जनकपुर, चैत २६ । मिथिलाञ्चलमे आइ साँझ डुबैत सुर्यके अर्घ दऽ चैती छठि मनाओल जा रहल अछि ।
मिथिलाञ्चलमे श्रद्धा आ भक्तिपूर्वक इ पावनि मनाओल जाइत अछि । चैत्रशुक्ल षष्ठीके साँझ डुबैत सुर्यके अर्घ देलगेल अछि त काल्हि भिन्सरमे उगैत सुर्यके अर्घ दऽ इ पावनिके समापन काएल जाएत ।
तिन दिनधरि मनाओल जाएबला अह पावनिके पहिल दिन काल्हि खरना भेल अछि ।
जनकपुर सहितक तराइके बिभिन्न ठाममे छठि पावनि मनाओल जारहल अछि । पुत्रक दिर्घायु तथा रोगसभसँ मुक्तिके लेल इ पावनि काएल जाइत अछि । विभिन्न ठाममे रहल पवित्र पोखरि जलाशय नदिके कातमे आइ रातभरि व्रतालुसभ घाट पर बसिकऽ इ पावनि मनाबि रहल अछि ।
जनकपुरक गँगा सागर आ जलेश्वरके प्रसिद्ध वरुणसर पोखरि तथा परशुराम तलाउमे व्रतालुसबहक भिड देखलगेल छल ।
No comments:
Post a Comment