Tuesday, September 27, 2011

प्रधानमन्त्री विदेश भ्रमणके बाद वोली बदलने काङ्ग्रेस महामन्त्री सिंहक कहब


आसिन १० , तम्घास । नेपाली कांग्रेसक महामन्त्री प्रकाशमान सिंह प्रधानमन्त्री डाक्टर वावुराम भट्टराई न्युयोर्क भ्रमणसँ घुरलाबाद बोली बदलने आरोप लगौलनि अछि ।

भट्टराई विदेश भ्रमण जाए स पहिने ४५ दिनभितर शान्ति प्रकृया पुरा करब कहितो अखन दलसबबीच सहमति भेल ४५ दिनबाद कहनाइ हुनकामे  इमान्दारिता नहि रहल वतौलनि । प्रेस युनियन गुल्मी आइ तम्घासमे केने पत्रकार सम्मेलनमे सिंह प्रधानमन्त्रीक एहन अभिव्यक्तिसँ इ सरकार किछ करय नहि सकयके सँकेत केने बतौलनि । महामँन्त्री सिंह शान्ति प्रकृयाके काम शुरु होबयसँ आगु माओवादी लडाकुके मोडालिटी, संख्या, दर्जा निर्धारण, पुनस्थापना प्याकेज जेहन बातमे सहमति होबयमे जोड देलनि ।

पत्रकारके जिज्ञासामे भातृसंगठन विघठनके निर्णय कोनो व्यक्ति विषेशके नहि भ व्यापक बिमर्शके बाद केन्द्रिय कार्य समिति लेने कहैत निर्णय फिर्ता नहि हाएत समेत सिंह स्पष्ट कएलनि ।

भ्रमण भत्ता बापतके रकम प्रधानमन्त्रीद्वारा भूकम्प पीडित राहत कोषमे


आसिन १० , काठमाण्डौ । प्रधानमन्त्री डाक्टर बाबुराम भट्टराई राष्ट्रसंघीय महासभामे भाग लेबय अमेरिका गेल समय सरकार उपलब्ध करौने भत्ता बापतके रकम भूकम्प पीडित राहत कोषमे जम्मा कएलनि अछि ।

विदेश भ्रमण बापत प्राप्त सरकारी भत्ता प्रधानमन्त्री राहतकोषमे जम्मा केने प्रधानमन्त्रीक निजी सचिवालय जनौलक अछि । प्रधामन्त्रीके न्यूयोर्क जाए काल सरकार उपलब्ध करौने भत्ता दु हजार तीन सय १४ अमेरिकी डलर अर्थात एक लाख ७६ हजार तीन सय ६४ रुपैँया भेटल छलन्हि ।

अहिना अमेरिकामे रहल प्रधानमन्त्रीके गुरुमाए इलेनोर इल्कीनेस पकेट खर्चस्वरुप उपलब्ध करौने पाँचसय अमेरिकी डलर अर्थात ३८ हजार एक सय पाँच रुपैँया सेहो प्रधानमन्त्री भट्टराई राहत कोषमे जम्मा कएलनि अछि । अमेरिकामे रहल अर्जुनप्रसाद मैनालीे राहत कोषमे जम्मा करय लेल  प्रधानमन्त्रीके देने १५ सय अमेरिकी डलर अर्थात एक लाख १४ हजार तीन सय १५ रुपैँया सेहो राहत कोषमे जम्मा कएल गेल अछि ।

भूकम्प पहुँचौने क्षतिक बिषयमे प्रधानमन्त्रीके चाँखि


आसिन १० , काठमाण्डौ । प्रधानमन्त्री डा. बाबुराम भट्टराइ आसिन १ गते आएला भुकम्पसँ भेल क्षतिके बिषयमे सरकार सचिवसब आ सुरक्षा अधिकारीसँग जानकारी लेलनि अछि ।
ओ बेरियाक साढे १२ बजे प्रधानमन्त्री तथा मन्त्रिपरिषद्क कार्यालय सिंहदरबारमे सचिवसब, सुरक्षा निकायके अधिकारी तथा सम्बन्धित व्यक्तिसबसँगसँ भूकम्पसँ भेल क्षतिके विषयमे जानकारी लेने छलथि । ओ भूकम्प पिडितसबके तत्काल राहात उपलब्ध कराबय सेहो निर्देशन देलनि अछि । आसिन १ गते आएल भूकम्पमे परि सात गोटेके मृत्यु भेल छल त दर्जनौ घरमे क्षति भेल छल ।
प्रधानमन्त्री भट्टराइ तत्काल राहत पहुँचय नहि सकल ठाममे तत्काले राहतके कार्यक्रम पहुँचाबय सेहो निर्देशन देलनि अछ ि। अहिबीच प्रधानमन्त्री भट्टराइ सयुक्त राष्ट्रसंघक महासभाके क्रममे पौअने भ्रमण भत्ता भूकम्प पिडितके देबयके घोषणा केने छथि ।

एमालेद्वारा रक्षामन्त्री आ भूमी सुधारमन्त्रीके बर्खास्त करय माग


आसिन १० , काठमाण्डौ । मधेसक २२ जिल्ला निर्णय क क नेपालसँ अलग होबय सकयके आ नेपालस अलग होबय चाहने कोनो ऐन नहि रोकत कहि  रक्षामन्त्री शरदसिंह भण्डारीके कहब राष्ट्रिय हित, एकता आ अखण्डताविरोधी रहल कहैत नेकपा एमाले रक्षामन्त्रीके बरखास्त करय प्रधानमन्त्रीसँग माग केलक अछि ।

पार्टी उपाध्यक्ष बामदेव गौतम एक विज्ञप्ती जारी करैत ४ बुँदेसहमतिके आलोचनासँ उत्तेजित भ मन्त्री भण्डारी सामान्य नागरिक जतेक बाजय नहि मिलत आ नहि सकयके कहब रक्षामन्त्रीसँ एनाइ गम्भीर रहल उल्लेख कएलनि अछि ।

अहिना  भूमिसुधार तथा व्यवस्था मन्त्री प्रभु साह वीरगंजमे हिन्दू युवा संघक अध्यक्ष काशी तिवारीके हत्यामे संलग्न रहल आ हुनक स्वकीय सचिव सियाराम कुशवाहा तिवारीके हत्यामे प्रत्यक्ष संलग्न रहल प्रहरी अनुसन्धान देखौनेप्रति गम्भीर ध्यानाकर्षण भेल आ मन्त्री साहके बर्खास्त क पुलिस समक्ष बुझाबय सेहो एमाले माग केलक अछि । इस्लामी संघक महासचिव फैजान अहमदके हत्यामे संलग्नसबके गिरफतार क कारबाही करयके माग समेत उपाध्यक्ष गौतमद्वारा हस्ताक्षरित बिज्ञप्तीमे कएलगेल अछि ।

महोतरीक जलेश्वरके बाढिक दृश्य






बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter