थापाके गिरफ्तार केने जनौलक अछि ।
आदेश जारी कएलगेल फत्तेपुरके राजबहादुर बुढा, जगत सिह,दिपबहादुर बस्नेत आ प्रेमलाल थारु सहित ४ गोटे फरार रहलासँ ओकरासबके सेहो पुलिस खोज तलास कऽ रहल जनौलक अछि ।

कम तौलक ग्याँस बिक्री भऽ रहल


१२ अगहन जनकपुरधाम ।  सरकारी निकायक अनुगमनके चुनौति दैत जनकपुरमे खाना बनाबएबला एकटा ग्यास दोकानसँ ग्यास सिलिण्डर बिक्रिमे अनियमितताक समाचार प्राप्त भेल अछि।
जनकपुरक माछ बजार स्थित कोशी ग्यासके डिलर गीता ट्रेडर्स नामक दोकानसँ खरिदल गेल सिलिण्डरमे अनियमितता देखलगेल एकटा ग्राहक बतओलन्हि अछि।जनकपुर नगरपालिका वार्ड नम्बर ७ क एकटा ग्राहक जानकी राम साह आ दोसर बिरेन्द्र साह काल्हि  खरिद कएलगेल दु टा सिलिण्डरमे अत्याधिक मात्रामे कम ग्यास देखलगेल अछि।
दु टा सिलिण्डरमेसँ एकटामे ५ किलो आ एकटामे ४ किलो ग्यास कम रहल साह जानकारी देलन्हि अछि साहक अनुसार ओहि दोकानसँ बेर बेर एहि प्रकारक काज होइत आएल अछि एहि विषयमे पुलिसके जानकारी देलाक बाद पुलिस एहि विषयमे सहि तथ्य  अनुसन्धान करबालेल अनिल चौधरीके नियन्त्रणमे लेलगेल बुझबामे आएल अछि।हिना ग्राहक  साह एहि विषयमे जनकपुर उधोग वाणिज्य संघमे सेहो जानकारी करओने बुझबामे आएल अछि।
एम्हर गीता ट्रेडर्सके संचालक अरुण कुमार ठाकुरक पुत्र प्रशान्त कुमार ठाकुर ओ दुनु सिलिण्डर हुनका दोकानसँ खरिद नइ कएलगेल दावा कएलन्हि अछि यदि सिलिण्डर ओहि दोकानसँ खरिद कएलगेल अछि तऽ बील देबएलेल ठाकुर चुनौति देलन्हि अछि एम्हर किछु ग्राहकसभक अनुसार ग्यास सीलिण्डर लैतकाल डिलरसभ बिल नइ देल करैत अछि।
ओम्हर जनकपुर उद्योग बाणिज्य सँघक एसोसिएट सदस्य समेत रहल जानकी राम साहक अनुसार ग्याँस ब्यबसायी सँघक अध्यक्ष मनोज चौधरी आ गिता ट्रेडर्सके कर्मचारीके रोहबरमे ओ ग्याँसक सिलिण्डरके तौल करैत काल कम ग्याँस रहल पाओल गेल छल ।  तहिना ओ ग्याँस ब्यापारीसबसँ ग्याँस सिलिण्डर खरिद करैत काल भ्याट बिल लेबय सेहो अपिल कएलनि अछि ।
ठाकुरके अनुसार जनकपुरमे कोशी ग्यासके तीनटा डिलर छैक आ ओ शंकास्पद सिलिण्डर कतहसँ लेलगेल एकर प्रमाणलेल बिल देनाई जरुरी छैक ठाकुरके कहब छलन्हि ।ठाकुरके अनुसार हुनकर करोडोके व्यापार छन्हि आ ओ प्रत्येक ग्राहकके ग्यास बिक्रि करैत काल बिल उपलब्ध कराएल करैत छथि।संचालक अरूण ठाकुरसँ सम्पर्क कएला पर एखन ओ जनकपुरसँ बाहर रहल बुझबामे आएल अछि।
ग्राहकसभक तर्फसँ बेर बेर एहि प्रकारक शिकायत अओलाक बादो स्थानीय प्रशासनद्धारा कडा कदम नइ उठलासँ सर्वसाधारण पिडा भोगए पर वाध्य अछि।

बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter