काठमाडौं, पुस २१ । प्रधानमन्त्री बाबुराम भट्टराई प्रमुख दलसबहक सहमतिएमे शान्ति प्रक्रिया आ संविधान निर्माण पुरा हाएत बतौलनि अछि ।
आइ अमेरिकी राजदूत स्कट एच डेलिसी सँगके भेटमे प्रधानमन्त्री भट्टराई शान्ति प्रक्रिया आ संविधान निर्माणमे पूर्ण प्रतिवद्ध रहल कहैत सब दलके सहमतिमे शान्ति प्रक्रियाके पुरा कएल जाएत बतौलनि । राष्ट्रिय सहमतिएसँ सब समस्याके समाधान हाएत कहैत ओ शान्ति प्रक्रियाके जल्दिए निश्कर्षमे पहुँचाएब जानकारी देलनि ।
प्रधानमन्त्री देश आब आर्थिक सम्मृद्धिके बाटमे आगु बढिरहल कहैत ओइमे अन्तराष्ट्रिय समुदायके सहयोगके अपेक्षा कएलनि ।
प्रधानमन्त्री तथा मन्त्रिपरिषदक कार्यालय सिंहदरबारमे भेल भेटमे राजदुत डेलिसी शान्ति प्रक्रिया आ संविधान निर्माणमे भेल प्रगतिके विषयमे चाँखि लेने छलथि । सुशासनके क्षेत्रमे प्रधानमन्त्री लेने पहल आ शान्ति प्रक्रियामे भेल प्रगति प्रति सेहो राजदूत खुशी प्रकट केने प्रेस नोटमे उल्लेख अछि ।
