Monday, February 28, 2011

सुदके देखौलक माओवादी कारीझण्डा

भोजपुर, फागुन १६ । एकीकृत नेकपा माओवादीक कार्यकर्ता आइ दिक्तेलबजारमे भारतीय राजदुत राकेश सुदके कारीझण्डा देखौलक अछि ।

दिङ्लामे भारतीय सहयोगमे निर्माण होबयबला अस्पताल उद्घाटन करय गेल सुदके माओवादी कार्यकर्ता कारीझण्डा देखौलक अछि । अहिस आगु सोलुखुम्बुमे माओवादी कार्यकर्ता राजदुत सुदउपर जुत्ता प्रहार केने छल । माओवादी कार्यकर्ता सीमा अतिक्रमण बन्द कर, भारतीय हस्तक्षेप बन्द कर सहितक नारा लगबैत राजदुत सुदविरुद्ध नारावाजी सेहो केने छल ।

३ करोड १८ लाख रुपैयाँ लागतमे बनय लागल अस्पतालके निर्माण कार्य १८ महिनाभितरमे सम्पन्न होयबाक लक्ष्य राखल गेल अछि । अस्पतालस भोजपुरक उत्तरी क्षेत्रके १२ स बेसी गाविसके ९० हजारस बेसी नागरिक लाभान्वित हाएत ।

त्रिशूली-३ ए का लागि चीनियाँ सहयोग

काठमाडौं, फागुन १६ । चीन सरकार उपरका त्रिशुली-३ ए जलविद्युत् आयोजना निर्माणक लेल ७ अर्ब रुकैया ऋण उपलब्ध कराबय लागल अछि । ओ ऋण एक्सपोर्ट-इम्पोर्ट बैंक अफ चाइना (एक्जिम बैंक) मार्फत् उपलब्ध हाएत ।

ऋणसम्बन्धी सम्झौतापत्रमे चीनके वाणिज्य उपमन्त्री फु जियिङ आ अर्थसचिव रामेश्वरप्रसाद खनाल आइ हस्ताक्षर कएलनि अछि । उपरका त्रिशुली-३ ए जलविद्युत् आयोजनास ६० मेगावाट विद्युत् उत्पादन कएल जाएत । नेपाल विद्युत् प्राधिकरणके ओ आयोजना कार्यान्वयन करय ४ वर्ष लागत ।

अहिबीच चीन सरकार आर्थिक तथा प्राविधिक सहयोगके थप सुदृढ करय लेल नेपालके ५४ करोड ७० लाख अनुदान देबयके सहमति जनौलक अछि ।
अहिना, चीन राजधानीके चक्रपथके सुधारके लेल सेहो सहयोग उपलब्ध कराबय लागल अछि ।

वीरगञ्ज कारागारमे तनाव

काठमाडौं, फागुन १६ । कैदीके आन्दोलनके कारण वीरगञ्ज कारागारमे तनाव उत्पन्न भेल अछि । कैदीके दोसर ठाम बदली करय लागल बिरोधमे कैदीसब आन्दोलनमे उतरलाक बाद तनाव भेल अछि ।

उत्पन्न तनाब नियन्त्रणके प्रयासमे पुलिस एक राउण्ड हवाई फायर करयके सँगही करीब आधा दर्जन असुर ग्यास प्रहार केलक अछि । असुर ग्यासक कारण पाँच गोट कैदी घाइल भेल अछि । घाइल होबयबलासबमे उमेश मुखिया आ सागर झा सहितक रहल अछि । कारागार व्यवस्थापन बिभाग कार्यालय पर्सा वीरगञ्ज दु गोटे कैदीके दोसर जिल्लामे बदली करय लगलाबाद कैदीसब आन्दोलनमे उतरल अछि । ओसब सरुवा करय लागल कैदीके फिर्ता कर कहैत नारा सेहो लगौलक अछि ।

बिभागके आदेश अनुसार लालबाबु अन्सारी आ शम्भु गौतमके बदली करय लागल प्रमुख जिल्ला अधिकारी नागेन्द्र झा बतौलनि । प्रमुख जिल्ला अधिकारी झाके अनुसार अपहरण मुद्धामे वीरगञ्ज कारागारमे सजाय भोगि रहल कैदीके आइए दाङ्ग कारागारमे बदली करबाक छल । कारागार स्रोतक अनुसार बिदेशी साह आ शुक्र तामांङके सेहो बदलीके प्रकृया आगु बढाओगेल अछि ।

सरकारके पुर्णता देबय जल्दिए महत्वपूर्ण निर्णयः प्रचण्ड

काठमाडौं, फागुन १६ । एकीकृत नेकपा माओवादीक अध्यक्ष पुष्पकमल दहाल प्रचण्ड सरकारके पुर्णता देबयके विषयमे जल्दिए महत्वपूर्ण निर्णय कएल जाएत बतौलनि अछि ।

एमाले अध्यक्ष झलनाथ खनालके प्रधानमन्त्री बना कऽ माओवादी प्रतिक्रियावादीसबहक गालमे थप्पड मारने कहैत ओ सरकारके पुर्णता देबयके विषयमे जल्दिए महत्वपूर्ण निर्णय कऽक दोसर थप्पड मारत बतौलनि ।

‘झलनाथ खनालके प्रधननमन्त्रीमे निर्वाचित कऽक हमसब साहसिक निर्णय केने छी’ माओवादी आ डिलिराम आचार्य नेतृत्व केने पुनर्गठित नेकपा मसालबीच पार्टी एकताके घोषणा करैत प्रचण्ड कहलनि जे-’एखन सरकारके पूर्णता देबयमे अवरोध भरहल अछि, हमसब आइए काल्हिमे दोसर महत्वपूर्ण निर्णय कऽक दलाल ा प्रतिक्रियावादीसबहक गालमे दोसर थप्पड मारब ।’

मन्त्रिपरिषद् गठनमे अबेर भ रहलास जनता निराश भेल कहैत ओ सरकारके पूर्णता देबयके विषयमे गम्भीर बिमर्श भरहल जानकारी देलनि ।

एमाले माओवादीके बाट ताकि कऽ नै बैसत: श्रेष्ठ

काठमाडौं, फागुन १६ । नेकपा एमालेक नेता कृष्णगोपाल श्रेष्ठ माओवादी तत्काल सरकारमे नइ तऽ एमाले बाट ताकि कऽ नइ बैसत चेतावनी देलन्हि अछि।
आइ राजधानीमे भेल साक्षात्कार कार्यक्रममे नेता श्रेष्ठ सुरक्षा सम्बन्धी मन्त्रालय माओवादीके नइ देबाक चाहि कहैत आब माओवादी सरकारमे नइ अएलाबादो एक दु दिनमे एमाले एसगरे सरकारके पूर्णत देत बतओलन्हि अछि। ओ कहलन्हि जे सुरक्षा सम्बन्धी मन्त्रालय कोनो हालतमे माओवादीके देनाइ सम्भव नइ अछि। ओ माओवादी सरकारमे नइ आएल तऽ कांग्रेस सहितक अन्य दलसभके साथमे लऽकऽ बाम लोकतान्त्रिक गठबन्धके निरन्तरता दैत सरकारके पूर्णत देल जाएत बतओलन्हि अछि।
सात बुँदे औचित्य प्रधानमन्त्रीके निर्वाचन आ दुनु नेतासभके पुन: स्पष्टिकरण सँगे समाप्त भेल दावा करैत ओ धाक धम्किके भरमे किछ पाएब माओवादी सोच्ने अछि तऽ ओ दिनमे स्वप्न देखनाइ मात्रे अछि चेतावनी देलन्हि अछि। तहिना प्रधानमन्त्री त्याग केने पार्टी गृहमन्त्रालयमे अडान लेनाइ उपयूक्त नइ हाएत ओ बतओलन्हि अछि।

माओवादीके गृह नै भेटत त समर्थन फिर्ताः रायमाझी

काठमाडौं, फागुन १६ । एकीकृत नेकपा माओवादीक नेता टोपबहादुर रायमाझी सात बुँदे सहमति अनुसार गृहमन्त्रालय नै पाओत त अपन पार्टी सरकारके देने समर्थन फिर्ता लेबाक चेतावनी देलनि अछि ।
आइ राजधानीमे भेल साक्षात्कार कार्यक्रममे रायमाझि कहलनि जे आब अहिस बेसी त्याग माओवादी करय नै सकत । कि सात बुँदे सहमति कार्यान्वयन भऽ क सरकारमे जाएत कि समर्थन फिर्ता लऽ क प्रतिपक्षमे बैसत । माओवादी विचमे पेण्डुलम भऽ क नै बैसत ।’

रुक आ देखयके स्थितिमे आब एक दु दिनस बेसी अपन पार्टी नै बैसत कहैत ओ सहमति कार्यान्वयन नै हाएत त माओवादी एक दू दिन भितरेमे अपन निर्णय लेत बतौलनि ।

एमालेके कहबमे माओवादी नै चलत कहैत ओ एमाले सहमति कार्यान्वयन नै करत त झलनाथ खनालक क्षमतामे प्रश्न उठत बतौलनि ।

शान्ति आ संविधान नै चाहयबलासब षडयन्त्र करहल दावी करैत माओवादी नेता रायमाझी आन्दोलनके नेतृत्व कऽक आँधी तुफान आनि देब चेतावनी देलनि ।

माओवादी आ एमालेके बिमर्श निष्कर्ष विहीन

काठमाडौं, फागुन १६ । सात बुँदे सहमति कार्यान्वयन आ मन्त्रिपरिषद् विस्तारबारे एकीकृत नेकपा माओवादी आ नेकपा एमालेबीच आइ भेल बिमर्श विना निष्कर्ष सम्पन्न भेल अछि ।

सिंहदरवारमे भेल बैसारमे दुनु दल अपन अपन अडान कायमे रखलाबाद कोनो सहमति होबय नै सकल । बैसारक बाद एमाले नेता केपी शर्मा ओली बैसारमे अपनेसब गृह मन्त्रालय माओवादीके देबय नै सकब पुरने अडान रखने बतौलनि ।

मुदा एकटा मन्त्रालयके विषयमे मन्त्रिपरिषद विस्तार रोकय नै चाहीमे दुनु दल सकारात्मक रहल हुनक कहब छलनि । माओवादी उपाध्यक्ष नारायणकाजी श्रेष्ठ प्रकाश सातबुँदेके बारेमे एमाले प्रष्ट नै केलास सहमति होबय नै सकल बतौलनि। बिमर्शके निरन्तरता देबय दुनु दल सहमत भेल अछि ।

सात बुँदे कार्यान्यवन नै हाएत त सरकारके देने समर्थन फिर्ताः बैद्य

काठमाडौ, फागुन १६ । माओवादी उपाध्यक्ष मोहन बैद्य सात बुँदे सहमतिके मर्म अनुसार आगु बढय नै सकत त सरकारके देने समर्थन फिर्ता लेब बतौलनि अछि । सहमति बमोजिम मन्त्री परिषद विस्तार होबय परत कहैत बैद्य अन्योल बढिते जाएत त सरकारके समर्थन करैत रहय नै सकब बतौलनि ।

आइ राजधानीमे ओयोजित जनसंचार अभियानमे बजैत उपाध्यक्ष बैद्य माओवादी समर्थनस सरकार बनितो सहममतिबारे एमाले भितर रहल अष्पष्टताके कारण मन्त्री परिषद् विस्तार होबय नै सकल बतौलनि । जारी गतिरोध अन्त्यक लेल एमालेके गंम्भीर भऽ लागय परत ओ बतौलनि ।

माओवादीले सातबुँदे सहमति अनुसार गृह मन्त्रालय अपने पाबयके दावी करैत आएल अछि । एमाले गृह माओवदीके देबय नै मिलत अडान रखलास सरकार निर्माणमे अन्योल उत्पन्न भेल अछि ।

कैदीद्वारा कारागार परिसरमे आगजनी आ प्रदर्शन

वीरगन्ज, फागुन १६ । कैदीके घुसकाबयके विरोध करैत वीरगन्ज कारागारके कैदीसब आई भिन्सरमे नाराबाजी केलक अछि । लालबहादुर कुर्मी आ शुक्रे तामाङके दाङ कारागारमे ल जाएके निर्णयके विरोधमे कैदीसब छत पऽ चढिकऽ प्रदर्शन केलक अछि ।

कारागार परिसरमे ओसब आगजनी समेत केलक अछि । अपनासबके भेटयबला रासन भत्ता समेत जेलर कट्टा करैत आबिरहल ओसब आरोप लगौलक अछि । जेलर बीर बहादुर कुर्मी अहि बिषयमे बाजय नै चाहलथि ।

प्रमुख जिल्ला अधिकारी नागेन्द्र झा जेल भितर गलत क्रियाकलाप भरहलास सूचनाके आधारमे दु गोटेके आन ठाम सरुवा करय लागल बतौलनि ।'

जेलर पैसा मँगने आ कैदी पैसा नै देलाबाद सरुवा करय लागल कैदीसब बतौलक अछि । भिन्सरेस नारावाजीमे उतरल कैदीसब खाना समेत बहिष्कार केलक अछि । उचित इलाज नै केलास दु कैदीके हालेमे मृत्यु भेलास सेहो ओसब खिसियाल अछि ।

सातबुँदे प्रष्टयाबऽ नै सकत त प्रधानमन्त्रीके राजीनामा देबय परत : यादव

काठमाडौ, फागुन १६ । मधेसी जनअधिकार फोरमक अध्यक्ष उपेन्द्र यादव शान्ति प्रक्रिया आ संविधान निर्माण पूरा करयके आधार तयार नै करयधरि सरकारमे अपन पार्टी सहभागी नै हाएत बतौलनि अछि ।

आइ भैरहवामे आयोजित पत्रकार सम्मेलनमे बजैत यादव लडाकुके व्यवस्थापन आ तोकल समयमे संविधान निर्माणके आधार तय नै होबयधरि सरकारमे जाएके अर्थ नै रहल बतौलनि अछि । ओ अपनाके प्रधानमन्त्री झलनाथ खनाल सरकारमे सहभागी होबय आग्रह करितो ओइ विषयमे प्रष्ट करय नै सकलास सरकारमे सहभागी नै भेल बतौलनि । ओ गृह मन्त्रालयके विषयके लऽ दु दल सरकारके बन्दी बनौने आरोप सेहो लगौलनि ।

यादव माओवादी आ एमालेबीच भेल सातबुँदे सहमतिमे देखलगेल विवादित बुँदा स्पष्ट कक अन्य दलके विश्वासमे लेबय नै सकत त तत्काल प्रधानमन्त्रीस राजीनामा दऽक अन्य दलके विकल्प खुल्ला करयके धारणा रखलनि।

Sunday, February 27, 2011

प्रधानमन्त्री बेइमानीः कोइराला

विराटनगर , फागुन १५ । कांग्रेसक केन्द्रीय सदस्य सुजाता कोइराला सातबुँदे गोप्य सम्झौताके आधारमे बनल वर्तमान सरकारमे नेपाली कांग्रेस सहभागी नै हाएत बतौलिह अछि ।
विराटनगर विमानस्थलमे आइ सञ्चारकर्मीसँग सङ्क्षिप्त बातचित करैत ओ सातबुँदे सहमति खारेज हाएत तखने अपन दल सरकारमे जाएके विषयमे सोचत बतौलिह । प्रधानमन्त्री झलनाथ खनाल राजनीतिक बेइमानी कक माओवादीसँग केने सातबुँदे सम्झौता अपवित्र अछि कहैत ओ इ दुनु पार्टीके नेता फेराफेरी सरकारक नेतृत्व करयके बात सेहो लोकतन्त्रके मर्म विपरीत भेल जिकिर केलिह ।
नेत्री कोइराला पार्टीमे अपने दाबी केने उपसभापति पद कायमै रहल स्पष्ट केलिह ।

एमाले माओवादीसँग निर्णायक वार्ता करत

१५ फागुन, काठमाडौं । नेकपा एमाले पहिलका निर्णयके यथावत रखैत माओवादीसँग निर्णायक वार्ता करय लागल अछि । संसदीय दलक कार्यालय सिंहदरवारमे आइ बैसल एमाले स्थायी समितीक बैसारस सुरक्षा सम्वन्धी मन्त्रालय अपनासँग राखयके पुरान निर्णयके निरन्तरता देलक अछि।
बैसारमे पुराने निर्णयके यथावत रखैत माओवादीसँग निर्णायक वार्ता करयके निर्णय केने महासचिव इश्वर पोखरेल जानकारी देलन्हि अछि। ओ कहलन्हि जे माओवादीसँग वार्ता कऽकऽ काल्हिधरिमे मन्त्रिपरिषद् विस्तारके विषयमे निषकर्ष लगाएब ।
एमोल गृह मन्त्रालय अपनासँग राखके करैत आएल प्रस्ताव माओवादी अस्वीकार करैत आएल अछि । सातबुँदे सहमतिमे रक्षा, गृह सहितक महत्वपूर्ण मन्त्रालयके उचित आ सम्मानजनक विभाजन करबाक चाहि उल्लेख करैत माओवादी गृह अपने लेबाक अडान लेने अछि । एमाले लडाकू समायोजन तथा पुनःस्थापना नइ होबए धरि माओवादीके सुरक्षासम्वन्धी मन्त्रालय देबए नइ सकब बतबैत आबि रहल अछि।
गृह मन्त्रालयके विवादके कारण एमाले अध्यक्ष झलनाथ खनाल प्रधानमन्त्रीमे निर्वातिच भेला एक महिना बितलाबादो मन्त्रि परिषद् विस्तार होवए नइ सकल अछि। एमाले स्थायी समिति बैसारमे कार्यकर्ता संरक्षणके लेल कोष स्थापना करके निर्णय सेहो केलक अछि।

वंशजके आधारमे मायके नामस नागरिकता देबय सर्वोच्चके परमादेश

काठमाडौं, फागुन १५ । सर्वोच्च अदालत दोलखाके सविना दमाईके वंशजके आधारमे मायके नामसँ नागरिकता देबऽ जिल्ला प्रशासन कार्यालय दोलखाके नाममे परमादेश जारी केलक अछि।
न्यायाधीश बलराम केसी आ भरतराज उप्रेतीके संयुक्त इजलाससँ पितृत्व नइ खुलल सविनाके माय गंगा दमाईके नामसँ वंशजके आधारमे नागरिकता देबए आदेश देलक अछि।
‘नेपालमे जन्म रहल मुदा पितृत्व मातृत्व पता नइ रहलके वंशजके आधारमे नागरिकता देबाक सवैधानिक व्यवस्था अछि सर्वोच्चके सहप्रवत्ता मेहन्त रावल कहलन्हि ।
नेपालके नागरिकता ऐन २०६३ के दफा तीनके उपदफा तीनमे ‘नेपाल सिमा भितर भेटल पितृत्व मातृत्व पता नइ रहल प्रत्येक नावलक ओकर बावु आ मायके पत्ता नइ लागएधरि वंशजके नातासँ नेपालके नागरिक मानल जाएत ।
जिल्ला प्रशासन कार्यालय दोलखा वंशजके अधारमे मायके नाममे नागरिकता नइ देने कहैत सविना हालेमे सर्वोच्चमे रिट दायर केने छलिह।

६ थान भरुवा बन्दुक बरामद

उदयपुर, फागुन १५ । पुलिसक गस्ती टोली उदयपुरके रामपुर ठोक्सिला — १ सिसौली ज‌गलसँ आइ लोड काएलगेल अवस्थामे ६ थान भरुवा बन्दुक बरामद कएलक अछि ।
सशस्त्र प्रहरीबल सुरक्षा बेस क्याम्प रामपुर ठोक्सिलाके प्रहरी सहायक निरीक्षक कृष्णप्रसाद पौड्यालके नेतृत्वमे गेल गस्ती टोली २ सय ग्राम बारुद आ दुईसय ५० ग्राम छर्रा बरामद केने प्रहरी नायव उपरीक्षक मनोज यादव बतओलन्हि अछि ।
हतियार आ बिष्फोटक पदार्थ जंगलमे नुका कऽ रखने अवस्थामे भेटल पुलिस जनओलक अछि।

देशभरिके उद्योगके ब्यारेक बनाबयके प्रचण्डक चेतावनी

काठमाडौं, फागुन १५ । एकीकृत नेकपा माओवादीक अध्यक्ष पुष्पकमल दाहाल प्रचण्ड देशभरिके उद्योग कलकारखाना आ होटलसबके ब्यारेकमे परिणत करबाक चेतावनी देलनि अछि ।
सम्पूर्ण शक्ति आ सामर्थ्यके सँग जनविद्रोहके अन्तिम तयारी करय मजदुर कार्यकर्ताके निर्देशन दैत प्रचण्ड देशभरिके उद्योग कलकारखाना आ होटलसबके ब्यारेकमे परिणत करबाक चेतावनी देलनि ।
आइ ललितपुरमे अखिल नेपाल ट्रेड युनियन महासंघ स्वयम सेवक विभाग अन्तर्गत मजदुर स्वयंम सेवक दलके राष्ट्रिय भेलाके सम्बोधन करैत अध्यक्ष प्रचण्ड शान्ति आ संविधान निर्माण तथा परिवर्तनके प्रवाहके रोकय चाहत त माओवादी विद्रोह करत बतौलनि ।
माओवादी अध्यक्ष प्रचण्ड मजदुरके हातमे सत्ता नै आबयधरि पार्टी आ शहिदसबहक लक्ष्य पूरा होबय नै सकत सेहो बतौलनि ।

सोनक दाम फेउर बढल

काठमाडौ, फागुन १५ । सोनक मोलमे फेउरसँ वृद्धि भेल अछि । फागुनके सुरुमे दु महिना एम्हरके न्यून बिन्दुमे पहुँचल सोनके मोल अई सप्ताहमे ४० हजार रुपैयाँस उपर पहुँचल अछि ।
'अहि सप्ताहक अन्तमे स्थानीय बजारमे प्रतितोला सोनक मूल्य ४० हजार २ सय रुपैयाँ पहुँचल अछि ।,' सुनचाँदी व्यवसायी संघक अध्यक्ष तेजरत्न शाक्य कहलनि जे, 'किछ सप्ताह आगुधरि तोलामे ३८ हजार रुपैयाँके हाराहारीमे रहल सोनके मोल फेउर बढल अछि ।'
संघक अनुसार सप्ताहक पहिल दिनक तुलनामे अन्तिम दिन बहुमूल्य सोनक मूल्य तोलामे ६ सय रुपैयाँ बढल । स्थानीय बजारमे सप्ताहके पहिल दिन रबिदिन प्रतितोला सोन ३९ हजार ६ सय रुपैयाँ मात्रे छल ।

सोनियाक फोटोसब १

सोनियाक फोटोसब

डिजलक आभावमे रेल सेवा बन्द

जनकपुर , फागुन १५ । डिजलक अभाबमे देशक एक मात्र रेल जनकपुर- जयनगर रेल सेबा बन्द भेल अछि।
रेल सेबा बन्द भेलास मध्य तथा पुर्बि धनुषा बासिसभ दु:ख भोगए बाध्य भेल अछि । २ सप्ताह एम्हरसँ रेल सेबा तेसर बेर बन्द भेल अछि। ४ महिनासँ तलब , भत्ता नई पौअने रेलक कर्मचारीसभ फागुनके पहिल सप्ताहमे ४ दिन रेल सेबा बन्द भेल छल तऽ एखन डिजल अभाबक कारणे रेल सेबा बन्द भेल अछि।
रेलके दैनिक आम्दानि बैंकमे जम्मा होइत अएलाक बादो चेक काटयलेल आधिकारिक व्यक्ति नइ रहलासँ डिजलके आभाव भेल अछि। तहिना निमित्त महाप्रवन्धक तथा लेखाअधिकृत रामेश्वर यादव विदामे छथि। रेलकर्मी नन्दकुमार रायक अनुसार -विभिन्न आयल स्टोर्ससँ उधारे लेने डिजलके दश लाख भुक्तानी देबाक बाँकी रहल अछि। पछिला बेर बजरंग आयलसँ लेने डिजल वापत १ लाख ३० हजार सेहो उधारे अछि । आब कोनो आयल स्टोर्स उधार देबए नइ मानलाक कारण रेल सेवा बन्द करए परल ओ बतओलन्हि अछि।
एहिविच, बिना सूचना देने रेल सेवा बन्द केलासँ आम जनता आक्रोशित बनल अछि।

बालक अपहरणके बाद आन्दोलन स्थगित

राजविराज, फागुन १५ । विद्यार्थी अपहरणके विषयके ल क भेल अनिश्चितकालीन शिक्षण संस्था बन्द कार्यक्रम आइ फिर्ता लेल गेल अछि । आइ सम्पन्न सर्वपक्षीय भेलामे प्रमुख जिल्ला अधिकारी कैलाशनाथ खरेलक आग्रहमे ६ दिनके लेल आन्दोलन स्थगित कएलगेल आन्दोलन समितिक संयोजक कुमार पाठक बतौलनि ।
एक सप्ताह आगु राजविराज-१ स्थित गौतम शिशु सदनस घर घुरबाक क्रममे नर्सरी कक्षामे अध्ययनरत ६ वर्षक आयुष साह अपहरणमे परलाबाद शिक्षण संस्था ठप्प क शिक्षक, विद्यार्थीसब आन्दोलनमे उतरल छल ।
फागुन २० गतेभितर सेहो अपहरित बालक सकुशल मुक्त नै हाएत त फागुन २१ गतेस नयाँ चरणक आन्दोलन घोषणा कएल जाएत शिक्षक सङ्घ, सङ्गठन संयुक्त प्रेस विज्ञप्ति मार्फत जानकारी देलक अछि ।

सदभावना पार्टीके कार्यकर्ता अपहरित

महोत्तरीके सोनमा गाविसस सदभावना पार्टीक एक कार्यकर्ता अपहरणमे परल अछि । सोनमा गाविस ३ के ३५ वर्षक फकिर अन्सारीके नकावधारी अज्ञात समूह आइ भिन्सर अपहरण केलक अछि ।

Saturday, February 26, 2011

बलात्कारके आरोपमें निलंबित

एजेन्सी, फागुन १४ । एक लड़कीके सँग बलात्कारक आरोप लगलाबाद राष्ट्रवादी कांग्रेस पार्टी अपन एक विधायक दिलीप वाघके पार्टीस निलंबित केलक अछि । पार्टी प्रवक्ता नवाब मलिक अई बातक पुष्टि केलनि अछि ।
रिपोर्टके अनुसार जलगाँवके पचौरा इलाकास विधायक दिलीप वाघ आ हुनक निजी सहायक महेश माली प आरोप अछि जे ओ एक 21 वर्षक लड़कीके नौकरी देबयके बहानास नासिक बजा क एक सरकारी गेस्ट हाउसमें ओकरा सँग बलात्कार केलक अछि । ई घटना 21 फ़रवरीके भेल बताओल जारहल अछि ।
पुलिस केस दर्ज केने अछि आ पार्टी अई सम्बन्धमे कोनो हस्तक्षेप नहि क रहल अछि ।

सरकारके पूर्णता नै देबय षडयन्त्र भेल अछि - दाहाल

काठमाडौ, फागुन १४ । माओवादी अध्यक्ष पुष्पकमल दाहाल सरकारके पूर्णता नै देबय षडयन्त्र भ रहल आरोप लगौलनि अछि ।
आई राजधानीमे ओयोजित एक कार्यक्रममे बजैत ओ सरकार निर्माणके पूर्णता देबय अपनेसब लडिरहल बतौलनि ।
माओवादी आ एमाले अध्यक्ष झलनाथ खनालबीच भेल सात सुत्रिय गोप्य सम्झौताके बाद पछिला समयमे सम्झौताके कडा विवाद झेल्ने माओवादी सरकारमे जाए नै सकल अछि । माओवादी सरकारमे सहभागी नै भेलाबाद खनाल नेतृत्वक सरकार पूर्णता नै पौअने अछि ।
अध्यष दाहाल शान्ति आ संविधान निर्माणकै लेल अपनेसब लागिपरल बतौलनि । ओ शान्ति आ संविधान निर्माणमे बाधक बनयबलासब अपने समर्थन केने सरकारके पूर्णता नै देबय षडयन्त्रके प्रपन्च रचिरहल उल्लेख कएलनि । दाहाल शान्ति आ संविधानक लेल सरकारके पूर्णता देबय पार्टीके प्रयास जारी रहल बतौलनि ।
गृह मन्त्रालयमे दावा केने माओवादी गृह पाबय नै सकलाबाद माओवादी सरकारमे जाए नै सकल अछि । माओवादी सात सुत्रिय सहमति पूर्ण रुपमे कार्यान्यवन करयके अडान रखैत आएल अछि ।

लिबियास उद्धार कएलगेल ६० गोटे नेपाल आएल

काठमाडौं, फागुन १४ । लिबियास उद्धार कक इजिप्ट पहुँचाओलगेल नेपाली मजदुर मेस ६० गोटे आइ नेपाल घुरल अछि ।
इजिप्टमे रहल नेपाली दुतावासक संरक्षणमे रहल ५ सय ६२ मे स ६० गोटे नेपाली काठमाडौंमे आएल अछि । इजिप्ट पहुँचाओलगेल बाँकी नेपालीके सेहो काल्हिधरि नेपाल लाबयके तयारी भ रहल अछि । लिबियामे जारी सरकार विरोधी आन्दोलनके कारण जोखिममे परल नेपालीके बितल बुधदिन उद्धार क इजिप्ट पहुँचाओलगेल छल ।
ओकरसबहक खाएके आ रहयके लेल मजदुर कोषमे रहल ३० हजार अमेरिकी डलर दुतावासमे पठाओलगेल अछि । सरकारक प्रवक्ता गंगालाल तुलाधरके अनुसार नेपालीसबके स्वदेश घुराबय लागल सब खर्च नेपाल सरकारके देबय परत ।

अमरीका लगौलक लीबिया पर प्रतिबंध

अमरीका , फागुन १४ । अमरीका लीबिया पर प्रतिबंध लगाबयके घोषणा कएलक अछि । अमरीकी राष्ट्रपति बराक ओबामा कहलनि अछि जे कर्नल गद्दाफ़ीके सरकार अंतरराष्ट्रीय नियमके उल्लंघन कएलनि अछि ।
अमरीका अई प्रतिबंधके अनुसार लीबियास संबंधित कोनो ढँगक वित्तीय लेन-देन आ जमिनके ख़रीद-बिक्री पऽ रोक लगौलक अछि ।
ओबामा कहलनि जे अई प्रतिबंधके निशाना पऽ कर्नल गद्दाफ़ी आ हुनक परिवारके सदस्य अछि मुदा ई प्रतिबंधके लीबियाके आम नागरिकके हितके रक्षा करत ।
ओम्हर, ब्रिटेन आ फ़्रांस सयुंक्त राष्ट्र सुरक्षा परिषदमें एक प्रस्ताव तैयार क लीबिया पऽ हथियार ख़रीद-बिक्रीके अलावा वित्तीय प्रतिबंध लगाबयके प्रावधान रहल बतौलक अछि ।
अहिस पहिने सयुंक्त राष्ट्रक महासचिव बान की-मून सुरक्षा परिषदस लीबियाके संकट पऽ 'निर्णायक कार्रवाई' करय लेल आग्रह केलनि अछि ।
ओ कहलनि जे कर्नल गद्दाफ़ीके प्रशासन मानवाधिकारके उल्लंघन क रहल अछि आ आब ओहिठाम एक हज़ार स बेसीके मृत्यु भचुकल अछि ।
न्यूयॉर्कमें सुरक्षा परिषदके बैसारमें बजैत महासचिव बान लीबियामें खाद्य संकटके चेतावनी दैत कहलनि जे ओईठाम शरणार्थिके समस्या विकट होईत जा रहल अछि ।

सरकार जल्दिए पुर्णता पाओत खनालक दावा

ललितपुर, फागुन १४ । प्रधानमन्त्री झलनाथ खनाल सरकार जल्दीए पूर्णता पाओत दावी कएलनि अछि ।
एमाले ललितपुरक अगुवा कार्यकर्ता जमघटके आइ सम्बोधन करैत प्रधानमन्त्री खनाल सरकार विस्तारक लेल दलसबसँग बिमर्श भरहलास जल्दीए पूर्णता पाओत बतौलनि ।
ओ कहलनि जे - सरकारके विस्तार करयके सिलसिलामे हमसब पार्टीसबहक बीचमे बिमर्श करहल छी । हमरा विश्वास अछि जे हमसब जल्दिए एकटा निष्कर्षमे पहुँचब।’
प्रधानमन्त्री खनाल समाजमे अखनो सामन्ती अवशेषसब बाँकी रहलास देशमे सामाजिक क्रान्ति आवश्यक रहल बताौलनि ।

७ सुत्रिय सहमति सत्ता कब्जा करबाक मनसाय : राणा

वीरगन्ज, फागुन १४ । राष्ट्रिय प्रजातन्त्र पार्टीक अध्यक्ष पशुपतिशमशेर राणा मन्त्रालय बाँटबखरा करैत सत्ता कब्जा करबाक नियतस माओवादी आ एमालेबीच ७ सुत्रिय सहमति भेल दाबा कएलनि अछि ।
पर्साके वीरगन्जमे आइ भिन्सर आयोजित पत्रकार सम्मेलनमे ओ जनसेनाके अलगे फोर्स बनाबयके आ दीर्घकाल धरि सरकारक नेतृत्व फेराफेरी करयके कहि कएलगेल सहमति सत्ता कब्जा करबाक नियत रहल दावा कएलनि । माओवादी आ एमाले बीच भेल सात सुत्रिय सहमति मान्य नै हाएत अध्यक्ष राणा दोहरौलनि ।
राजनीतिक अस्थिरताके कारण देश भयावह अवस्थास गुजरिरहल बतबैत ओ अहिके मुख्य दोषी एखुनक सरकार रहल आरोप लगौलनि । आठ महिनाधरि प्रधानमन्त्री चयन करय नै सकयबला तीन दल आबके बाँकी तीन महिनामे संविधान बनाबऽ नै सकत ओ ठोकुवा कएलनि ।

मधेशी मुक्ति टाईगस्र काल्हि वार्ता समिति गठन करत

राजविराज माघ १४ ।

सरकारसंग वार्तारत मधेशी मुक्ति टाईगस्र काल्हि नयाँ वार्ता समिति गठन करय लागल अछि ।

टाईगस्रके केन्द्रिय अध्यक्ष रमण िसंह आइ भिन्सर राजविराजमे पत्रकार सम्मेलन क काल्हि वार्ता समिति गठन करयके बिषयमे जानकारी देलनि अछि । अहिस आगु मंगल पाण्डे संयोजकत्वमे रहल वार्ता समितिके टाईगस्र विघटन क चुकल अछि । वार्तामे रहियोक पार्टीके नाममे चन्दा उठाबयके सर्वसाधारणके दुख देबयके काजमे पाण्डे सहितक किछ व्यक्तिसब संलग्न रहल कहैत वार्ता समिति विघटन केने टाईगस्रक अध्यक्ष िसंह जानकारी देलनि ।

मधेशबादी दलसब सत्ताके छिनामुपटीमे लिप्त रहलाक कारण अपनाके मधेशमे संगठन निर्माणमे कठिनाई भेल दाबी समेत केलक अछि ।

राजविराजमे मौन जुलुस प्रदर्शन

राजविराज माघ १४ । अपहरणमे परल बालक ६ दिन बितलाक बादो रिहा नै भेलाबाद आइ भिन्सर प्याव्सनके अगुवाईमे राजविराजमे मौन जुलुस प्रदर्शन कएल गेल अछि ।

अपहरित बालक आयुष साहके निशर्त रिहाईके माँग करैत शिवमन्दिरके प्राङगणमे जमघट भेल नीजि तथा सामुदायिक विद्यालयके शिक्षक शिक्षिका नागरिक समाजक अगुवा सम्मिलीत जुलुस नगरक विभिन्न भागके परिक्रमा कएने छल ।

अपहरित बालकके रिहा कराबय गठित संघर्ष समितिके आइ बैसत कहलगेल बैसार स्थगित भेल अछि । नयाँ चरणके आन्दोलन तय करय बैसय लागल बैेसार प्रमुख जिल्ला अधिकारी कैलाशनाथ खरेल ११ बजे सर्वपक्षीय बैसारक आव्हना केलाके कारण स्थगित भेल प्याव्सनक अध्यक्ष अनिल झा जानकारी देलनि अछि ।

अहिबीच अपहरित बालकके खोजी करय जिल्ला प्रहरी कार्यलय सप्तरी प्रहरी नायव उपरिक्षक सन्जीव शर्माके संयोजकत्वमे बितल राति ९ सदस्यीय छानवीन समिति गठन कएलक अछि ।

अहिस आगु काल्हि आम हड्ताल भेल छल ।स्थानीय गौतम शिशु सदनमे नस्ररी कक्षामे अध्ययनरत पाँच बर्षक आयुष बिद्यालयमे बिदा भेलाबाद घर घुरबाक क्रममे व्यस्त सडकेस सोमदिन अपहरणमे परल छल ।




बाबुके हत्या करय निकलल युवा रिभल्बर सहित गिरफ्तार

झापा, फागुन १४ । झापाके दमकस पुलिस एकथान रिभल्वर सहित दु युवाके गिरफ्तार कएलक अछि । स्थानीय एन्जल धिमाल आ उज्ज्वल धिमाल रिभल्बर सहित गिरफ्तार भेल अछि ।
एन्जल दमक नगरपालिकाके पूर्वमेयर मोहन धिमालके बेटा अछि । बाबु दोसर कनिया लौअने कारण बाबुके मारय रिभल्वर लऽक निकलल एन्जल पुलिसके बयानमे देलक अछि ।
बाबुके मारय कहि निकलल एन्जल आ ओकर साथी उज्ज्वलके गिरफ्तार कएलगेल पुलिस जनौलक अछि ।

महिला हत्यामे पेशेवर अपराधी

जनकपुरधाम, फागुन १४ ।
जनकपुर स्थित होटल मानकी इन्टरनेशनलमे पुस महिनाकेँ दोसर सप्ताह भेल एक महिलाकेँ हत्यामे संलग्न रहल आरोपीकेँ जिल्ला प्रहरी गिरफतार कएलक अछि ।
प्रहरी उपरीक्षक दिनेश आमात्य शुत्रmदिन पत्रकार सम्मेलन आयोजना कऽ मानकी होटलमे झापा महेशपुर गाविस—३ रहनिहार ३२ बर्षीय तारा गुरागाईकेँ झापा पृथ्वीनगर ५ रहनीहार ३८ बर्षीय तुलाराम खडका कर्तव्य कऽ हत्या कएने जानकारी देलन्हि अछि । खडकाकेँ झापा प्रहरीक सहयोगमे ओहि ठाम सँ पत्रmाउ कएने प्रहरी जानकारी देलक अछि ।
एसपी आमात्यक अनुसार पेसेवर अपराधी खडका उपर अहि सँ पहिने सेहे हत्या, महिला बेचविखन तथा जेल तोडि भागल आरोप अछि । एक ज्यान मुद्दामे ओ १० बर्ष जेल सजाय भोगि चुकल अछि तऽ दोसर मुद्दामे जेल गेल खडका २०६६ आशिन महिनामे मुत्तm भेल छल ।
पुलिस स्रोतक अनुसार ओ २०५१ सालमे सोलुखुम्वु रहनिहार कृष्णकुमार राईकेँ खुकुरी प्रहार कऽ हत्या कएने छल तऽ २०६३ सालमे ताप्लेजुङ रहनिहार २२ बर्षीय अम्विका लिम्बुकेँ भारतकेँ सिलीगुडीमे बित्रिm कएने छल । २०६२ सालमे ओ जेल तोडि फरार भेल छल । वितल पुस १६ गते जनकपुरक होटल मानकीमे तारा गुरागाईकेँ हत्या कएने आरोपमे पछिल्ला वेर पत्रmाउ परल अछि ।
महिला प्रति अत्यधिक आशत्तिm राखयवला खडका अपने तारा गुरागाईकेँ हत्या कएने स्वीकार कएने अछि । तरासंग वितल चारि महिना सँ अपने शारीरिक सम्वन्ध रहल आ विवाह करय पहिल जनवरीक दिन हुनका लऽ जनकपुर आएल खडका वतौलन्हि ।
होटल मानकी इन्टरनेशनलमे पर्यटन बर्ष सुरु भेले दिन भेल अहि प्रकारक हत्या प्रकरण सँ स्थानीय पुलिस दवावमे परल छल । प्रहरी उपरीक्षक आमात्यक अनुसार घटनाकेँ छानविन करय देशभरिकेँ जिल्ला आ इलाका प्रहरी चौकीसभ, महिला आयोग तथा अन्य सरोकारवला संघ संस्थासभ सँ सहकार्य करयकेँ साथे प्रहरी मृतक तराकेँ नाममे नक्कली फेसवुक सेहो वनैने छल । उपरीक्षक दिनेश आमात्य कहलन्हि—‘अपना संग मृतक महिलाकेँ सम्वन्धमे किछ जानकारी नहि छल । फेसवुकमे कोनो प्रतित्रिmया आओत अपनासभकेँ सोच छल ।’

Thursday, February 24, 2011

जनकपुर जटही सडक खण्डक जाम खुजल

जनकपुर, फागुन १२ । स्थानिय प्रशासन मृतक परिबारके उचित क्षतिपुर्ति देबयके सहमति जनोलाक बाद जनकपुर जटही सडक खण्डक जाम खुजल अछि ।
जटहीस जनकपुर आबिरहल बसस एक गोट यात्रु रुपैठा चौकप उतरय काल घाइल भ इलाजक क्रममे मृत्यु भेला बाद स्थानिय बासीसब बितल २ दिनस जनकपुर जटही सडक खण्ड अबरुद्ध क सबारी साधन आबागमन ठप्प केने छल ।
बितल मँगलदिन जटहीस जनकपुरदिस आबिरहल ज १ ख ४९१ नम्बरक बसस देवपुरा रुपैठामॆ स्थानिय उपेन्द्र मिश्र उतरय काल बसस पिचाक घाइल भेल छलथि । घाइल मिश्रके वायह दिन इलाजक क्रममे मृत्यु भेल छल ।
मृत्यु भेल बिरोधमे मृतकके क्षतिपुर्ति, दोषी चालकके कारबाही सहितक माँग रखैत स्थानियबासी सब बितल २ दिनस जनकपुर जटही सडक खण्डमे चलयबला सम्पुर्ण सबारी साधनके चलयस अबरुद्ध केने छल ।

नारायणी अन्चलके सरकारी कार्यालय ठप्प

पर्सा, फागुन १२ । कर्मचारी हत्याक विरोधमे नारायणी अन्चलके सरकारी कार्यालयसब आइ दोसर दिन सेहो बन्द रहल अछि । बारा मालपोत कार्यालयके नायव सुब्बा माधव थापाके हत्याके विरोधमे नारायणी अन्चल अन्तर्गत परयबला पर्सा, बारा, रौतहट, मकवानपुर आ चितवनके निजामति कर्मचारीसब काल्हिएस काम ठप्प कक आन्दोलनमे उतरल अछि ।
हत्याके विरोधमे नारायणी अन्चल भरिके सरकारी कार्यालयसब तीन दिनधरि बन्द करयके कर्मचारीसब घोषणा क चुकल अछि । नेपाल निजामति कर्मचारी युनियन बाराके अध्यक्ष अशोक रौनियार आई पाँच जिल्ला प्रशासन कार्यालयमे भिन्सर ११ बजेस धर्ना देल जारहल जानकारी देलनि ।
कर्मचारी हत्याक विरोधमे आइ नवलपरासीके सम्पुर्ण सरकारी कार्यालयसबहक कामकाज २ घण्टा ठप्प हाएत । भिन्सर १० बजेस दुपहर १२ बजेधरि कामकाज ठप्प केने कर्मचारीसब बतोलक अछि ।
आन्दोलनरत कर्मचारीसब मृतक थापाके शहीद घोषणा क परिवारजनके २० लाख रुपैयाँ क्षतिपूर्ती देबयके, मृतकके परिवारके १ गोटेके नोकरी आ मालपोत कार्यलयमे मृतकके शालीक निर्माण करय सहितक माँग राखने अछि । काल्हि धरि मागसब पूरा नै हाएत त दोसर चरणक आन्दोलन करबाक ओसब घोषणा केने अछि ।
अहिबीच थापाके हत्यामे संलग्न रहल आशंकामे पुलिस बाराके विभिन्न स्थानस ४ गोटेके गिरफ्तार क अनुसन्धान क रहल अछि । थापाके हत्याके अनुसन्धानक लेल मध्यक्षेत्रीय प्रहरी कार्यालय हेटौंडा, अञ्चल प्रहरी कार्यालय वीरगन्जके प्रमुख गोपाल भण्डारीके संयोजकत्वमे तीन सदस्यीय छानबिन समिति गठन केने अछि । सरकार मृतक थापाके परिवारके उचित क्षतिपुर्ति देबाक निर्णय क चुकल अछि ।

एमाले निर्णयप्रति माओवादी धारणा : तत्काल सरकारमे गेनाई अनुचित

काठमाडौं, फागुन १२ । सात सुत्रिय सहमतिके नेकपा एमाले अपना अनुकुले ब्याख्या केलाबाद रुष्ट भेल एकीकृत नेकपा माओवादी आइ धारणा तय करय लागल अछि । धारणा तय करय पार्टी केन्द्रीय कार्यालय पेरिसडाँडामे बेरियामे माओवादी स्थायी समितिक बैसार बैसत बताओलगेल अछि ।
एमाले केन्द्रीय समितिक बैसारस निर्णयके समिक्षा करैत सरकारमे सहभागी हाएब कि नै बिषयमे बैसारस पार्टीके धारणा बनाएब माओवादी स्थायी समिति सदस्य देव गुरुङ जानकारी देलनि । माओवादी नेता गुरुङ एमाले केने निर्णय आ व्याख्या सन्तोषजनक नै भेलास तत्काल सरकारमे जाएके औचित्य नै रहल बतोलनि ।
दु दलक अध्यक्षबीच भेल सात बुँदे सहमतिके पुनव्र्याख्या भगेलास एमाले स्पष्ट निर्णय लेबय नै सकल कहैत माओवादी असन्तुष्टि जनोलक अछि ।

सबारी साधनसब आइ दोसर दिन सेहो ठप्प

जनकपुर, फागुन १२ । जनकपुर जटहीमे चलयबला सबारी साधनसब आइ दोसर दिन सेहो ठप्प रहल अछि ।

जटहीस जनकपुर आबिरहल बसस एक गोट यात्रु रुपैठा चौकप उतरय काल घाइल भ इलाजक क्रममे मृत्यु भेला बाद स्थानिय बासीसब बितल २ दिनस जनकपुर जटही सडक खण्ड अबरुद्ध क सबारी साधन आबागमन ठप्प केने अछि ।

बितल मँगलदिन जटहीस जनकपुरदिस आबिरहल ज १ ख ४९१ नम्बरक बसस देवपुरा रुपैठामॆ स्थानिय उपेन्द्र मिश्र उतरय काल बसस पिचाक घाइल भेल छलथि । घाइल मिश्रके वायह दिन इलाजक क्रममे मृत्यु भेल छल ।

मृत्यु भेल बिरोधमे मृतकके क्षतिपुर्ति दोषी चालकके कारबाही सहितक माँग रखैत स्थानियबासी सब बितल २ दिनस जनकपुर जटही सडक खण्डमे चलयबला सम्पुर्ण सबारी साधनके चलयस रोक लगबैत बाट अबरुद्ध केने अछि ।

नेपाल डिफेन्डिङ च्याम्पीयन हङकङसँग खेलत

काठमाडौं, फागुन १२ । कुवेतमे जारी एसीसी महिला ट्वान्टी-ट्वान्टी क्रिकेट प्रतियोगिताके सेमिफाइलनमे नेपाल आई डिफेन्डिङ च्याम्पीयन हङकङसँग प्रतिस्पर्धा करय लागल अछि ।
खेल दुपहरमे हुवरा क्रिकेट मैदानमे हाएत । नेपाल समुह ‘बी’ के विजेता अछि त हङकङ समुह ‘ए’ के उपविजेता अछि ।
महिला अन्तराष्ट्रिय क्रिकेटमे हंङकङसँग नेपालक ई पाँचम भेट अछि । अहिस आगु ४ मेस तीन खेलमे नेपाल बाजी मारने छल । प्रशिक्षक अरुण अर्याल प्रतिद्वन्द्वीके कमजोर समझिकऽ गल्ती नै करब बतौलनि ।

घर घुरिरहल एक गोटेस अज्ञात समुह केलक लुटपाट

सिरहा, फागुन १२ । सिरहाक लहानस घर घुरिरहल एक गोटेस अज्ञात समुह बितलराति लुटपाट केलक अछि ।

लहानस असनपुर ९ अपन घर घुरिरहल राम बाबु यादबके बितलराति अज्ञात समुह लुटपाट केलक अछि । पुर्ब पश्चिम राजमार्ग अन्तर्गत कसाहा लग अज्ञात समुह यादब चढल स २ प ७०९६ नम्बरक मोटरसाइकल मोबाइल २ थान आ नगद ११ हजार नगद लुटपाट केने पुलिस जनौलक अछि ।

अग्गिलग्गि भेलास एक गोटेके मृत्यु

सिरहा, फागुन १२ । सिरहाके पिपरा करहरबामे १ मे बितल राति अग्गिलग्गि भेलास एक गोटेके मृत्यु भेल अछि त लाखौके क्षति भेल अछि ।

स्थानिय सुखन मियाँके घरस पसरल आगिस ओतुक्का १३ टा घर जरिक नष्ट भेल पुलिस जनौलक अछि । ओ अगिलगिमे परि सुखन मियाँके १० बर्षक बेटा सद्धाम मोहम्मदके जरिक मृत्यु भेल अछि ।

अगिलगिस करिब १० लाख बराबरके क्षति भेल पुलिसक अनुमान अछि ।

राज्य पुनःसंरचना आयोग गठनमे विवाद

काठमाडौं, फागुन १२ । दलसबबीच राज्य पुनःसंरचना आयोग गठन करयके कि नै करयके बिषयमे विवाद भेल अछि ।
नेपाली काङ्ग्रेस संवैधानिक व्यवस्था अनुसार तत्काल आयोग गठन क राज्यसबहक बाँटबखरा करयके अडान रखने अछि । एकीकृत नेकपा माओवादी संविधान जारी करयके समय छोट भेलास आयोग बनाबयदिस नै लागि कऽ संविधान संसोधन करयपरत प्रस्ताव केलक अछि ।
संसदीय दलका नेता रामचन्द्र पौडेल तत्काल राज्य पुनःसंरचना आयोग गठन क शान्ति प्रक्रियाके पूरा करऽ परत बतौलनि अछि ।
एकीकृत नेकपा माओवादी संविधान जारी करयके समय बहुते कम भेलास आयोग बनाकऽ आगु बढलास समयमे संविधान जारी होबय नै सकत बतोलक अछि । समय छोट भेलास आयोग गठन करयस निक संविधान संसोधन केनाई रहल माओवादीके प्रस्ताव अछि ।
माओवादी लोकेन्द्र विष्टमगर सभापति रहल राज्य पुनःसंरचना समिति अन्तर्गत गठित हितमान शाक्य संयोजकत्वके उपसमिति पेश केने १४ संघीय राज्यके प्रस्तावके मान्यता देबय परत बतबैत आबिरहल अछि । ओ प्रस्ताव राज्य पुनःसंरचना समितिस बहुमतस पारित भ चुकल अछि ।
आयोग गठनक विषयमे दलसबबीच सहमति होबय नै सकलास संविधानसभा राज्यके पुनःसंरचना सम्वन्धी समितिके प्रतिवेदन सवैधानिक समितिमे पठाबय नै सकल अछि ।

प्रधानमन्त्रीके रात्रिभोजमे ओली नै गेलथि

काठमाडौं, फागुन १२ - प्रधानमन्त्री चयन भेल अवसरमे शुभकामना आदानप्रदाद करय एमाले अध्यक्ष झलनाथ खनाल बालुवाटारमे पार्टी केन्द्रीय नेता, सभासद सहितके रात्रिभोज देने छथि ।
बितल साँझ करिब तीन घन्टा चलल भोजमे पार्टीक वरिष्ठ नेता तथा पूर्वप्रधानमन्त्री माधवकुमार नेपाल, अधिकांश केन्द्रीय नेता, सभासद, सल्लाहकार समूह, पार्टी कार्यालयके कर्मचारी सहितक सहभागी छल ।
स्थायी समिति सदस्य केपी ओली नै गेलथि । सहभागी एक नेताक अनुसार ओ दोसर कार्यक्रम पहिनेही तय भेल जानकारी देने छलथि । बितल सप्ताह प्रधानमन्त्री निवास गेल समय भितर नै जाए देलाबाद ओली बालुवाटार नै जाएके बतादेने छलथि । ओकरबाद ओ ओइठाम नै गेल छथि ।

मुख्य तीन दलक बैसार बैसरहल

काठमाडौं, फागुन १२ । शान्तिप्रक्रिया आ सरकारके पूर्णता देबयके बिषयमे बिमर्श करय मुख्य तीन दलक शीर्ष नेतासबहक बैसार आइ बेरियामे बैसय लागल अछि । एकीकृत नेकपा माओवादी, नेपाली काङ्ग्रेस आ नेकपा एमालेक शीर्ष नेतासबहक बैसार बेरियाके ३ बजे सिंहदरबारस्थित शान्ति मन्त्रालयमे बैसय लागल अछि ।
बैसारमे सेना समायोजन आ पुनःस्थापना सहितक विषयमे सेहो बिमर्श हाएत नेतासब बतोलनि अछि । नेपाली काङ्ग्रेसक संसदीय दलक नेता रामचन्द्र पौडेल माओवादी जनसेना विशेष समिति मातहत अबितो ओकर व्यवहारिक कार्यान्वयन नै भेल विषयमे बात उठाएब जानकारी देलनि ।
माओवादी एमालेसँग भेल सात बुँदे सहमति कार्यान्वयनमे जोड देबय लागल अछि । सरकार गठनक आधार सात बुँदे सहमतिए भेलास ओकर कार्यान्वयन करैत सरकारके पूर्णता देबय परत स्थायी समिति सदस्य देव गुरुङ जानकारी देलनि ।
प्रधानमन्त्रीक राजनीतिक सल्लाहकार पुरुषोत्तम पौडेलक अनुसार बैसार मन्त्रिपरिषदके पूर्णता देबयके तथा शान्ति आ संविधानके निष्कर्षमे पहुँचाबयके विषयमे बिमर्श हाएत । एमाले केन्द्रीय समिति बैसारस काङ्ग्रेस सहितक सब दलके समेट क सरकारके राष्ट्रिय सहमतिके स्वरुप देबयके निर्णय केलास शीर्ष बैसारमे वायह विषय प्राथमिकता पाओत बताओलगेल अछि ।

Wednesday, February 23, 2011

गृह मन्त्रालय प्रधानमन्त्री राखि कऽ मन्त्रिमण्डल विस्तारक तयारीमे

काठमाडौं, फागुन ११ । प्रधानमन्त्री झलनाथ खनाल गृह मन्त्रालय अपनेसँग राखि कऽ मन्त्रिमण्डल विस्तारके तयारी करहल एमालेक एक बरिष्ठ नेता दाबी कएलनि अछि ।
खनाल निकट एमाले सचिव यूवराज ज्ञवाली गृहमन्त्रालय प्रधानमन्त्री अपनेसँग राखियोक आब जल्दिए सरकारके पूर्णता देताह दाबी कएलनि ।
कांग्रेस सहितक दलसब दु दलीय अधिनायकबाद लादयके प्रयास भेल कहि केने टिप्पणी प्रति लक्षित करैत ज्ञवाली संसदीय प्रक्रियास बनल सरकार अधिनायकबाद लादत कहनाइ संसदीय ब्यवस्थाके अविश्वास केने ठहरत ज्ञवालीके कहब छलनि ।
माओवादी अध्यक्ष पुष्पकमल दाहाल आ एमाले अध्यक्ष झलनाथ खनालबीच भेल सात सुत्रिय सहमतिस ध्रुविकरणस बेसी सहमतिक बाट खोल्ने ज्ञवालीक जिकिर छलनि ।
सात सुत्रिय सहमतिअनुसार अपनाके गृह मन्त्रालय भेटबाक चाही माओबादीक दाबी अछि । मुदा लडाकु आ हतियार रहल दलके सुरक्षासम्बन्धि मन्त्रालय देबय नै मिलत कहैत एमाले माओवादीक दाबीके अस्वीकार केलक अछि ।

एमालेके व्याख्या सहमतिक भावना अनुसारः बस्नेत

काठमाडौं, फागुन ११ । एकीकृत नेकपा माओवादीक नेता शक्ति बस्नेत एमालेके केन्द्रीय कमिटी केने सात सुत्रिय सहमतिके ब्याख्या ओइके भावना अनुकुले भेल बतौलनि अछि ।
आइ राजधानीमे आयोजित कार्यक्रममे एमाले केन्द्रीय कमिटी अनुमोदन केने सहमति कार्यान्वयन कक सरकारके पूर्णता देबय परत बतौलनि ।
माओवादी पोलिटब्युरो सदस्य बस्नेत सहमतिके ब्याख्या बादक अवस्थास सरकारके पूर्णता देबाक आ मन्त्रालय बाँटफाटके विषय पैघ विषय नै भेल बतोलनि ।
ओ सुरक्षा सम्बन्धी मन्त्रालय माओवादीके नै देबयबलामे तर्क कएलगेल त ओहन सर्त कोनो हालतमे स्विकार नै हाएत स्पष्ट कएलनि ।

एमाले नेतासबके प्रधानमन्त्रीक रौतका भोज

काठमाडौं, फागुन ११ । प्रधानमन्त्री झलनाथ खनाल आइ पार्टी नेतासबहक लेल रात्रिभोजक आयोजना कएलनि अछि ।
साँझ पाँच बजेके बाद प्रधानमन्त्रीके निवास बालुवाटारमे होबय लागल रात्रिभोजके लेल एमाले केन्द्रीय कमिटीक सदस्य, सभासद आ पार्टी सल्लाहकार कमिटीक सदस्यसबके नौता देलगेल अछि ।
प्रधानमन्त्रीक सहयोगी पुरुषोतम पौडेल प्रधानमन्त्रीमे निर्वाचित भेल उपलक्ष्यमे पार्टी नेतासबहक लेल रात्रिभोजक आयोजना कएलगेल जानकारी देलनि ।

शोक प्रस्ताव पारित कक सम्पन्न भेल आजुक संसदक बैसार

काठमाडौ, फागुन ११ । शोक प्रस्ताव पारित करैत व्यवस्थापिका संसदक आजुक बैसार सम्पन्न भेल अछि ।
माओवादी सभासद् गौरिशंकर खड्काके निधनप्रति संसदमे शोक प्रस्ताव पारित कएलगेल अछि । सभासदसब एक मिनेट मौन धारण केने छलथि । झापा क्षेत्र नम्बर २ स निर्वाचित ५२ वर्षक खड्काके क्यान्सर रोगके इलाजक क्रममे फागुन ९ गते भिन्सर बी एण्ड बी अस्पतालमे निधन भेल रहनि ।
आजुक बैसारमे भ्रष्टाचार विरुद्धके संयुक्त राष्ट्र संघीय महासन्धीमे बिमर्श करयके आ ओइके अनुमोदन करयके कार्य सूचि रहल छल । शोक प्रस्ताव पारित केलाबाद कोनो एजेण्डमे बिमर्श नै करयके प्रचलन बमोजिम कार्य सूचिस हटाओलगेल छल । संसदके अगिला बैसार काल्हि १ बजे बैसत ।

बाराकेँ सम्पूर्ण सरकारी कार्यालय वन्द

बारा, फागुन ११ । कर्मचारी हत्याक विरोधमे बाराक सम्पूर्ण सरकारी कार्यालयसभ अनिश्चितकालकेलेल बन्द कएलगेल अछि।
मालपोत कार्यालयक नायबसुब्बा माधव थापाके काँल्हि साँझ हत्या भेलाक बाद जिल्लाक कर्मचारी संघ संगठनसभ सरकारी कार्यालय बन्द करबैत आन्दोलनमे उतरल अछि । ओसभ जिल्ला प्रशासन कार्यालयके गेट आगु थापाके शव राखि धर्ना करहल अछि । कर्मचारीके सुरक्षाक ग्यारेन्टी करयके,, थापाके हत्याराके तत्काल गिरफ्तार कऽ कडा कारबाही करयके, मृतक परिवारके राहत उपलब्ध कराबके माँग करैत कर्मचारीसभ आन्दोलनमे उतरल अछि।
घरमे टेलिभिजन देख रहल समय थापाके हतिरधारी समूह गोली प्रहार ककऽ हत्या कएने छल। हत्याक जिम्मा अखिल तराई मुक्ति मोर्चा नामक भुमिगत समूह लेने अछि।

एमालेक निर्णय अस्पष्ट : माओवादी

काठमाडौं, फागुन ११ । एकीकृत नेकपा माओवादी सात बुँदे सहमति सन्दर्भमे स्पष्ट धारणा सार्बजनिक करयके लेल नेकपा एमालेस आग्रह केलक अछि। सात बुँदे सहमति सन्दर्भमे एमाले केन्द्रीय समितिक बैसारके निर्णय अस्पष्ट रहल माओवादीक निष्कर्ष अछि।
नेकपा एमालेक शीर्ष नेतासभसँग आइ भिन्सर सिंहदरबारमे भेल विमर्शमे माओवादी नेतासभ केन्द्रीय समितिक बैसारक निर्णय बारे चाँखि रखने छलथि । एमाले अध्यक्ष समेत रहल प्रधानमन्त्री झलनाथ खनाल बैसारके निर्णय सन्दर्भमे जानकारी करओने छलथि।
माओवादी अध्यक्ष पुष्पकमल दाहाल ‘प्रचण्ड’ एमाले नेतासभ केन्द्रीय समिति बैसारके निर्णयके अपना अनुकुल व्याख्या करैत प्रचारबाजी केने कहैत असन्तुष्टि जनओने छलथि ।
विमर्शकेबाद एकीकृत नेकपा माओवादीक उपाध्यक्ष नारायणकाजी श्रेष्ठ ‘प्रकाश’ काल्हि स्थायी समिति बैसार बसि कऽ पार्टीके धारणा तय कएल जाएत जानकारी देलन्हि अछि।
बैसारमे माओवादीक तर्फसँ अध्यक्ष प्रचण्ड, उपाध्यक्षद्वय मोहन वैद्य ‘किरण, डा. बाबुराम भट्टराई सहभागी छलथि तऽ एमाले तर्फसँ प्रधानमन्त्री खनाल, बरिष्ठ नेता माधबकुमार नेपाल आ महासचिब ईश्वर पोख्रेल सहभागी छलथि ।

Tuesday, February 22, 2011

मोडल सुजाता ३

मोडल सुजाता २

मोडल सुजाता १

मोडल सुजाता

सात सुत्रिय भङ्ग हाएत त कांग्रेस सरकारमे जाएत - महत

काठमाडौं, फागुन १० । नेपाली कांग्रेसक नेता डा. रामशरण महत कहलन्हि अछि जे माओवादी आ एमालेबीचक सात सुत्रीय सहमति भङ्ग भेल तऽ कांग्रेस सरकारमे जा सकैत अछि।
सात सुत्रीय सहमतिक संशोधन मात्र कांग्रेसके मान्य नई अछि उल्लेख करैत कांग्रेससँगक सहकार्यकेलेल ओहिके भङ्ग कऽकऽ नव सम्झौता करब जरुरी छैक महत बतओलन्हि अछि।
राजधानीमे आई एकटा कार्यक्रमकेँ सम्बोधित करैत महत ई बात बतओलन्हि अछि।
दुनु दल बीचक सात सुत्रीय सहमति भङ्ग कऽकऽ नव सम्झौताके सँग आगु बढलगेल तऽ काँग्रेस एखनुक सरकारमे सहभागि भऽ सकैत अछि हुनकर कहब छलन्हि।
सात सुत्रीय सहमतिमे बाम ध्रुविकरण करक,लडाकुके अलग फोर्स गठन करक उद्देश्यसभ अन्तर्निहित रहल कहैत एहि प्रकारक सहमति कांग्रेसके अस्वीकार्य अछि महत बतओलन्हि।
दु पार्टी बीचक सहमतिके कोनो अर्थ नई अछि उल्लेख करैत सेना समायोजन काज विशेष समतिके छैक महत उल्लेख कएलन्हि अछि।

सात सुत्रीय संशोधन करय चाहत त सहमति भङ्ग हाएत - गुरुङ

काठमाडौं, फागुन १० । सात सुत्रीय सहमति संशोधन कएलगेल तऽ माओवादी आ एमाले बीचक सहमति भङ्ग भऽ जएतैक एकिकृत नेकपा माओवादीक नेता देव गुरुङ्ग चेतावनी देलन्हि अछि।
राजधानीमे आई एकटा कार्यक्रमके सम्बोधित करैत एकतर्फी ईच्छा अनुसार कोनो हालतमे सम्झौता संशोधन नइ हएतैक गुरुङ्ग दावा कएलन्हि अछि।
सम्झौताक भाषा आओर परिस्कृत कएल जा सकैत अछि गुरुङ्गक कहब छलन्हि।
सम्झौताक मूल मर्म आ भावनाकेँ विस्थापित कऽकऽ कोनो प्रकारक संशोधन नई भऽ सकैत अछि ओ स्पष्ट कएलन्हि अछि।
सेना समायोजन नई भेलाक कारणेँ सुरक्षा मन्त्रालय माओवादीके नई देबक तर्क कएल गेल तऽ माओवादी सरकामे सहभागी नइ हएतैक गुरुङ बतओलन्हि अछि।एहि अवस्थामे बाहर रहि कऽ समर्थन करक नीतिके विषयमे सेहो सोँचबालेल माओवादी वाध्य हएतैक हुनकर कहब छलन्हि।

प्रतिष्ठानमे लागल ताला खुजल

धरान, फागुन १० - बीपी कोइराला स्वास्थ्य विज्ञान प्रतिष्ठानमे बितल ६ दिनस लागल तालबन्दी आइ बेरियास खुजल अछि । व्यवस्थापन पक्ष आ आन्दोलकारी पक्षवीच ४ सुत्रिय सहमति भेलाबाद तालाबन्दी खुजल अछि । तालाबन्दी खुजलाबाद प्रतिष्ठानक प्रशासनिक कार्य सुचारु भेल अछि ।
कर्मचारी कल्याण मञ्च, नर्सिङ कल्याणकारी कमिटि आ हेल्थ प्रोफेसनल स्वास्थ्य प्राविधिक कमिटि सम्बद्ध कर्मचारीसब विभिन्न माँग राखि उपकुलपति प्रा.डा. पुर्णचन्द्र कर्माचार्य, शिक्षाध्यक्ष प्रा.डा. रुपासिं राजभण्डारी, रजिष्ट्रार नन्दकुमार थापा आ अस्पताल निर्देशक प्रा.डा. बलभद्रप्रसाद दासके कार्यकक्षमे तालाबन्दी केने छल ।

अदालत कहलक जे गोधरा कांड एकटा साज़िश

अहमदावाद, फागुन १० । भारतक अहमदावादक एकटा विशेष अदालत गोधरा रेल कांडके षडयन्त्र प्रमाणित करैत एहि मामलाक बिभिन्न आरोपीमेसँ ३१ गोटेके दोषी ठहरओलक अछि।
तहिना अदालत ६३ टा अभियुक्तके रिहा करक आदेश देलक अछि।
एहि मामलाक मुख्य अभियुक्त हुसैन उमरके सेहो अदालत रिहा करक आदेश देलक अछि।
२७ फरवरी २००२ के साबरमती एक्सप्रेसक एकटा डिब्बामे आगि लगाबक आरोपमे गिरफ्तार अभियुक्तसभक विषयमे अदालत आई ई फैसला कएलक अछि।
एहि घटनामे ५९ आदमीके मृत्यू भऽगेल रहैक जाहिमे अधिकांश अयोध्यासँ घुरि रहल हिंदू कार सेवक छल।
दोषीके सजायक विषयमे अदालत अगामी शुक्रदिन अपन फैसला सुनाओत।
अदालतक फैसलाके विषयमे अपन प्रतिक्रिया दैत भारतीय जनता पार्टीक प्रवक्ता प्रकाश जावेडकर कहलन्हि अछि जे एहि घटनाके सम्बन्धमे भाजपाक धारणा सहि छल।
पूर्व नियोजित षडयन्त्रके स्वरुप सावरमती एक्सप्रेसमे आगि लगाओलगेल रहैक भाजपा कहैत आबि रहल छल।
फैसलाक गंभिरताके देखैत गुजरातक सुरक्षा व्यवस्था कडा बनाओलगेल अछि।

भक्ताके उक्सौलापर हत्या

दमौली, फागुन १० । तीन गोटे पडोसीके खुर्पी प्रहार क हत्या केने तनहुँके व्यास-१० मालपोत लाइनके दिविङ राना भक्ताके उक्सौला पर अपने हत्या केने पुलिस समक्ष बयान देलक अछि ।
रानाके बयानके बाद पुलिस जामुने १ निवासी भक्ता बलसुर थापाके नियन्त्रणमे ल अनुसन्धान सुरु केलक अछि । भक्ता थापा राना लगौने आरोप अस्वीकार केलक अछि । पुलिस हिरासतमे रहल भक्ता थापा अपने सामान्य फूकफाक कक इलाज केने मुदा पडोसीसबके डाइनके आरोप नै लगौने बतौलक अछि । अहि विषयमे थप अनुसन्धान भरहल पुलिस जनौलक अछि ।
हत्यामे संलग्न रानाके परिवार रानाके किछ समय एम्हरस मानसिक स्थिति ठिक नै रहल पुलिस समक्ष वतौलक अछि ।
राना काल्हि अपन पडोसी ६० बर्षक दिलबहादुर सापकोटा, हुनक कनिया ५५ बर्षक यशोदा आ ६० बर्षक टिकाराम श्रेष्ठके खुर्पी प्रहार कक हत्या केने छल । ओकर आक्रमणमे परि गम्भीर घाइल भेल श्रेष्ठके कनिया पार्वतीके पश्चिमाञ्चल अस्पतालमे इलाज भरहल अछि ।

राप्रपा नेपालक अध्यक्ष थापाके मातृशोक

काठमाडौं, फागुन १० । राष्ट्रिय प्रजातन्त्र पार्टी नेपालक अध्यक्ष कमल थापाके मातृशोक परल छन्हि । थापाके माय विष्णु कुमारीके आइ ८२ वर्षक उमेरमे निधन भेल अछि ।
मधुमेह,, रक्तचाप सहितक रोगस पिडित विष्णुकुमारीके विरेन्द्र सैनिक अस्पताल छाउनीमे इलाजक क्रममे निधन भेल अछि ।
राप्रपा नेपालक अध्यक्ष थापाके तीन भाई छन्हि । जर्नेल नेत्रबहादुर थापा आ अखिल नेपाल फुटबल संघ एन्फाक अध्यक्ष गणेश थापा छथि ।

सात सुत्रिय खारेज हाएत त काग्रेस सहकार्य करय तयारः कोइराला

जनकपुर, फागुन १० । नेपाली काङ्ग्रेसक सभापति सुशील कोइराला सात बुँदे सहमति परिमार्जन नै भ खारेज होबय परत बतौलनि अछि ।
नेकपा एमाले सात सुत्रिय सहमति परिमाजर्नके गृहकार्य करहलास काङ्ग्रेस सभापति कोइराला ओइके खारेज करय परत बतौलनि अछि । जागरण अभियानक क्रममे आइ कपिलवस्तु सदरमुकाम तौलिहवा पहुँचल कोइराला साचारकर्मीसँग बातचित करैत कोइराला सहमति परिमार्जन नै खारेज करय परत आ ओइके बाद काग्रेस सहकार्य करय तयार रहल बतौलनि । ओ माओवादी आ एमालेक अध्यक्षसबबीच भेल सात सुत्रिय सहमति अन्तरिम संविधानके मर्म आ भावना विपरित भेलास ओ खारेज नै होबयधरि कांग्रेस सरकारमे जाएके नै सोचत बतौलनि ।

भारत शान्ति प्रक्रिया भँगाडयके प्रयासमे - प्रचण्ड

बर्दिया, फागुन १० । एकीकृत नेकपा माओवादीक अध्यक्ष पुष्पकमल दाहाल ‘प्रचण्ड’ भारत सहितक देशी विदेशी शक्तिसब नेपालमे संविधान बनय नै देबयके आ शान्ति प्रक्रिया भँगाडय लागि परल आरोप लगौलनि अछि ।
बर्दिया माओवादीद्धारा जनयुद्धके माइतीगाउँ सोरहवा-२ जगतियामे आइ आयोजित जमघटके सम्बोधन करैत प्रचण्ड कहलनि जे - ‘जनताके संविधान बनय नै देबय आ शान्ति कायम होबय नै देबय भारत सहितक विदेशी दलाल आ प्रतिक्रियावादी तत्वसब षड्यन्त्र क चुकल अछि, ओइस अपनसबहक स्वाभिमान आ राष्ट्रियता संकटमे परिरहल अछि ।’
ओ विदेशी दलाल आ चाकडी कक बैसय चाहबलाके तत्व देशमे स्थापित होयबाक खतरा बढल कहैत जनताके आन्देालनमे उतरय परत बतौलनि ।
माओवादी अध्यक्ष प्रचण्ड विदेशीकै इशारामे चलयबला राजनीतिक दलसबहक कारण सरकार गठनमे अबेर भरहल बतौलनि ।
अहिस आगु शहिद तथा बेपत्ता परिवारसँगके साक्षात्कारमे माओवादी अध्यक्ष प्रचण्ड अपन समर्थनमे बनल एमालेके सरकार रहबे करत त सहिद बेपत्ता परिवारके १० लाखके दरस राहत उपलब्ध कराबयके प्रतिबद्धता व्यtm कएलनि ।

थाना पर पथ्थरवाजी, पुलिस फायरिङ्गमेँ युवक घाइल

भभुआ, फागुन १० ।
बिहारक कैमुर जिल्लकेँ मोहनियामेँ एकटा व्यवसायीकेँ हत्याक विरोधमे थानापर पथराव आ आगजनीकेँ घटनाकवाद पुलिसक फायरिङ्गमे एक युवक गम्भीर घाइल भेल अछि तऽ आन्दोलनकारी तीनटा पुलिसक जीप आ एकटा बारुण यन्त्रमे आगजनी कएलक अछि ।
पुलिसक अनुसार सुनील जायसवालकेँ सोमराति किछ अपराधिसभ गोलि मारि कऽ हत्या कएने अछि । हत्याक विरोधमे मंगलदिनकेँ गामवासी पहिने थानापर पथ्थरवाजी कएलक ताहिकेँवाद शेरशाह सूरी मार्गके जाम कएने छल । घटना स्थपर पर पहुँचल पुलिस वलकेँ देखते गामवासीसभ उग्ररुप लेने छल तथा थाना पर पथ्थरवाजी करयकेँ संगे वारुण यन्त्रमे आगजनी कएने छल ।
गामवासी थानाकेँ भितर प्रवेश कऽ फर्नीचर तोडयकेँ संगे कागजपत्र सेहो जरा देने अछि । अहिकेँवाद पुलिस भीडकेँ तितरवितर करवाकलेल फायरिंग कएने छल जाहिमे एकटा युवक गम्भीर घाइल भेल अछि । घाइल युवककेँ स्थानीय अस्पतालमे उपचार भऽ रहल अछि । घटना स्थल पर भारी संख्यामे पुलिस वल वजाओल गेल अछि ।

सातबुँदे सहमति अनुमोदन करय एमाले केन्द्रीय समितिके बैसार जारी

काठमाडौ, फागुन १० - सातबुँदे सहमतिबारे पार्टी भितरके विवाद अन्त्य करैत शान्ति आ संविधानक मूल मर्म अनुरुप कार्यान्यवन करयके प्रस्तावके अनुमोदन करय एमाले केन्द्रीय कमिटिक बैसार आइ जारी अछि ।
अध्यक्ष झलनाथ खनाल माओवादीसंग केने सातबुँदे सहमति संस्थागत करय केन्द्रीय कमिटिक बैसार बैसल अछि ।

मोटर साइकल दुर्घटनामे चारि युवककेँ मृत्यु

जनकपुरधाम, फागुन १० ।
सप्तरी , पर्सा आ मोरंगमे आइ भिन्सर भेल मोटरसाइकल दुर्घटनामे चारि युवककेँ मृत्यु भेल अछि तऽ एक गोटे गम्भीर घाइल भेल अछि । बीरगन्ज पथलैया सडक खण्ड अन्तर्गत वाराकेँ परवानी पुरमे आइ भिन्सर मोटरसाइकल दुर्घटना भेला सँ दुगोटे युवककेँ घटना स्थलेपर मृत्यु भेल अछि । हरिखेतान बहुमुखि क्याम्पसकेँ तीनगोटे विद्यार्थी चढल ना १४ प २४२५ नम्वरकेँ मोटरसाइकलकेँ विपरित दिशा सँ आवि रहल ना ३ ख ३४१४ नम्वरकेँ ट«क ठक्कर देला सँ मोटरसाइकलपर सवार जितु चौधरी आ अजय चौधरीकेँ मृत्यु भेल अछि ।
हुनकासभकेँ संग मोटरसाइकलपर सवार संदीप ठाकुर गम्भीर घाइल भेल जिल्ला प्रहरी कार्याल पर्सा जनौलक अछि । गम्भीर घाइल ठाकुरकेँ वीरगन्ज स्थित नारायणी उपक्षेत्रीय अस्पतालमे उपचार भऽ रहल अछि । ट«क सहित चाललकेँ अस्थायी प्रहरी पोष्ट गण्डक नियन्त्रणमे लेने अछि ।
अहिना पूर्व पश्चिम राजमार्ग अन्तर्गत मोरंगकेँ डाँगिहाटमे आइ भिन्सर मोटरसाइकल दुर्घटना भेला सँ को ७ प ५७०० नम्वरकेँ मोटरसाइकल दुर्घटना भेला सँ पथरी गाविस १ केँ २२ बर्षीय जितेन्द्र पौडेलकेँ मृत्यु भेल अछि । भिन्सर पौने ६ बजे दिस नम्वर नहि खुजय सकल सवारी साधन ठक्कर देला सँ पौडेलकेँ मृत्यु भेल अछि ।
अहिना सपतरीक वरमझियामे बस सँ ठोकरयला सँ मोटरसाइकपर सवार एक गोटेकेँ मृत्यु भेल अछि । को ३ प १९२९ नम्वरकेँ मोटरसाइकलपर सवार पोर्ताहा १ मे बमबम गुप्ताकेँ घटना स्थलेपर मृत्यु भेल पुलिस जनौलक अछि ।
तहिना पूर्वपश्चिम राजमार्ग अन्तर्गत वाराकेँ चौधकिलोमे आइ भिन्सर यात्रुवाहक वस दुर्घटना भेला सँ चौध गोटे यात्री घाइल भेल अछि । घाइल मध्ये चारि गोटेकेँ अवस्था गम्भीर रहल अछि ।धनगढी सँ काकभिट्टा जा रहल ना ३ ख ४२७९ नम्वरकेँ वस तीव्र गतिक कारण दुर्घटना भेल जिल्ला प्रहरी कार्यालय वारा जनौलक अछि । घाइलसभकेँ नारायणी उपक्षेत्रीय अस्पताल वीरगन्जमे उपचार भऽ रहल अछि ।

हेल्थ क्लबस अवैध सामान बरामद

१० फागुन, वीरगन्ज । पर्साके वीरगन्ज आदर्शनगरमे रहल स्विमिङ पुलमे आइ भिन्सर अवैध समान भेटल अछि । वीरगन्ज उपमहानगरपालिकाके स्वामित्वमे रहल स्विमिङ पुलमे ट्वाईलेटके सीट आ केमिकल भेटल अछि ।
४ पाँच दिनस वीरगन्ज उपमहानगरपालिका कार्यालयसँगै रहल युवा हेल्थ क्लबमे आवतजावत बन्द करौलाबाद सुराकीके आधारमे समान बरामद भेल अछि । क्लबके हलस दु ट्रक ट्वाईलेटके सीट आ ९ टा ड्रममे रहल केमिकल भेटल अछि ।

नेपालक वाम दल साईनबोर्ड जेहन : उपेन्द्र यादव

१० फागुन, वीरगन्ज । मधेसी जनअधिकार फोरम नेपालक अध्यक्ष उपेन्द्र यादव नेकपा एमालेके अवसरवादी चरित्रस देश दुर्घटनामे फँसत चेतावनी देलनि अछि । एमाले भितरके किछ महत्वाकांक्षी नेतासबह कारण राजनीतिक गतिरोधस निकास पाबय नै सकल हुनक आरोप छलनि ।
बाराके कलैयामे आइ आयोजित पत्रकार सम्मेलनमे अध्यक्ष यादव वाम दलसब कम्युनिष्टके सिद्धान्त आ नामके बदनाम केने दावी कएलनि ।
‘अपनाके कम्युनिष्ट बताबयबलासब सत्ताके खेलमे लागिकऽ कम्युनिष्टके सिद्धान्त आ नामके बदनाम केने अछि ,’ओ कहलनि जे, ‘नेपालक बाम पार्टीसब साईन बोर्डस बेसी नै अछि ।’
माओवादी आ एमालेबीच भेल सात बुँदे गोप्य सम्झौतास देश आ शान्ति प्रकृयाके धरापमे पारत ओ चेतावनी सेहो देलनि । सेना समायोजनके ढाँचा बिशेष समिति तयार करय परत अपन पार्टीके धारणा रहल ओ जानकारी देलनि ।
अध्यक्ष यादव देशके निकास देबय कोनो दु दलबीच मात्रे नै भ वाम, लोकतान्त्रिक आ मधेशी दलसबहक संयुक्त मोर्चाके आबश्यक्ता रहल बतौलनि । माओवादी जनसेना बिशेष समितिमे अबितो चेन अफ कमाण्ड माओवादीएके मातहतमै रहल कहैत अध्यक्ष यादव आपत्ति जनोलनि ।
दु दिना युवा प्रशिक्षण कार्यक्रममे सहभागि होबय अध्यक्ष यादव बारा पहूँचल छथि । प्रशिक्षण कार्यक्रममे बारा, पर्सा आ रौतहटके क एक सय २५ गोटे युवासबहक सहभागिता रहल फेारमक केन्द्रीय सदस्य उमेशलाल दास बतौलनि अछि ।

भूकम्पस न्यूजिल्याण्डमे ६५ गोटेक मृत्यु

न्यूजिल्याण्ड, फागुन १० - न्यूजिल्याण्डमे ६ दशमलव ३ रेक्टर स्केलके भूकम्प ऐलास कमस कम ६५ गोटेके मृत्यु भेल अछि । दोसर पैघ शहर क्रिष्टचर्चमे आएल भूकम्पमे मरयबलाके संख्या बढय सकबाक अधिकारीसब जनोलक अछि ।
स्थानीय समय अनुसार दुपहर १२ बाजिकऽ १५ मिनेटमे आएल भूकम्पस सयौं भवन ढहिगेल अछि । प्रधानमन्त्री जोन कि कहलनि जे हम न्यूजिल्याण्डके अँन्हार भविष्य देखने छी ।
भूकम्पस सयौं गोटे पिचाएल अन्तर्राष्ट्रिय सञ्चारमाध्यमसब जनोलक अछि । भूकम्पके बाद न्यूजिल्याण्डके अन्तर्राष्ट्रिय उडान रद्द कएलगेल अछि । विजुली आ पिबयबला पानि सेहो अवरुद्द भेल अछि ।
क्रिष्टचर्चक मेयर बब पार्कर संटककाल घोषणा करयके माँग करैत सर्वसाधारणके शहरके केन्द्र खाली करय आहृवान केने अछि ।

Monday, February 21, 2011

नेतासबके गाउँ-गाँउस खिहारयके चेतावनी

९ फागुन, काठमाडौं । चुरेभावर राष्ट्रिय एकता पार्टी जेठ १४ गते भितरमे नयाँ संविधान नै बनत त नेतासबके गाउँ-गाँउस खिहारयके चेतावनी देलक अछि । थपल समय भितर संविधान निर्माण करयके बदला संविधानसभाके म्याद थपयके षडयन्त्र भरहल कहैत ओ एहन चेतावनी देलक अछि ।
आइ राजधानीमे पत्रकार सम्मेलन कक चुरेभावर जेठ १४ गते संविधान जारी नै हाएत त १५ गतेस राजधानीमे अपन २५ हजार शान्ति सेनाके उतारिकऽ आन्दोलन करब बतोलक अछि । संविधानसभाके म्याद फेउर थप काएल जाएत त देश गृहयूद्धमे जाएत कहैत चुरे भावर जेठ १४ मे संविधान बनय नै सकत त तत्काल ताजा जनादेशमे जाएके माँग सेहो केने अछि ।
पत्रकार सम्मेलनमे पार्टीक अध्यक्ष हिमालयन भक्त प्रधानाङ्ग पार्टी कारवाही केने सभासद केशव मैनालीके सभामुख सुवास नेम्वाङ्ग नै हटोलास असन्तुष्टि जनोलनि । तत्काल कारवाही नै हाएत त सिंहदरवार घेराउ करबाक चेतावनी दैत ओ कहलनि जे-’आब हमसब चुप लागिक नै बैसब । प्रतिकारमे उतरब ।’
पार्टीक वरिष्ठ उपाध्यक्ष एवम् शान्ति सेनाक कमाण्डर बाबु थापा संविधान नै बनाबयबला नेतासबके जेठ १५ गतेबाद गाउँ-गाँउस खिहारयके चेतावनी देलनि ।

पौडेल कहलनि - ‘सातबुँदे खारेज या खनालके राजिनामा देबय परत’

९ फागुन, काठमाडौं । नेपाली कांग्रेस संसदीय दलक नेता रामचन्द्र पौडेल दलसबबीच सहमतिके लेल माओवादी आ एमालेबीच भेल सातबुँदे सहमति खारेज या प्रधानमन्त्री झलनाथ खनालक राजिनामाके विकल्प आगु रखलनि अछि ।
सिंहदरवारस्थित कांग्रेस संसदीय दलक कार्यालयमे आइ सञ्चारकर्मीसबसँग बातचित करैत पौडेल एखुनक अवस्थामे दलसबबीच सहमति होबय नै सकत बतोलनि ।
एमाले-माओवादीबीच भेल सहमतिस देशमे फेर अधिनायकवादी घुराबय सकत कहैत ओ ओइके स्वीकारल नै जा सकैय बतोलनि ।
नेता पौडेल एखुनक अवस्थामे कांग्रेस कोनो हालतमे सरकारमे सहभागी नै हाएत प्रष्ट केलथि । शान्ति आ संविधान निर्माण प्रक्रियामे कांग्रेस सहयोगी भुमिका खेलत कहैत ओ कांग्रेस लोकतान्त्रिक संविधानक पक्षमे रहल बताओलनि ।
कांग्रेस लोकतान्त्रिक धुवि्रकरणके पक्षमे रहल कहैत कांग्रेस संसदीय दलक नेता पौडेल प्रजातन्त्रके पक्षमे कांग्रेस आन्दोलन करत जानकारी देलनि ।

मोटरसाईकल दुर्घटना एकको मृत्यु

९ फागुन, पोखरा । पोखरामे आइ भेल मोटरसाईकल दुर्घटनामे एक गोटेके मृत्यु भेल अछि । पोखरा- १ हरी चोकमे लु १० प ७१९ नम्बरक मोटरसाईकल बिजुलीके पोलमे ठोकराएलास चुवा- ५ पर्बत के २३ बर्षक प्रकाश क्षेत्रीके मृत्यु भेल अछि ।
दुर्घटनामे घाईल भेल क्षेत्रीके पश्चिमाञ्चल क्षेत्रिय अस्पतालमे इलाजक क्रममे मृत्यु भेल पुलिस जनोलक अछि । दुर्घटनामे घाइल भेल सुजन केसी इलाजक बाद घर घुरल अछि ।

नेपाल समुह ‘बी’के विजेता

९ फागुन, काठमाडौं । नेपाल, कुवेतमे जारी एसीसी महिला टि-ट्वान्टी क्रिकेटके समुह ‘बी’के विजेता बनय सफल भेल अछि । अहिस आगुए सेमिफाइलनमे प्रवेश केने नेपाल आइ भेल समुह चरणके अपन चारिम खेलमे मलेसियाके ९ विकेटस पराजित केलक अछि ।
जितसँगै ४ खेलस आठ अंक जोडने नेपाल समुह विजेता बनल अछि । खेलमे मलेसिया प्रस्तुत केने ६९ रनक लक्ष्य नेपाल १४ ओभरमे १ विकेटक क्षतिमे पुरा केने छल । अहिस आगु हावरा क्रिकेट मैदानमे टस जित कऽ व्याटिङ केने मलेसिया निर्धारित २० ओभरमे ७ विकेटक क्षतिमे ६८ रन बनौने छल ।
मलेसियाके सस्तैमे समटयके क्रममे प्लेयर अफ दि म्याच रुविना क्षेत्री ३ तथा करुणा भण्डारी २ विकेट लेने छलिह । नेपाल पहिल खेलमे थाइल्याण्डके २१ रनस पराजित केने छल त दोसर खेलमे युएई उपर ८ विकेटस जितल छल । अहिना, तेसर खेलमे कुवेतके ४७ रनस पराजित केने छल ।

पार्टीबीचक झगडास देश संकटमे: रायमाझी

अर्घाखाँची, फागुन ९ - माओवादी स्थायी समिति सदस्य टोप बहादुर रायमाझी पार्टीबीचके आपसी झगडास देश गम्भिर संकटमे फँसय सकयके खतरा रहल बतोलनि अछि । अर्घाखाँचीके १७ हम् जिल्ला परिषदक उद्‌घाटन करैत ओ संविधान निर्माणस बेसी अपने पार्टीबीच समुहक राजनीतिमे बेसी सक्रिय रहल बतौलनि ।
ओ राष्ट्रियके समस्या समाधान, शान्ती आ संविधान निर्माणस बेसी के फाईदा लेत बिषयमे केन्द्रित भेलास झन्झट बढल बतौलनि ।
ओ सात बुँढे सम्झौता अनुसार एमाले कार्यन्यन नै केलास सरकार गठनमे अबेर भेल उल्लेख करैत झन्झट करत त माओवादी सरकारमे सामेल नै हाएत ओ बतौलन्हि ।
काँग्रेस केन्द्रीय सदस्य तथा सभाषद् पुष्पा भुसाल माओवादी आ एमालेके अदृश्य सम्झौता देशके लेल घातक भेल आरोप लगबैत सब दल एके ठाममे बसिकऽ सहकार्य नै करयधरि संविधान निर्माण होबय नै सकत बतौलिह ।
ओ सात बुँढे सम्झौता दु पार्टीके मुद्दा भेलास सम्झौता कोनो हालतमे सेहो काग्रेस मानय तयार नै भेल बतबैत अहिस देश खोज्ने सहमतीके माओवादी आ एमाले भंग कक शान्ति आ संविधानोस दु दलके सत्ता कब्जा करयके रणनीति भेलास काग्रेस प्रतिपक्षमे बसिकऽ जनताके आवाज उठाओत बतौलिह ।

माओवादी आ एमालेबीचक सहमति खतरनाक

९ फागुन, जनकपुर । नेपाल सदभावना पार्टीक कार्यबाहक अध्यक्ष विकास तिवारी कहलन्हि अछि जे, माओवादी आ एमालेबीचक सात सुत्रीय सहमति लोकतनत्र आ मधेश दुनुकेलेल खतरनाक अछि।
जनकपुरमे आई पत्रकारसभसँ बातचित करैत माओवादी आ एमालेबीचक सहमति देशके सर्वसत्तावाद तर्फ लऽ जएबाक षडयन्त्र रहल तिवारी उल्लेख कएलन्हि।सात सुत्रीय सहमतिमे संघीय लोकतान्त्रिक गणतन्त्रक स्थान पर मात्र संघीय गणतन्त्र उल्लेख करब दुनु दलक पैग षडयन्त्र रहल तिवारी दावा कएलन्हि अछि। एकटा दोसर प्रसङमे मधेशवादी दल सत्तावादी नीतिके कारण कमजोर भऽ रहल अछि हुनकर कहब छलन्हि।
मधेशके अधिकार सम्पन्न नइ होबए धरि मधेशवादी दलके सत्तामे नइ जएबाक वचन लेबक आवश्यक्ता छैक तिवारी बतओलन्हि।मधेशक मुक्तिलेल मधेशवादी दलबीच वैचारिक एकता पर ओ जोड देलन्हि अछि।

मातृभाषाक समृद्धिलेल एकटा आओर आन्दोलनक आवश्यकता पर जोड

९ फागुन, जनकपुर । मातृभाषाक समृद्धिलेल एकटा आओर आन्दोलनक आवश्यकता पर जनकपुरक विद्धत वर्ग जोड देलन्हि अछि।
अन्तराष्ट्रीय मातृ भाषा दिवसके अवसर पर जनकपुरमे आई आयोजित मैथिली मातृ भाषा आ भावि संविधान विषयक विचार गोष्ठीमे बजैत वक्तासभ ई बात बतओलन्हि अछि।
भुमिजा मानव अधिकार संघक अगुवाईमे आयोजित कार्यक्रममे भाषाके सुरक्षित करब राज्यक दायित्व छैक हुनकासभक कहब छलन्हि।
मैथिली भाषाके विकासलेल एकरा रोजगारीक भाषाके रुपमे विकास करबा पर वक्तासभ जोड देलन्हि अछि।
भाषा कोनो जाति विशेषके नइ होइत अछि उल्लेख करैत एक दोसरसँ मिल कऽ मैथिली भाषाके संरक्षण करबालेल ओ सभ आग्रह कएलन्हि अछि।
अपन पहिचान आ अस्तित्वकेलेल भाषा महत्वपूर्ण होइत अछि उल्लेख करैत मातृ भाषामे पाठ्य पूस्तकके निर्माण पर ओ सभ जोड देलन्हि अछि।
कार्यक्रममे एकिकृत नेकपा माओवादीक धनुषा जिला ईंचार्ज रोशन जनकपुरी,वरिष्ट पत्रकार राजेश्वर नेपाली,प्राज्ञ रमेश रंजन झा,जनकपुर वृहत्तर क्षेत्र विकास परिषदके अध्यक्ष दिगम्बर राय,पत्रकार रामभरत साह,नेकपा माओवादीक नेता फरमुद नदाफ,सभासद रामसरोज यादव,कृष्णा ठाकुर सहितक व्यक्तिसभ अपन अपन धारणा रखने छलथि।
२१ फरवरी कऽ संयुक्त राष्ट्र संघद्धरा घोषित अंतराष्ट्रीय भाषा दिवसके अवसर पर भुमिजा मानव अधिकार संघक आयोजनमे प्रत्येक वर्ष बिभिन्न कार्यक्रमके आयोजन कऽ मैथिली मातृ भाषा दिवस मनाओल जाति अछि।
मैथिली भाषाक समृद्धी, विकास एवम संरक्षणके उद्देश्यसँ मैथिली मातृ भाषा दिवस मनाओल जा रहल आयोजन समतिक संयोजक एवम भुमिजा मानव अधिकार संघक अध्यक्ष प्राध्यापक विजय दत्त जानकारी देलन्हि अछि।

अपने दलक नेतासब सरकार असफल करयके दुष्प्रयासमे - उपाध्यक्ष गौतम

काठमाडौ, फाल्गुन ९ - एमाले उपाध्यक्ष वामदेव गौतम दलक किछ नेतासब अध्यक्ष झलनाथ खनाल नेतृत्वके सरकार असफल करय लागि परल आरोप लगोलनि अछि । शान्ति आ संविधानक लेल माओवादी अध्यक्ष दाहालसँग भेल सात बुँदे गोप्य सहमतिके उल्टा व्याख्या क अपने दलक किछ नेतासब सरकार असफल बनाबयके दुष्प्रयास करहल दावा केलनि अछि ।
आइ सँचारकर्मीसबसँग बातचित करैत उपाध्यक्ष गौतम अन्तिम समयमे अध्यक्षसबबीच सहमति भेलास पार्टीमे बिमर्श करय नहि पौअने स्पष्ट केलनि । अध्यक्ष समेत रहल प्रधानमन्त्री खनाल दु बेरधरि सहमतिबारे स्पष्ट करितो नेतासब मानय तयार नै होनाइ दुखद भेल उल्लेख केलनि । काल्हि बैसय लागल केन्द्रीय कमिटि बैसारस सात बुँदे सहमति , गृह मन्त्रालय, मन्त्रीपरिषद विस्तार सहितक विषयमे पार्टी भितर भेल विवाद अन्त्य करयके दावी करैत ओ सहमति उपरके विवाद औचित्यहिन भेल टिप्पणी केलथि ।
प्रधानमन्त्रीके कार्य सम्पादनके लेल अर्थ, गृह, रक्षा मन्त्रालय सहितक महत्वपूर्ण मन्त्रालय अपन दलके भेटबाक चाही माँग जायज होइतो माओवादीके गृह देबाक नै चाही अडानमे एमाले नै रहल उपाध्यक्ष गौतम स्पष्ट केलनि ।

अजमल क़साबके मृत्युके सज़ाय कायमे

९ फागुन, मुंबई । महाराष्ट्रके बॉम्बे हाईकोर्ट मुंबईमें 26 नवंबरके हमलाके दोषी अजमल क़साबके मृत्युके सज़ायके पुष्टि केलक अछि । अहिस पहिने निचला अदालत क़साबके इ सज़ाय सुनौने छल ।
अहिके सँग हाई कोर्ट फ़हीम अंसारी आ सबा हुसैन शेख़के रिहा करयके निचला अदालतके फ़ैसलाके सही बतबैत अहिके कायमे रखलक अछि ।
अदालत अपन आदेश में कहने छैक जे क़साब आ अबू इस्माइल जाहि तरहस निर्दोष लोगके जान लेंलक ओ 'रेयरेस्ट ऑफ़ दी रेयर' के श्रेणीमें अबैत अछि आ ओइमे दयाके कोनो गुंजाइश नहिं अछि ।
कोर्ट क़साब आ अबू इस्माइलके पुलिस अधिकारी करकरे, सलास्कर आ कामटेके हत्याके ज़िम्मेदार मानलक अछि ।
अदालत कहलक अछि जे अहि हमलामें मासूम बच्चा आ महिलाके सेहो मृत्यु भेल छल आ हमलावर अत्यधिक क्रूरताके सुबूत देने छल. । अदालतके कहब छल जे 66 हत्याके दोषी क़साबके अपन अहि गल्ती पर नै अफ़सोस भेल आ नैहे पश्चातापके कोनो आभास भेल ।

पुलिस पत्रकारके लात मारलक

९ फागुन, काठमाडौं । ट्याङ्करके ठक्करस विद्यार्थी घाइल भेल समाचार संकलन करय काठमाडौंके चाबहिल पशुपति क्याम्पस पहुँचल सन्चारकर्मीउपर पुलिस दुव्र्यवहार केलक अछि ।
समाचार संकलनके लेल चाबहिल मित्रनगर पहुँचल टेलिभिजन आ छापा सन्चार माध्यमके पत्रकारसबके पुलिससब अन्धाधुन्ध लाठी प्रहार केने छल त कतेकौ पुलिससब लाते लात मारने पत्रकारसब जानकारी देलक अछि ।
पुलिस न्युज ट्वान्टीफोर टेलिभिजनके क्यामराम्यान नवराज श्रेष्ठ आ रिपोर्टर देवकी विष्ट, एभिन्युजके विजय रेग्मी, कान्तिपुरके फोटो पत्रकार निरन्जन श्रेष्ठ, गोर्खापत्रके विकास द्वारे, समाचारपत्रके सन्जोग मानन्धर आ राजधानीके द्वारीका काफ्लेसँग पुलिस दुव्र्यवहार केलक अछि । परिचय पत्र देखबैतो पुलिस दुव्र्यवहार केने हुनकासबहक उपराग अछि ।
ट्याङ्करके ठक्करस पशुपति क्याम्पसके विद्यार्थी घाइल भेलाबाद प्रदर्शनमे उतरल विद्यार्थीसबके पुलिस दमन केने छल । वायह समाचार संकलनके लेल पत्रकारसब मित्रनगर पहुँचल छलथि ।

माओवादी-एमाले शीर्ष बिमर्श निष्कर्षविहीन

९ फागुन, काठमाडौं । सात बुँदे सहमतिके विवाद आ मन्त्रिपरिषद विस्तारके विषयमे एकीकृत नेकपा माओवादी आ नेकपा एमालेक शीर्ष नेतासबबिच आइ भिन्सर भेल बिमर्श विना निष्कर्ष सम्पन्न भेल अछि ।
प्रधानमन्त्रीक कार्यालय सिंहदरबारमे भेल बिमर्शके बाद माओवादी महासचिब रामबहादुर थापा ‘बादल’ राजनीतिक गतिरोध अन्त्य करबाक विषयमे बिमर्श भेल जानकारी देलनि ।
अहिना, एमाले नेता केपी शर्मा ओली बिमर्शमे सात बुँदे सहमति परिमार्जन करयके प्रस्ताव अपने रखने जानकारी देलनि । ओ बिमर्शके निरन्तरता देल जाएत जानकारी देलनि ।
भिमर्शमे माओवादी अध्यक्ष पुष्पकमल दाहाल ‘प्रचण्ड’, महासचिब वादल तथा एमालेक अध्यक्ष समेत रहल प्रधानमन्त्री झलनाथ खनाल आ नेता ओली सहभागी छलथि ।

खुर्पी प्रहार क तीन गोटेके हत्या

९ फागुन, दमौली । तनहुँके दमौलीमे एक गोटे खुर्पी प्रहार क तीन गोटेके हत्या केलक अछि । ब्यास नगरपालिका १० मालपोत लाइनके २३ वर्षक देवेन राना मगर स्थानीय दिलबहादुर सापकोटा, हुनकर कनिया तुलसी आ टीकाराम श्रेष्ठके हत्या केलक अछि । खुर्पी प्रहारस घाइल पार्वती श्रेष्ठके पश्चिमान्चल क्षेत्रीय अस्पताल पोखरामे इलाज भरहल अछि । हत्याके बाद झोलुङ्गे पुलस सेतीमादी नदीमे कुदिकऽ काहुँ शिवपुर गाविस निकलल रानामगरके झापुटारस पुलिस नियन्त्रणमे लेलक अछि । हत्याके कारण खुजय नै सकल आ अनुसन्धान भरहल जिल्ला प्रहरी कार्यालय तनहुँ जनोलक अछि ।

सात बुँदे खारेज नै होबयधरि वार्ता नै हाएत : काङ्ग्रेस

९ फागुन, बाँके । नेपाली काङ्ग्रेस माओवादी आ एमाले बीच भेल सात बुँदे सहमति खारेज नै होबयधरि वार्ता आ बिमर्श नै करयके अडान लेने अछि ।
सात बुँदे सहमति राजनीति धोका भेल ठहर करैत काङ्ग्रेस कोनो बिमर्शमे सहभागी नै होबयके अडान लेने अछि । काङ्ग्रेस सभापति सुशील कोइराला आइ भिन्सर बाँकेके कोहलपुरमे आयोजित कार्यकर्ता भेटघाटमे कहलनि जे, ‘सात बुँदे सहमति राजनीतिक धोका अछि । ओ खारेज नै होबयधरि हमसब बुहपक्षीय वार्तामे नै बैसब ।’एकीकृत नेकपा माओवादी लग घुँटना टेक कऽ काङ्ग्रेस सरकारमे सहभागी नै हाएत ओ दोहरौलन्हि ।

Sunday, February 20, 2011

नेपालके लगातार तेसर जित

८ फागुन, काठमाडौं । कुबेतमे जारी एसीसी महिला ट्वान्टी-ट्वान्टी क्रिकेट प्रतियोगितामे नेपाल लगातार तेशर बेर जितलक अछि । जितसँगै नेपाल सेमिफाइलनमे पहुँचयके प्रायः निश्तिच अछि ।
समुह चरणके तीनु खेल जित्ने नेपाल ६ अंक सहित समुह बी के शीर्ष स्थानमे अछि । समुह चरणके अपन तेशर जित हात पारयके क्रममे नेपाल आइ कुबेतके ४७ रनस पराजित केलक अछि ।
नेपाल प्रस्तुत केने १ सय ४ रनक लक्ष्य पुरा करय कुबेत निर्धारित २० ओभरमे ९ विकेटक क्षतिमे ५६ रन मात्रे बनाबय सकल । कुबेतके सस्तैमे समटयके क्रममे प्लेयर आफ दि म्याच करुणा भण्डारी १० रन दक ४ विकेट लेलनि ।
अहिस आगु टस हारिकऽ ब्याटिङ केने नेपाल २० ओभरमे ४ विकेटक नोक्सानमे १ सय ३ रन बनौने छल । नेपालक लेल सरिता मगर २२ आ रश्मी शर्मा २० रन बनौलिह । नेपाल समुह चरणके अपन अन्तिम खेल काल्हि मलेसियासँग खेलत ।

सरकार जल्दिए पुर्णता पाओत – प्रधानमन्त्री खनाल

८ फागुन, पोखरा । प्रधानमन्त्री झलनाथ खनाल सरकार जल्दिए पुर्णता पाओत विश्वास व्यक्त कएलनि अछि ।
कतेक दिन भितर सरकार पुर्णता पाओत बिषयमे खनाल बताब नै चाहलथि । पोखरा विश्वविद्यालयके आठम दीक्षान्त समारोहमे सहभागी होबय आइ पोखरा पहुँचल खनाल पत्रकारसबसँग बातचित करैत बैज्ञानिक ढंगस मन्त्रालय बाँटफाट कएल जाएत बताएलनि ।
गृह मन्त्रालय माओवादीके देब कि नै देब पत्रकारक जिज्ञासमे ओ अखन देबय आ लेबयके अवस्था नै रहल बतबैत ओइके सही समाधान ताकल जाएत बतोलनि । प्रधानमन्त्री खनाल एकटा मन्त्रालयमे ओझराएके अवस्था नै रहल बतबैत शान्ति आ संविधानप्रति सबके गम्भीर होबय परत बतोलनि ।
ओ शान्ति आ संविधानके लेल राष्ट्रिय सहमति अनिवार्य भेल बतोलनि । प्रधानमन्त्री खनाल शान्ति आ संविधानके प्राथमिकता द क काम करबाक प्रतिवद्धता समेत व्यक्त कएलनि ।

भट्टराई आश्रममे माटिके धस्नामे परि तीन मजदुरके मृत्यु

काठमाडौ, फागुन ८ - पूर्व प्रधानमन्त्री कृष्णप्रसाद भट्टराईके ललितपुर बाडेगाउँस्थित निवासमे मरम्मतके काम क रहल तीन गोटे मजदुरके माटिके धस्नामे परि मृत्यु भेल अछि त २ गोटे गम्भीर घाइल भेल अछि । ओकरसबहक पाटन अस्पतालमे इलाज भरहल अछि ।
ललितपुरके प्रहरी उपरीक्षक बिक्रमसिंह थापा देबाल ठार करयकाल मजदुरसब माटिके धस्नामे परल बतोलनि । दु गोटेके जिवितै उद्धार कएलगेल ओ बतोलनि । आठ फीट गहिरमे देबालके जग बैसाबय काल उपरस खसल धस्नास मजदुरसब पिचाएल छल । पुलिसक अनुसार सन्दिप घलाल, भालु लामा आ कान्छा तामाङके मृत्यु भेल अछि । घटनाबारे थप अनुसन्धान भरहल थापा बतोलनि ।

प्रतिपक्षमे बसितो सरकार खसय नै देब - दाहाल

विराटनगर, फागुन ८ - माओवादीक अध्यक्ष पुष्पकमल दाहाल अपनासब सरकारमे जाए नै जाएके एमालके हातमे रहल वतोलनि अछि । ओ प्रतिपक्षमे बसियोक सरकारके खसय नै देब बतोलनि ।
'जतेक जल्दी एमाले भितरके बात मिलत ओतबे जल्दी हमसब सरकारमे जाएब ओ कहलनि । आइ सञ्चारकर्मीसबसंग बातचित करैत दहाल जँ एमाले भितरके बात नै मिलत तैयो सरकारके कोनो हालतमे खसय नै देब वतोलनि । हमसब प्रतिपक्षमे वसियोक हाएत त अहि सरकारके टिकाएब ओ कहलथि ।
ओ सरकारमे जाहिके लेल सात बुँदे सहमति केलास ओहिके पालना तत्काल होबय लेल जोड देलनि । शान्ति नै चाहयबला आ जनताके पक्षमे संविधान नै लिखाए चाह बलासब सहमतिके विरोध केने हुनक कहब छलनि ।

कोचीला, किराँत आ लिम्बुवान राज्य समिति सचिवालय सदस्य कार्यकर्ता प्रशिक्षण कार्यक्रमक लेल अध्यक्ष दाहालसँगै उपाध्यक्षद्वय मोहन वैद्य आ बाबुराम भट्टराई समेत ओहिठाम पहुँचल छथि । पालुङटारमे प्रस्तुत अध्यक्ष दाहालक दस्तावेज आ उपाध्यक्ष भट्टराईके फरक मतके दस्तावेजके विषयमे प्रशिक्षण कार्यक्रममे बिमर्श नै काएल जाएत कहैत अध्यक्ष दाहाल पार्टीके केना क आगु बढाओल जाए विषयमे मात्र प्रशिक्षण देब बतोलनि ।

बस आ ट्रक ठोकराएलास ७ गोटे घाइल

८ फागुन, धादिङ । पृथ्वी राजमार्ग अन्तर्गत धादिङके पिडा गाविस वाड नम्बर २ घाट बेसीमे बस आ ट्रक एक आपसमे ठोकराएलास सात गोटे घाइल भेल अछि ।
वीरगन्जस काठमाडौं जाँरहल ना ३ ख ३३२७ नम्बरक बस वायह दिसस काठमाडौं जारहल ना ३ ख १८८४ नम्बरक ट्रकके बितलराती पाछुस ठक्कर देँलाबाद बसक यात्रु घाइल भेल अछि ।
घाइलसबके इलाजक लेल काठमाडौं पठाओलगेल इलाका प्रहरी कार्यालय गजुरीके निरीक्षक दलबहादुर बोगटी जानकारी देलनि अछि ।

'काँग्रेस जिम्मेवार प्रतिपक्षके भूमिका निर्वाह करत '

जनकपुर, फाल्गुन ८ - नेपाली कांग्रेस संसदीय दलक नेता रामचन्द्र पौडेल सात बुँदे सहमति खारेज हाएत तैयो काँग्रेस खनाल नेतृत्वक सरकारमे नै जाएत बतोलनि अछि ।माओवादी आ एमाले बीच भेल सात बुँदे समझौताके कारण राजनीतिक दलसब बीचके दुरी आरो बढल दावी करैत ओ समझौता खारेज नै होबयधरि सरकारसंग सहकार्य सेहो काएल नै जा सकैय बतोलनि ।
प्रेस युनियन धनुषा आई भिन्सर जनकपुरमे आयोजना केने पत्रकार सम्मेलनमे बजैत नेता पौडेल 'काँग्रेस सरकारमे नै जाएत मुदा संविधान आ शान्ति प्रकृयाके मामिलामे जिम्मेवार प्रतिपक्षके रुपमे रचनात्मक सहयोग करत बतोलनि ।'
'सात बुंदे समझौता कपटपूर्ण अछि । इ लोकतन्त्रवादी शक्तिसबके निषेध करबाक मनसायस प्रेरित अछि । एकर खारेजी नै होबयधरि सहकार्यके वातावरण सेहो बनय नै सकत ओ बतोलनि ।
अपन मन्त्व्यके अधिकांश समय माओवादी गतिविधी आ सात बुँदे समझौताके विरोधमै खर्चे केने पौडेल निर्धारित समयमे संविधान बनाबिही परत दावी केलनि ।

बाँकी टटका समाचारसब ( Fresh news )

पसन्द केलन्हि

के कतयसँ कि देख रहल छथि ?

कुन देशसँ देखरहल छथि ?

Flag Counter