Monday, October 31, 2011

शान्ति आ संविधान निर्माणबारे जल्दिए हाएत सहमतिः शीर्ष नेतासब


१४ कात्तिक, काठमाडौं । प्रमुख दलक नेतासब शान्ति आ संविधान निर्माणबारे जल्दिए सहमति हाएत बतौलनि अछि । दशैं, दियाबाती, नेपाल सम्बत् आ छठिके अवसरमे एकीकृत नेकपा माओवादी आइ राजधानीमे आयोजना केने चायपान कार्यक्रममे माओवादी, कांग्रेस, एमाले आ मधेसवादी दलक नेतासब शान्ति प्रत्रिया, संविधान निर्माण सहितक विषयमे एक दु दिनमे  प्याकेजमे  सहमति हाएत बतौलक अछि ।

माओवादी अध्यक्ष प्रचण्ड जनताक भवना अनुसार शान्ति आ संविधानके निष्कर्षमे पहुँचाबयके प्रतिवद्धता जनौलनि । ओ कहलनि जनताके इच्छा अनुसारक शान्ति प्रक्रिया पूरा हाएत । संविधान अबश्य बनत ।

चायपान कार्यक्रममे सहभागीसब अपनासँग पार्टी एकजुट होबय लेल सुझाव देने कहैत ओ पार्टीके एकतावद्ध बनाबय केहनो त्याग करय तयार रहयके प्रतिवद्धता जनौलनि ।

कार्यक्रममे कांग्रेस सभापति सुशील कोइराला शान्ति प्रक्रिया पूरा होबयके आ लोकतान्त्रिक संविधान निर्माणक सुखद समाचार सुनाबय अपनेसब औगताह रहल बतौलनि ।

एमाले अध्यक्ष झलनाथ खनाल तीन दलक वार्ता सकारात्मक रहल कहैत आबके किछुए दिनमे शान्ति आ संविधान निर्माणबारे प्याकेजमे सहमति हाएत बतौलनि ।

मधेसी जनअधिकार फोरम लोकतान्त्रिकके अध्यक्ष एवं उपप्रधान तथा गृहमन्त्री विजयकुमार गच्छदार शान्ति आ संविधान निर्माण करयके विकल्प नहि रहल बतौलनि ।


सोनी



हलिउडक व्यस्त मोडेल तथा टेलिभिजन स्टार इमोजेन थोमस




नयाँ अभिनेत्री अमीषा यादव



छठिके तस्विरसब







बस आ ट्रक ठोकराएलासँ २५ गोटे घाइल


१४ कात्तिक, मलंगवा । पूर्वपश्चि राजमार्ग अन्तर्गत सर्लाहीके तीन घरेमे आइ भिन्सर भेल सवारी दुर्घटनामे कमसँ कम २५ गोटे घाइल भेल अछि ।

घाइल मे सँ २ गोटेके अवस्था गम्भीर अछि तऽ  ६ गोटे घाइलके इलाजक लेल चितवन स्थित भरतपुर अस्पताल पठाओल गेल अछि तऽ अन्यके स्थानीय अस्पतालमे इलाज भऽ रहल अछि । सप्तरीके राजविराजसँ वीरगञ्जदिस जाऽ रहल ना २ ख ३९०४ नम्बरक यात्रुबस आ पश्चिमसँ पूर्वदिस जाऽ रहल मालबाहक ट्रक एक आपसमे ठोकरा कऽ  दुर्घटना भेल सर्लाही पुलिस जनौलक अछि ।

दुर्घटनामे घाइल होबयबलामे अधिकांश बसमे सवार यात्रु रहल जिल्ला ट्राफिक प्रहरी कार्यालय सर्लाही जनौलक अछि ।

झारखंडमें तीन गोटेके हत्या


१४ कातिक झारखंड । झारखंडके नक्सल प्रभावित खूंटी ज़िलामें संदिग्ध माओवादी छापामारसब तीन गोटेके  हत्या केलक अछि ।

माओवादीसब अहिमे सँ एक गोटेके गोली मारि कऽ हत्या केलक अछि तऽ दोसर एक गोटेके माथ धड़ सँ अलग केलक अछि ।

खूंटीके पुलिस अधीक्षक मनोज कौशिकके कहब अछि जे ज़िलाके नदीटोला इलाक़ामें तेसर गोटेके माथके भारी पत्थरसँ फोरिदेल गेल अछि ।

पुलिसके अनुसार राजा बाज़ारके इलाक़ामें संदिग्ध माओवादी सुखराम मुंडाके माथा धरगर हथियार सँ काटिदेने अछि ।

कार बम विष्फोटमे ४ गोटेके मृत्यू


१४ कातिक अफगानिस्तान अफगानिस्तानक कंधार शहरमे एकटा कार ब विष्फोटमे ४ गोटेके मृत्यू भेल अछि।
एहि आक्रमणमे पाँच गोटे घायल सेहो ेल अछि जकरा अस्पतालमे भर्ती कराओलगेल अछि घायलमे सँ एक गोटे नेपाली गार्ड रहल बताओलगेल अछि।
अधिकारीसभक अनुसार आक्रमणकारी विष्फोटकसँ भरल कार एकटा सुरक्षा चौकीसँ टकरा देने छल एहि सुरक्षा चौकीके नजदीक संयुक्त राष्ट्र शरणार्थी उच्चायुक्त आ अमेरिकी एजेंसी अंतराष्ट्रीय राहत आ विकासक कार्यालय सेहो अछि।
तालिबान एहि आक्रमणके जिम्मेवारी लैत आक्रमणके लक्ष्य संयुक्त राष्ट्र शरणार्थीके कार्यलय रहल जनओलक अछि

विश्वके जनसंख्या सात अर्ब पार


१४ कातिक जनकपुरधाम विश्वके जनसंख्या सात अर्ब पार कऽ चुकल अछि सात अरबवाँ बच्चाक जन्म फिलिपींसके राजधानी मनिलामे भेल अछि

फिलीपिंसक एकटा अस्पतालमे जन्म लेने ओ बच्चाक नाम डैनिका रहल अछि । डैनिकाके जन्म राति करिब १२ बजे भेल छल यूनाइटेड नेशनके वेवसाइट पर एहि विषयमे तथ्यांक दर्ज भऽचुकल अछि एहिके सँग दुनियाके जनसंख्या सात अर्ब पार कऽचुकल अछि

संयुक्त राष्ट्रके अनुसार विश्वके जनसंख्या सन 2100 धरिमे 10 अरब तक पहुंच सकैत अछि ।  दुनियामें प्रत्येक सेकंडमे पांच बच्‍चाके जन्‍म होइत अछि आ २ गोटेके मृत्यु होइत अछि ।

प्रमुख तीनदलक बैसार निष्कर्षहीन


१४ कात्तिक, काठमाडौँ । शान्तिप्रक्रिया आ संविधान निर्माणक विवादित विषयमे अन्तिम सहमति जुटाबयके प्रयासमे बैसल प्रमुख तीन दलक शीर्षस्थ नेतासबहक बैसार निष्कर्षहीन भेल अछि ।

भिन्सर पौने ९ बजेसँ करिब ४ घण्टाधरि राजधानीके बूढानिलकण्ठ स्थित पार्क भिलेज रिसोर्टमे बैसल बैसार काल्हि बेरियाके ४  बजे फेर सँ बैसय जका सहमति कऽ स्थगित भेल अछि । एकीकृत नेकपा माओवादी, नेपाली कांग्रेस आ एमालेक शीर्षस्थ नेता सहभागी बैसारके क्रममे दलसबबीच अनौपचारिक रुपमे द्विपक्षीय बिमर्श समेत भेल छल ।

बैसारसँ बहरायके क्रममे सञ्चारकर्मीसँग बातचित करैत नेपाली कांग्रेसक नेता अर्जुननरसिंह केसी काल्हि बेरियाके ४ बजे प्रधानमन्त्री निवास बालुवाटारमे बैसय जका आजुक बैसार बैसल जानकारी देलनि । केसीके अनुसार सेना शान्तिप्रक्रिया, विभिन्न आयोगसबहक गठन आ शक्तिबाँडफाँटक विषयमे प्याकेजेमे सहमति खोजय दलसब सहमत भेल अछि । अहिसँ आगु दलसब आइए अन्तिम सहमति होबयके संकेत केने छल ।  माओवादीक उपाध्यक्ष मोहन बैद्य पक्ष शान्ति आ संविधान लेखनके प्याकेजेमे सहमति करय परत कहैत विरोध केलाबाद आइ सहमतिमे हस्ताक्षर होबय नहि सकल अछि ।

आजुक बैसारमे दियाबाती आगु भेल बिमर्शमे त्रिदलीय कार्यदल पेश केने सेना समायोजनसम्बन्धी प्रस्तावमे बिमर्श भेल नेतासब बतौलक अछि ।

हम छि नकली माधुरी दिक्षित








छठि बिशेष


श्रद्धा,भक्ति आ सम्पूर्ण सझिया सांस्कृतिक प्रतिबिम्बक पहिचानके रुपमे मनाओल जाएबला छठि पावनि आईसँ धार्मिक परम्परा अनुसार हर्षोल्लासके सँग मनाओल जा रहल अछि।
सत्य आ अहिंसा प्रति रुचि बढाबएबला तथा सम्पूर्ण जीव प्रति साहानुभुति रखबालेल अभिप्रेरित करएबला तराईवासीक महान पावनि अछि छठि।तराईक सभ जाति एहिके सझिया रुपसँ मनबैत अछि जे एकर विशेषता अछि।
सूर्य उपासना परम्पराक मोहक पद्धति मानलगेल संसारमे यहाय एकटा पावनि अछि जाहिमे अस्ताईत आ उगैत सूर्यके पूजा कएल जाति अछि।एहि पावनिकेलेल आवश्यक समाग्रीके ओरियाईन पावनिक किछु दिन पहिनेसँ शुरु भऽ जाति अछि।
विशेष कऽकऽ कार्तिक शुक्ल पक्षसँ शुरु होबएबला ई पावनि चारि दिन धरि मनाओल जाति अछि।कार्तिक चतुर्दशी दिनसँ व्रतालु एहि पावनिके मनाबक शुरु करैत अछि जे सप्तमिके भिन्सर समाप्त होइत अछि।
पहिल दिन अर्थात चतुर्दशी दिनके अरबा अरबाईन अथवा नहाए खाए कहल जाति अछि।
एहि दिनमे व्रतालुसभ नदी,पोखरि,तलाव,जलाशय आदिमे नहा कऽ शुद्ध भऽकऽ शुद्ध खाना खाएल करैत छथि।
व्रतालुसभ भोजनमे माछ माउस,लहसुन,प्याउज आ मरुवा सहितक चिज परित्याग कऽकऽ एहि दिनसँ व्रत शुरु कऽ दैत छथि।
पञ्चमी तिथीके खरना अर्थात पापक क्षय कहल जाति अछि।खरना साँझूक अर्गसँ एक दिन पहिने रहलाक कारण एहि दिनमे व्रतालुसभ दिनभरि उपवास कऽकऽ साँझमे स्नान कऽ अपन कुल देवता स्थापना कएने पूजा घरमे नव चुल्हिन बना कऽ प्रसाद बनबैत छथि।
प्रसादके रुपमे विशेष कऽकऽ केरा आ खीरके लेल जाति अछि।जकरबाद गायक गोबरसँ निप पोइत कऽ अरबा चाउरसँ तैयार आँटाक अरिपण दऽकऽ व्रतालु साँझमे चन्द्रमाके खीर चढा कऽ प्रसाद ग्रहण करैत छथि।
खरना दिनसँ व्रतालु पूर्ण व्रत लैत छथि जे सप्तमि दिन उगैत सूर्यके अर्ग दऽकऽ समाप्त होइत अछि।
षष्ठी अर्थात तेसर दिन गहुम आ चाउर जाँत तथा ढेकीमे कुटि पिस कऽ एकर आँटासँ छठि पावनिक समाग्री तैयार कएल जाति अछि।छठि पावनिक समाग्री तैयार करैत काल विशेष होशियार रहए परैत अछि।पूजाक समाग्री निरैठ आ शुद्ध राखए परैत अछि।पूजाक समाग्रि जुठ भेला पर अनिष्ट होयबाक जनविश्वास रहल अछि। जाहि कारण पूजा समाग्री तयार करैतकाल महिलासभ श्रद्धापूर्वक गीत सेहो गाएल करैत छथि।
छठि माताके चढाबएबला फलफुल निरैठ राखए परैत अछि।
एहि दिन फलफूल,ठकुवा,भुसवा,खजुरि,पेरुकीया,सरबा,ढकना,कुरबार,माटिसँ बनल हाथीक मुर्ती एकटा ढाकीमे राखि परिवारक सम्पूर्ण सदस्य बिभिन्न लोकगीत एवम भक्ति गीत गबैत जलाशयमे जाति छथि।
जलाशयमे पूजन समाग्रीसभ घाट पर रखबासँ पहिने ओहि ठाम निक जँका सरसफाई कएल जाति अछि।
जकरबाद व्रतालु अस्त भऽ रहल सूर्यके प्रसाद स्वरुप अर्घ देबालेल जलाशयमे प्रवेश कऽ सूर्यास्त होबए धरि आराधना करैत छथि।
पावनिके चारिम दिन अर्थात पारण। एहि दिन भिन्सर उषाकालमे व्रतालुसभ पुन: जलाशय पहुँच कऽ प्रात:कालिन सुर्यके अर्घ दऽ पावनिके समापन करैत छथि।व्रतालुभ छठि व्रतक कथा सुनैत छथि आ सुनाएल करैत छथि।
छठि पावनिके व्रत कएलासँ दु:ख दरिद्रताके अन्त होइत अछि जनविश्वास अछि।
महाभारत अनुसार द्रोपदी सहित पाण्डव लोकनि अज्ञातवासमे रहल समयमे गुप्तवासक सफलताक कामनाकेसँग सूर्यदेवके आराधना कएने रहथिन्ह जकरबाद छठि मनाबक परम्पराके आरंभ भेल अछि।
सूर्य पुराण अनुसार सर्व प्रथम अत्रिमुनिक पत्नी अनुसुया छठि व्रत कएने रहैथ फलस्वरुप हुनका अटल सौभाग्य आ पति प्रेम प्राप्त भेलन्हि जकरबाद छठि पावनि करक परम्पराके शुरुवात भेल।
छठि पावनिके पाछा धार्मिक मान्यताके संगहि वैज्ञानिक आ ज्योतिष सम्बन्धि तथ्यसभ सेहो अछि।
वैज्ञानिक,ज्योतिषी तथा चिकित्सकसभ सेहो सूर्य तत्वसँ अपन ज्ञानक अभिवृद्धि कऽ जनकल्याणकेलेल अन्वेषण कएने छथि।

प्रधानमन्त्री भट्टरार्इ मैथिली भाषा आ मिथिलाक पागमे


१४ कातिक जनकपुरधाम  प्रधानमन्त्री डा. बाबुराम भट्टराइ कातिक १३ गते जनकपुरक जानकी मन्दिरमे अपन सम्पूर् भाष मैथिलीमे देलन्हि अछि । १५ मिनेटक ओ भाषण शुरु भेलाकबाद दर्शक शुरुसँ अन्तधरि ताली बजबैत रहल । डा. भट्टरार्इ एहन सुन्दर मैथिली बजता से किनको विश्वास नहि भरहल छल से एकीकृत नेकपा माओवादीक धनुषा इन्चार्ज राम चन्द्र मण्डल बतौलनि । प्रधानमन्त्रीक प्रेस सल्लाहकार रामरिझन यादव प्रधानमन्त्रीक उपस्थिएमे कहलन्हि जे अपन भाष बाजयमे ककरो हिनता नहि होयबाक चाही । प्रधानमन्त्री स्वयं मैथिलीमे बाजि सकारात्मक सन्देश देने कहैत ओ मैथिली विकासमे सभकेँ एकजुट भऽ कऽ लागय आग्रह कएलन्हि । प्रधानमन्त्री भट्टरा अहिसँ पूर्व जनकपुर आएल समयमे धोतीकुर्ता आ पाग पहिरने छलथि मुदा मैथिलीमे अगिला बेर आएब त बाजब वचनबद्धता व्यक्त कएने रहथि । ओहे वचनवद्धताकेँ पुरा कएलन्हि अछि ।

Saturday, October 29, 2011

काबुलमें नेटो सैनिक पर आत्मघाती हमला


१२ कातिक काबुल । अफ़ग़ानिस्तानके राजधानी काबुलमें तालिबान नेटोके सैना पर आत्मघाती हमला केलक अछि । जाहिमे कतेकौ  सैना आ नागरिकके मृत्यु भेल अछि ।

इ आत्मघाती हमला काबुलके बाहरी इलाक़ामें स्थित दारुल अमनके क्षेत्रमें भेल छल जखन एकटा कारमें राखल विस्फोटकमें बिष्फोट भेल छल । घाइलसबके २ टा हेलिकॉप्टरके मदतसँ घटनास्थलस अस्पताल पहुँचाओल गेल अछि ।

बितल किछ महीनामें अफ़ग़ानिस्तानमें १ लाख ३० हजार विदेशी सेनाके बावजूद हिंसक घटनासब बढ़िरहल अछि ।

तालिबान इ हमला केलक अछि आ बृहस्पति दिन कंधारमें पश्चिमी देशके अधिकारीबला एक परिसर पर भेल हमलाके सेहो  ज़िम्मेदारी लेलक अछि । बृहस्पतिदिन भेल हमलामें १५ घंटाधरि गोलीबारी भेल छल । तकरबाद हमलावरसबके ओतयसँ भागय परल छल ।

अहिके अलावा दक्षिणी अफ़गानिस्तानमें भेल हमलामें अफ़ग़ान सेनाके पोशाकमें एक व्यक्ति २ गोट विदेशी सैनिकके गोली मारने छल । जकरबाद गोली मारयबला व्यक्ति सेहो मारल गेल ।

अमरीकी योजनाके अनुसार अफ़ग़ानिस्तानस २०१४ धरि अमरीकी सैनिक ओतयसँ बाहर चलि जाएत आ क़ानून व्यवस्थाके ज़िम्मेदारी घरेलू सुरक्षाकर्मीके जिम्मा देल जाएत ।

भट्टराई बैद्यके कहलनिः ‘सरकारमे आबु’


१२ कात्तिक, काठमाडौं । प्रधानमन्त्री एवं माओवादी उपाध्यक्ष डा. बाबुराम भट्टराई अपन विरोधमे सडक प्रर्दशन कऽ रहल  पार्टीके मोहन वैद्य पक्षके सरकारमे आबय आग्रह कएलनि अछि ।

भट्टराई आइ उपाध्यक्ष वैद्य आ महासचिव रामबहादुर थापा बादलके अलगे अलग भेट कऽ एखुनक अवस्थामे शान्तिप्रक्रियाके पुरा करयके विकल्प नहि रहल कहैत पार्टीके नेतृत्वमे ओ प्रक्रिया निष्कर्षमे पहुँचाबय सेहो सरकारमे सहभागी भऽ क आगु बढय आग्रह कएलनि अछि । माओवादीएके नेतृत्वमे शान्ति प्रकृया पुरा करयके सबसँ उपयुक्त अवसर रहल आ अन्य दल सेहो सहमतिमे आबयके वातावरण बनल कहैत भट्टराई सरकारमे सहभागी होबय आग्रह कएलनि अछि ।

जवाफमे उपाध्यक्ष बैद्य आ महासचिव वादल तत्काल सरकारमे नहि जाएके बतौने श्रोतले जनौलक अछि । उपप्रधान आ अर्थमन्त्राय नहि पौलाबाद सरकारमे नहि गेल बैद्य पक्ष कन्टेनरके चाबी बुझाबयके निर्यण फिर्ता, ४ बुँदे सहमति आ बिपा सम्झौता खारेजके माँग करैत आएल अछि ।

भेटमे पार्टीमे उत्पन्न विवाद समाधानबारे सेहो बिमर्श भेल छल । भेटके बाद बैद्य पार्टी विवाद समाधानक विषयमे बिमर्श भेल बतौलनि । आसन्न केन्द्रीय समिति बैसारआगु सहमति जुटाबयके प्रयासमे उच्चस्तरमे अनौपचारिक बिमर्श हाएत बैद्य जानकारी देलनि ।


एअरपोर्टमे घुस लेबयबला उपर कारवाही करय प्रधानमन्त्रीक निर्देशन


१२ कार्तिक, काठमाडौं । अमेरिका जाए लागल नेपाली नागरिक डिचेन डोल्मा शेर्पासँग एक लाख घुस लेबयबला अध्यागमन कर्मचारीके तत्काल कारवाही करय प्रधानमन्त्री बाबुराम भट्टराई निर्देशन देलनि अछि ।

गृहसचिव सुशिलजंग राणा आ अख्तियार दुरुपयोग अनुसन्धान आयोगक सचिव भगवतीप्रसाद काफ्लेके टेलिफोन कऽ प्रधानमन्त्री दोषी उपर तत्काल कारवाही प्रकृया आगु बढाकऽ प्रगति बिबरणबारे अपनाके जानकारी कराबयन निर्देशन देने प्रधानमन्त्रीक स्वकीय सचिव बिश्वदीप पाण्डे जानकारी देलनि । नेपालसँ अमेरिका जाए लागल शेर्पाके यति एयरलाइन्स प्रमाणसँ नेपाली प्रमाणित नहि होइत छी कहैत बिमानस्थल अध्यागमन कार्यालयके कर्मचारी पूर्णबहादुर बस्नेत एक लाख दश हजार रुपैयाँ घुस लेने छल । घुस लऽ रहल भिडियो बिभिन्न संचारमाध्यममे सार्वजनिक भेलाबाद प्रधानमन्त्रीक ध्यानाकर्षण भेल प्रधानमन्त्रीक निजी सचिवालय जनौलक अछि । अहिसँ आगुए अभियुक्त वस्नेत निलम्बनमे परि चुकल अछि ।

बिमानस्थल अध्यागमनके कर्मचारी कखनो काल नक्कली नागरिकता आ पासपोर्ट लेनेसबके रकम लऽ क उडाबयके, रातो पासपोर्ट दुरुपयोग करयबलासबके भगाबयके तथा सोझ यात्रुके अनाबश्यक दुःख देबयके  घटनासब बितल दिनमे सार्वजनिक भऽ रहल अछि । पिडीत शेर्पा किछ दिन आगु पत्रकार सम्मेलन कऽ घुस लैतकालके भिडियो आ अन्य प्रमाणसब सार्वजनिक केने छलिह ।

प्रधानमन्त्री भट्टराई राजनीतिक परामर्शमे व्यस्त


१२ कात्तिक, काठमाडौँ । दलसबबीच निर्णायक वार्ता हाएत कहलगेल समय प्रधानमन्त्री डा. बाबुराम भट्टराई राजनीतिक परामर्शके तीव्र देलनि अछि ।

प्रधानमन्त्री भट्टराई आइ संविधानसभा अध्यक्ष सुवासचन्द्र नेम्वाङसँग भेट कऽ शान्ति आ संविधानके पूर्णता देबयके विषयमे बिमर्श कएलनि अछि । भेटमे आइ साँझधरिमे हाएत कहलगेल प्रमुख तीन दलक बैसारक एजेण्डाबारे बिमर्श भेल बताओलगेल अछि । भेटमे सभाध्यक्ष नेम्वाङ शान्ति आ संविधानक लेल कम समय मात्रे बाँकी रहलासँ ओ अवधिमे विवादित विषयमे सबके सहमति जुटा कऽ आगु बढय प्रधानमन्त्रीके सलाह देने बालुवाटार स्रोत जानकारी देलक अछि । प्रधानमन्त्री भट्टराईसँ भेटय सभाध्यक्ष नेम्वाङ प्रधानमन्त्रीक सरकारी निवास बालुवाटार पहुँचल छलथि ।

छठि आगुए शान्ति आ संविधानक विवादित विषयमे सहमति जुटत दाबी करैत आएल प्रधानमन्त्री भट्टराई अहिसँ आगु काल्हि एमालेक वरिष्ठ नेता माधवकुमार नेपाल आ आइ भिन्सर माओवादी उपाध्यक्ष मोहन बैद्यसँग भेटघाट कएने छलथि ।

बलिउडके हट मोडेल तथा आइटम डान्सर यस्मिन खान आ सुपर हट र्याम्प मोडेल नताशा सिख










हमरा टु पिस निक लगैय

गायिका रोबिन रिहाना







'रिहाना' नामसँ संसारभरि चर्चित गायिका रोबिन रिहाना फेन्टीके टुपिसके पहिरन बहुत निक लगैत अछि ।

मोटरसाइकलके ठक्करसँ साइकल यात्रीके मृत्यु


१२ कात्तिक, चितवन । चितवनके भरतपुरस्थित मालपोतचोकमे मोटरसाइकलक ठक्करसँ बितलराति एक गोटेके मृत्यु भेल अछि ।

भरतपुर बसपार्कसँ वाइपास रोड होइत आँपटारीदिस जाऽ रहल ना ६ प ६४३६ नम्बरक मोटरसाइकलके ठक्करसँ साइकलमे सवार भरतपुर ११ के २४ वर्षक कान्छालाल बम्जनके मृत्यु भेल पुलिस जनौलक अछि । मोटरसाइकलके ठक्करसँ गम्भीर घाइल भेल बम्जनके भरतपुर मेडिकल कलेजमे इलाजक क्रममे मृत्यु भेल अछि । दुर्घटनामे संलग्न मोटरसाइकल लाबारिश अवस्थामे पुलिस नियन्त्रणमे लैतो चालक फरार रहल जिल्ला प्रहरी कार्यालय चितवन जनौलक अछि । मोटरसाइकल चालकके खोजी भऽ रहल पुलिसक कहब अछि ।

सञ्चारमन्त्री गुप्ता अमेरिकादिस


१२ कात्तिक, काठमाडौँ । सूचना तथा सञ्चारमन्त्री जेपी गुप्ता संयुक्त राज्य अमेरिकाके भ्रमणके लेल बितलराति न्यूयोर्क प्रस्थान कएलनि अछि ।

गुप्ता निजी कामके सिलसिलामे अमेरिका गेल छथि । प्रधानमन्त्री डा. बाबुराम भट्टराई गुप्ताके अनुपस्थितिमे ओ सम्हारैत आएल सूचना तथा सञ्चार मन्त्रालयके कार्यभार कृषि तथा सहकारीमन्त्री नन्दनकुमार दत्तके सम्हारय जका तोक्ने छथि । गुप्ता एक सप्ताहबाद स्वदेश घुरताह ।

प्रचण्डक प्रशिक्षणमे बैद्यपक्ष सेहो सहभागी


१२ कात्तिक, कैलाली । एकीकृत नेकपा माओवादीक अध्यक्ष प्रचण्ड आइ देने प्रशिक्षणमे उपाध्यक्ष मोहन बैद्य पक्षधर कार्यकर्ता सेहो सहभागी अछि ।

प्रचण्ड गुटगत जमघट कऽ अपने पक्षधरके मात्रे प्रशिक्षण देबयके तयारी केने चर्चा भऽ रहल समय उपाध्यक्ष बैद्य आ दोसर उपाध्यक्ष एवं प्रधानमन्त्री बाबुराम भट्टराई पक्षधर कार्यकर्ता सेहो सहभागी भेल अछि । अत्तरियास्थित एक उद्योगमे जारी प्रशिक्षण कार्यक्रमे माओवादी थारुवान राज्य समिति अन्तर्गत जिल्ला सदस्य धरिके करिब १ हजार कार्यकर्ता सहभागी अछि । कार्यक्रममे सञ्चारकर्मीके प्रवेश निषेध कएलगेल अछि ।
माओवादी कैलाली इन्चार्ज हरि ज्ञवाली अध्यक्ष प्रचण्ड जिल्ला आएल मौकामे समसामयिक विषयमे कार्यकर्ता प्रशिक्षण देबय उपयुक्त समझि कऽ कार्यक्रम तय केने जानकारी देलनि ।

प्रधानमन्त्रीद्वारा वैद्यसँग बिमर्श


काठमाडौं, कार्तिक १२ ।  प्रधानमन्त्री बाबुराम भट्टराई आइ भिन्सर माओवादी उपाध्यक्ष मोहन वैद्यसँग बिमर्श केलनि अछि । वैद्य निवासमे भेल बिमर्श सेना समायोजन आ शान्ति प्रक्रिया आगु बढाबयके विषयमे केन्द्रित छल ।

 भेटमे वैद्य पक्ष रखने मधेसवादी दलसँग सरकार निर्माण करय समय भेल ४ बुँदे सहमति खारेज आ भारतसँग भेल बिपा सम्झौता खारेजके विषयमे बिमर्श भेल स्रोत जनौलक अछि । प्रधानमन्त्री दुनु विषयमे वैद्यके मनाबयके प्रयास केने छल ।

लडाकु कन्टेनरके चाबी सेना समायोजन विशेष समितिके बुझौलाबाद प्रधानमन्त्रीसँग दुर भेल वैद्य पक्ष बिपा सम्झौताके विरोधमे प्रर्दशन केने छल ।

वैदेशिक पूँजीसँ देश कंगाल हाएतः प्रचण्ड


१२ कात्तिक, धनगढी । एकीकृत नेकपा माओवादीक अध्यक्ष पुष्पकमल दाहाल प्रचण्ड वैदेशिक पूँजीसँ देश  कंगाल हाएत तौलनि अछि

कैलाली उद्योग वाणिज्य संघ धनगढीमे आइ भिन्सर केने स्वागत कार्यक्रमम बजैत प्रचण्ड राष्ट्रिय पूँजीक परिचालनविना देश विकास नहि भेलासँ विदेशी पूँजी आनयके प्रयास केनाइ अर्थहीन रहल टिप्पणी कएलनि । प्रधानमन्त्री बाबुराम भट्टराईक भारत भ्रमणके क्रमम ेल बिप्पा सम्झौतादिस लक्षित करैत प्रचण्ड बिप्पा सम्झौताबारे किछ उल्लेख नहि कऽ ओ स्वदेशम लगानीक वातावरण नहि बनयधरि विदेशसँग कएलगेल कोनो सम्झौतासँ देशके विकास सम्भ हि हाएत टिप्पणी कएलनि । प्रधानमन्त्री ड.बाबुराम भट्टराई अध्यक्ष प्रचण्डक सहमतिम बिप्पाम हस्ताक्षर भेल बतबैत अबैत छथि । बिप्पाके उपाध्यक्ष मोहन बैद्य पक्ष  राष्ट्रघातीक आरोप लगबैत आएल अछि

अध्यक्ष प्रचण्ड पार्टीक पोलटिब्युरो सदस्य एवं आपूर्तिमन्त्री लेखराज भट्टक मायके श्रद्धाञ्जली कार्यक्रमम सहभागी होबय काल्हिए कैलाली पहुँचल छथि

Friday, October 28, 2011

प्रधानमन्त्री आ पूर्व राजा सेहो टीका लगौलनि


काठमाडौं, कार्तिक ११ । प्रधानमन्त्री बाबुराम भट्टराई आइ भिन्सर ११ बाजि कऽ ५५ मिनेटके शुभ समयमे दिदी थिरकुमारी शर्मा भट्टराई आ बहिन पार्वती शर्माके हातसँ टीका लगौलनि अछि । प्रधानमन्त्री टीकाके लेल अपन भाई शिव भट्टराईके घर कोटेश्वर पहुँचल छलथि ।

प्रधानमन्त्रीक स्वकीय सचिवालयके अनुसार प्रधानमन्त्रीके दिदी थिरकुमारी आ बहिन  पार्वती देशमे शान्ति आ समृद्धि कायम करय सफल होबय कहैत टीका लगौने राष्ट्रिय समाचार समिति जनौलक अछि ।

राससके अनुसार पूर्वराजा ज्ञानेन्द्र शाह सेहो भिन्सर ११ बाजि कऽ ५५ मिनेटमे बहिन शोभा शाहीके हातसँ टीका लगौलनि अछि । टीकाके लेल ओ शाहीके निवास कमलादी गेल छलथि । हुनका शाही  सप्तरङ्गी टीका लगौने छलिह ।

मोडेल - शिखा ठाकुर








बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter