जयकृष्ण यादव ।
इनरुवा , अगहन ३ । सुनसरीके वडहीसब राज्यके हरेक क्षेत्रमे बडहीसबहक समानुपातीक सहभागीताके माँग करैत आइ सुनसरीके इनरुवामे पदर्शन केलक अछि ।
वडही जातिसबहक संस्था नेपाल वडही समाज सुनसरीके अगुवाईमे व्यानर आ विभिन्न माँग सहीतक प्लेय कार्ड लऽ निकालल गेल रयालीमे सैयौके सहभागीता छल । प्रदर्शनके क्रममे सहभागीसब जतीय विभेद अन्तय करयके , राज्यके हरेक क्षेत्रमे बडहीसबहक समानुपातीक सहभागीता होबयके , शान्ति सुरक्षाक व्यवस्था करयके , हत्या हिसाँ वन्द करयके , भ्रष्टाचार आ मँहगी नियन्त्रण करय सहितक माँग रखैत नारावाजी केने छल ।
विभिन्न १२ वुदें माग राखि कऽ नेपाल बडही समाज सुनसरी आइ शुरु केने अधिवेशन आगुए इनरुवामे पर्दशन केने सहभागी सुरेश शर्मा वतौलनि ।
समाजक अधिवेशनसँ काल्हि साझँ धरिमे वन्द सत्र कऽ नयाँ समिती सार्वजनिक कएल जाएत वताओल गेल अछि ।
