Saturday, December 10, 2011

'लडाकुके रकम अनियमितताबारे छानबिन हाएत


गुल्मी, अगहन २४ । अर्थमन्त्री वर्षमान पुन लडाकुके रकम अनियमितताबारे पार्टी छानबिन करत बतौलनि अछि ।

'पैघ पार्टी भेल नातासँ सेहो पार्टीके दिससँ ओइके छानबिन हाएत,' क्रान्तिकारी पत्रकार संघ आइ भिन्सर आयोजना केने पत्रकार सम्मेलनमे ओ कहलनि ।

माओवादी स्थायी समिति सदस्य समेत रहल पुन पार्टी अनियमितताबारे छानबिन करब बतबितो  अर्थमन्त्रालय छानबिन करत या नहि बिषयमे नहि बतौलनि । ओ नक्कली लडाकुसबहक नाममे अरबौ रुपैया अनियमितता भेल कहनाइ पैघ पार्टीसबहक धर्म भेल टिप्पणी कएलनि ।

नक्कली लडाकुसबहक नाममे माओवादी संस्थागत भ्रष्टाचार केने कहने आरोप राजनीतिमे टिकय लेल पैघ पार्टीक शीर्ष नेतासब केने चर्चा रहल टिप्पणी कएलनि ।

अर्थमन्त्री पुन देशके अर्थतन्त्र सुधारोन्मुख भेल बतौलनि । तम्घासमे आइसँ सुरु भेल नेपाल मगर संघक दशम राष्ट्रिय महाधिवेशन उदघाटनके लेल आएल मन्त्री पुन राजश्व असुली बढल, बैंकिङ्ग तरलता कम भेल, विदेशी मुद्राके संचिती उल्लेख बढल कहैत ओइसँ अर्थतन्त्रमे आरो सुधार लाएब बतौलनि ।

पुन विदेशी मुद्रा संचिती बितल वर्ष २ सय ७५ अर्व रहलमे ओ अहि बेर बढि कऽ ३ सय २० अर्वमे पहुँचल  जानकारी देलनि ।


फोटो सँसार



कोलकताके AMRI  अस्पतालमे अगिलगि भेलाबाद ९० गोटेके मृत्यु भेल अछि ।

फोटो सँसार


विराटनगरम शुक्रदिन ेल मैथिल महाकवि विद्यापतिक स्मृति सभाम उपराष्ट्रपति परमानन्द झा उपस्थितसबहक स्वागत ग्रहण करैत

नेपाल ओमान सं दु रनसँ पराजित


२४ अगहन, काठमाण्डौ । राजधानीमे जारी एसीसी ट्वान्टी ट्वान्टी कप क्रिकेटके तेसर स्थानके लेल आइ भेल खेलमे सेहो नेपाल ओमानसंग दु रनसँ पराजित भेल अछि ।

ओमान देने १ सय २ रनक विजयी लक्ष्यके साथ मैदानमे उतरल नेपाल पुरे ओभर खेलैत ९ विकेटक क्षतिमे ९९ रन मात्रे बनाबय सकलाबाद ओमान दु रनसँ विजयी होइत तेसर स्थान हासिल करय सफल भेल अछि ।

किर्तीपुरस्थित त्रिवि क्रिकेट मैदानमे पहिने टस जित कऽ व्याटिङ केने ओमान निर्धारित १५ ओभरके खेलमे पुरा ओभर खेलैत ८ विकेटक क्षेतिमे १ सय १ रन वनौने छल । धुँनि लगलाक कारण निर्धारित २० ओभरके खेलके १५ ओभरके बनाओलगेल छल ।

नेपालका लेल महवुब आलम सर्वाधिक ४ विकेट लेलनि । हारसंगै नेपाल सन् २००९ मे हारने वदला लेबयसँ  चुकल अछि ।

नेतृत्व जनबिरोधी रहल गजुरेलक आरोप


सर्लाही, अगहन २४ । एकीकृत माओबादीक सचिव सिपी गजुरेल पार्टी नेतृत्व आ पार्टीके प्रधानमन्त्री लगातार जनयुद्धके लक्ष्य आ भावना बिपरित जनविरोधी काम कऽ रहल  आरोप लगौलनि अछि ।

किसानके हातसँ छिन कऽ सामन्तीके जमिन फिर्ता, बिघटनके शैलीमे जनुमक्ति सेना समयोजन, बिपा सम्झौता सहितक जनबिरोधी काम वर्तमान पार्टी नेतृत्व आ सरकार प्रमुखसँ भेल ओ आरोप लगौलनि ।

सर्लाहीके नवलपुरमे आइ आयोजित पत्रकार सम्मेलनमे गजुरेल बर्तमान नेतृत्व शान्तिके नाममे जनमुक्ति सेनाके एक प्रकारसँ बिघटन कऽ क एक थान संबिधान बनाबयके प्रयासमे लागल बतौलनि ।

बैद्य पक्षक मिथिला राज्य समितिक अगुवा नेतृत्व आ कार्यकर्ता भेटघाटमे आएल गजुरेल अपने पार्टी नेतृत्व आ प्रधानमन्त्रीक घोर बिरोध कएलनि । ओ प्रधानमन्त्री बाबुराम भट्टराई नेतृत्वक सरकार बेसी नहि टिकत आ सहमतीके सरकार हुनके नेतृत्वमे बनय नहि सकत दावी कएलनि । राष्ट्रिय सरकारक नेतृत्व माओबादीके भेटयके अबस्था आओत तऽ आबके नेतृत्व अपन बिचार समूहके भेटयके चाही बतौलनि ।

जनसेनाके पैघ टिम वाईसीएलमे रखने उल्लेख करैत गजुरेल ओ सब समायोजनमे नहि परलासँ आपत्ती प्रकट कएलनि । जनयुद्धकालमे कब्जा कएलगेल सामन्तके जमिन अध्यक्ष स्वंय बर्दिया पहुँच कऽ फिर्ता करय आग्रह कऽ सामन्तके पक्षमे ठार भेल ओ आरोप लगौलनि ।

'पैघ दलमे सत्ताके लेल मारा मार'


काभ्रे, अगहन २४ । मधेशी जनअधिकार फोरम(गणतान्त्रिक)के अध्यक्ष एंव सूचना तथा सञ्चार मन्त्री जयप्रकाश गुप्ता पैघ दलसब सत्ता लिप्त भेल आरोप लगबैत ओ दलसबमे सत्ताके लेल मारामार सुरु भऽ चुकल बतौलनि अछि ।

सत्ताके मारामारसँ तोकल अवधि भितर जारी शान्ति प्रक्रिया पुरा नहि हाएत आ संविधान जारी होबय नहि सकत हुनक दाबी छलनि ।

धुलिखेलमे आइसँ सुरु भेल दु दिना पार्टीके केन्द्रीय प्रशिक्षण शिविरके उद्घाटन करैत गुप्ता बाहर देखयमे आएल जका सहज रुपमे शान्ति प्रक्रिया आगु नहि बढल बतौलनि ।

अस्ट्रेलियन मोडेल मिरान्डा

महोत्तरीसँ २ गोटेके अपहरण


सन्तोष पोखरेल
२४ अगहन महोत्तरी । जनतान्त्रिक तराई मधेश मुक्ति मोर्चाक कार्यकर्ता महोत्तरीके सुनौल गाविसके ४० वर्षक शिवशरण मण्डलके  अपहरण केलक अछि ।

बितल साँझ खेतसँ अपन घर घुरि रहल मण्डलके ४५ गोटेके समूहमे रहल ब्यक्ति अपहरण केने स्थानीयवासी वतौलक अछि । अपनाके जनतान्त्रिक तराई मधेश मुक्ति मोर्चाके वारुद त्यागी समूहक कार्यकर्ता रहल वतबैत मण्डलके अपहरण केने स्थानीय सञ्चारकर्मीके जानकारी देलक अछि ।

अहिबीच महोत्तरीके बर्दिवास ५ के २० वर्षक दीपक महतो सेहो अपहरणमे परल छथि । बितल बृहस्पतिदिनसँ सम्पर्कविहिन भेल महतोके परिवारके अज्ञात व्यक्ति घरमे फोन कऽ फिरौती मँगने पारिवारजन बतौलक अछि । अपहरणमे परल मण्डलके सकुशल रिहाइके लेल पहल कऽ देब महतोके परिवारजन सरोकारवाला निकायसबसँ आग्रह केलक अछि ।

एकटा एहनो पार्टी !

बबनसिंह विरुद्ध मुद्दा दायर, सभासदसँ स्वतः निलम्बित


२४ अगहन, काठमाण्डौ । वीरगञ्जके व्यवसायी राजेशमान सिंहक अपहरण आ हत्याक प्रयास केने अभियोगमे पुलिस सभासद बबनसिंह विरुद्ध मुद्दा दायर केलक अछि । सरकारी वकिलक कार्यालय बबनके प्रमुख अभियुक्त बना कऽ जिल्ला अदालत काठमाण्डौमे मुद्दा दर्ता केने अछि ।

महानगरिय प्रहरी परिसर काठमाण्डौ हुनका वारेमे अनुसन्धान कऽ वुधदिन जिल्ला सरकारी बकिलक कार्यालयमा फाइल पेस केने छल । मुद्दा दर्ता बाद बबन सभासद् पदसँ स्वतः निलम्बित भेल छथि । वायह मुद्दामे पुलिस हुनकर सहयोगी भारतिय नागरिक लालबाबु शास्त्री आ रवि पाण्डेके गिरफ्तार कऽ चुकल अछि । हुनकेसबहक बयानक आधारमे पुलिस बबनबे प्रमुख अभियुक्त वनौने अछि । वीरगञ्जक पूर्व वडाध्यक्ष सिंह बबनके नाममे किटानी जाहेरी देने छल ।

पुलिसक अनुसार सिंहक हत्याक लेल बबन आपराधिक पृष्ठभूमि रहल सुटर प्रवीण तिवारीके सुपारी देने छल । योजना अनुसार वीरगन्ज स्थित सिंहके घर नजदिक भाडामे कोठली लऽ क रहयके व्यवस्था मिलाओलगेल छल ।

पाकिस्तानी देशक हलिउड अभिनेत्री तथा मोडेल सोफिया ह्यात

बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter