१७ अगहन, जनकपुरधाम । आइ डिसेम्बर ३ तारिख अर्थात अपाङ्गता सम्बन्धी अन्तर्राष्ट्रिय दिवस । नेपालमे सेहो विविध कार्यक्रम कऽ इ दिवस मनाओल जाऽ रहल अछि ।
नेपालमे सन् १९९१ सँ हरेक वर्ष इ दिवस मनाओल जाऽ रहल अछि । अहि वर्षक दिवसके नारा ‘अपाङ्गता भेल व्यक्तिसब सहितक विकास, एकटा समुन्नत विश्वके लेल सब साथ साथ’ रहल अछि । दिवसक अवसरमे महिला बालबालिका तथा समाजकल्याण मन्त्रालय, राष्टिय्र अपांग कोष आ अपांगसम्बन्धी क्षेत्रमे क्रियाशिल विभिन्न संघसंस्था जनकपुर सहित देशभरि विविध कार्यक्रमक आयोजना केने अछि ।
अपांगसबके माया आ अवसर दऽ समाजके अन्य आदमी जका बाँचय पाबयके वातावरण निर्माणक लेल जनचेतना फैलाबयके उद्देस्यसँ संयुक्त राष्ट्रसंघक आहृवानमे हरेक वर्ष डिसेम्बर तीन तारिखके दिन इ दिवस मनाओल जाइत अछि ।
विश्व स्वास्थ्य संगठनके अनुसार विश्वके कूल जनसंख्याके १० प्रतिशत आदमी अपाङ्गतासँ पीडित अछि । नेपालमे कूल जजनसंख्याके ५ दशमलब २ प्रतिशत आदमी अपाङ्गतासँ पीडित रहल तथ्याङ्क अछि ।
No comments:
Post a Comment