Wednesday, August 03, 2011

माओवादी मन्त्रीसबहक लेल आचार संहिता जारी


१८ साउन, काठमाडौं । एकीकृत नेकपा माओवादी पार्टीके दिसस सरकारमे सहभागी मन्त्रीसबहक लेल आचार संहिता जारी केलक अछि ।

पार्टी अध्यक्ष प्रचण्डक निवास नयाँबजारमे आइ बैसल माओवादी पदाधिकारीसबहक पार्टीके दिससँ सरकारमे सहभागी मन्त्रीसबके पालना करयबला आचार संहिता जारी केलक अछि ।

माओवादी आचार संहितामे भ्रष्टाचारमुक्त प्रशासन राखय, जनताके काममे ढिलासुस्ती नहि करय आ जनयुद्धक सहिद तथा घाहिलसबके लेल राहत कार्यक्रम लाबय कहलगेल अछि ।

माओवादी पदाधिकारी बैसारसँ सरकारमे सहभागी मन्त्रीसबहक भुमिकाके अनुगमनके लेल अलगे संयन्त्र बनाबयके निर्णय केने सचिव सिपी गजुरेल जानकारी देलनि । संयन्त्र नहि बनयधरि पदाधिकारीसब मन्त्रीसबसँ समन्य करत ।

पदाधिकारी बैसारसँ शान्ति प्रकृया आ संविधान लेखन प्रकृयामे केन्द्रीय समिति पारित केने नीतिगत निर्णयके कार्यान्व्यन करयके निर्णय केलक अछि । बैसारसँ शान्ति प्रकृया आ संविधान लेखन प्रकृयाके आरो दलसँग बिमर्श क क गति देबयके निर्णय केलक अछि ।

माओवादी केन्द्रीय समिति बैसारसँ याह भादव १४ धरिमे लडाकुके पुनर्वर्गीकरण करयके या संविधानक पहिल मस्यौदा तयार करयके प्रचण्डक प्रस्तावके पारित केने छल

सिरहाके कर्जन्हा ६ के बासीसब अन्हारमे रहय बाध्य


साउन १८, सिरहा । नेपाल बिधुत प्राधिकरणके लापरबाहीके कारण सिरहाके कर्जन्हा ६ के बासीसब अन्हारमे रहय बाध्य भेल अछि ।
कर्जन्हा ६ स्थित बगहा गाममे रहल बिधुतके ट्रान्सफरमरमे आएल खराबीके कारण ओतयके स्थानियबासी बेर बेर प्रधिकरणसँ शिकायत केलाबादो ट्रान्सफरमर ठिक नहि भेलाबाद महिनौ दिनसँ अन्हारमे रहय बाध्य भेल अछि ।
ट्रान्सफरमर खराब भेलाबाद ओतयके सयौ गामबासी अन्हारमे रहय बाध्य भेल अछि । जल्दिए ट्रान्सफरमर ठिक नहि भेल त गामबासीसब आन्दोलन करयके चेतावनी सेहो देलक अछि ।

पुतौह नुका क रखने साउसके लाश भेटल


सर्लाही, श्रावण १८ । पुतौह किछदिन आगु हत्या क क घर पाछु नुका क रखने साउसके लाश आई पुलिस बरामद केलक अछि ।

 बसन्तपुर गाबिस ९ के ५५ बर्षक फुलेश्वरीदेवी साहके हुनके २० बर्षक पुतौह सहेली देवी हत्या केने पुलिस जनौलक अछि । हत्या अभियोगमे सहेलीके पुलिस गिरफ्तार केलक अछि ।

 सहेली किछदिन आगु साउसके हत्या क क घर पाछुके बारीमे नुका क रखने स्वीकार केलिह अछि । प्रहरी उपरीक्षक मोहनराज जोशीके अनुसार मृतकके पति रामचन्द्र साह आ पुतौहक पति भारतमे काम करय गेलास घरमे साउस पुतौह मात्रे छल । हत्याके कारण  खुजय नहि सकल पुलिस जनौलक अछि ।

भारतीय डाँकुके ४ लाख द क मुक्त भेल एक नेपाली



१८ साउन, महोत्तरी । भारतीय डाँकुसबहक एक समूह पाँचादिन आगु महोत्तरीसँ अपहरण क लगेल एक नेपाली युवकके हुनके परिवार फिरौती बुझा क मुक्त करौलक अछि ।

एक गैर सरकारी संस्थामे कार्यरत ३५ वर्षक राजाराम साह आइ भिन्सर परिवार अपहरणकारी माँगने  अनुसारके ४ लाख रुपैयाँ फिरौती बुझौलाबाद सीमावर्ती बिहार राज्यस्थित भारतके मञ्जरी गाउँसँ सकुशल मुक्त भेल अछि ।

हुनका अपहरणकारी मञ्जरी गाउँ कातके खोला लग रहल जङ्गलमे हात, पैर बाँन्हि क रखने अवस्थामे उद्धार कएलगेल पारिवारिक स्रोत जनौलक अछि ।

रेल्वे अधिग्रहणके बियोगमे हृदयघातसँ जनकपुरमे एक गोटेके मृत्यु


साउन १८, जनकपुरधाम । रेल्वे अधिग्रहणके बियोगमे हृदयघातसँ जनकपुरमे एक गोटेके मृत्यु भेल अछि ।
नेपाल सरकार बिभेदपुर्ण तरिकासँ मनमानी ढँगसँ जमिन अधिग्रहण केला कारण जनकपुर वाड नम्बर १६ किसोरी नगर रहनियार ४२ बर्षक राधेश्याम ठाकुरके मृत्यु भेल नेपाल रेल्वे पिडित सँघर्ष समिति जनौलक अछि ।
समिति एक बिज्ञप्ति जारि क समितिक सदस्य समेत रहल ठाकुरके जमिन अधिग्रहणमे परलासँ असहय भ बियोगसँ काल्हि मृत्यु भेल जनौलक अछि ।
अहिस आगु समिति जमिनक दोब्बर मुआब्जा, नगर क्षेत्रमे पुनर्वास, एक घर एक ब्यक्तिके रेल्वेमे रोजगारी आ जमिन अधिग्रहण समान रुपसँ करय सहितक बिभिन्न १० सुत्रिय माँग रखैत जिल्ला प्रशासन कार्यालय धनुषामे ज्ञापन पत्र बुझौने छल ।
मृतक ठाकुरके कनिया, ३ टा बेटी आ १ टा बेटा रहल अछि । राज्यद्वारा बिकासक नाममे कएलगेल असमान नितिके कारण मानसिक यातनासँ ठाकुरके मृत्यु भेल कहैत समिति मृतकके शहिद घोषणा, पिडित परिवारके १० लाख रुपैया क्षतिपुर्ति देवयके माँग केलक अछि । सँगहि समिति रखने १० सुत्रिय माँगके अबिलम्ब पुरा करय बिज्ञप्ति मार्फत माँग कएलगेल अछि ।

सुरक्षामे लापरबाही हाएत त नहि सहब ।। गृहमन्त्री


१८ साउन, नेपालगञ्ज । नवनियुक्त उपप्रधान तथा गृहमन्त्री नारायणकाजी श्रेष्ठ गृह प्रशासन आ सुरक्षा निकायके अधिकारी शान्ति सुरक्षा कायम करयमे लापरबाही करत त अपनाके बर्दाश्त नहि हाएत बतौलनि अछि ।

दु दिना मध्यपश्चिमाञ्चल स्तरीय सुरक्षा जमघटके आइ नेपालगञ्जमे उद्घाटन करैत श्रेष्ठ देशके शान्ति सुरक्षा आ अमन चयनमे बाधा पहुँचाबयबला ककरो सरकार नहि छोडत चेतावनी देलनि  । शान्ति सुरक्षा कायम करयके  काजमे निर्भिक भ लागय सुरक्षा निकायके अधिकारीके निर्देशन दैत श्रेष्ठ राजनीतिक दबाबमे अपरधीके उन्मुक्ति नहि देबय निर्देशन देलनि । सुरक्षा निकायके जिम्मेवार व्ययक्तिसब कोनो राजनीतक दल या विचारसँ प्रभावित होबय  नहि होबयमे जोड दैत ओ जँ ओहन भेल त सरकार कडा कारबाही करत चेतावनी देलनि ।

जमघटमे मध्यपश्चिमाञचलके सुरक्षा अवस्थाके बर्तमान अवस्था आ चुनौती तथा भावी सुरक्षा रणनितीबारे बिमर्श हाएत नेपाल प्रहरीके प्रवक्ता नवराज ढकाल जानकारी देलनि ।

जमघटमे गृहसचिव लीलामणि पौडेल सहित तीनु सुरक्षा निकायके प्रमुखसब, क्षेत्रीय प्रशासक, मध्मपश्चिमाञ्चल क्षेत्रके १५ जिल्लाके प्रमुख जिल्ला अधिकारी आ तीनु सुरक्षा निकायके जिल्लास्थित प्रमुखसब सहभागी अछि । आहिसँ आगु मध्यमाञ्चलके काभ्रेमे, पूर्वाञ्चलके विराटनगरमे आ पश्चिमाञ्चलके पोखरामे क्षेत्रीय सुरक्षा जमघट भ चुकल अछि ।

ट्रक त्रिशुली नदिमे खस्लासँ ट्रक सहित २ गोटे बेपत्ता


नारायणगढ, श्रावण १८ । नारायणगढ मुग्लीड सडक खण्ड अन्तर्गत चितवनके चण्डीभन्याड गाबिस ९  स्थित चार किलोमे ट्रक त्रिशुली नदिमे खस्लासँ ट्रक सहित २ गोटे बेपत्ता भेल अछि ।

 काठमाण्डौसँ नारायणगढ दिस आबिरहल ना २ ख ८७५३ नंम्बरक ट्रक आइ भिन्सर त्रिशुली नदिमे खसल अछि । ट्रकमे सवार ५ गोटेमेसँ ३ गोटे सकुशल रहल पुलिस  जनौलक अछि ।  २ गोटे बेपत्ता भेल इलाका प्रहरी कार्यालय मुग्लीड जनौलक अछि । बेपत्ता होबयबलाके खोजी कार्य भरहल आ ट्रक सडकसँ करिब १ सय ५० मिटर निचा खसल पुलिस जानकारी देलक अछि ।

बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter