सिंहके निधनप्रति प्रधानमन्त्रीद्धारा शोक व्यक्त

१ चैत्र, काठमाडौँ । प्रधानमन्त्री झलनाथ खनाल नेपाल सद्भावना पार्टी (आनन्दीदेवी)के मानार्थ अध्यक्ष आनन्दीदेवी सिंहक निधनप्रति गहरा शोक व्यक्त कएलनि अछि । नेपाल सद्भावना पार्टीक संस्थापक नेता एवम् देशके वरिष्ठ राजनीतिज्ञ गजेन्द्रनाराण सिंहक धर्मपत्नी आनन्दीदेवी सिंहक काल्हि सप्तरीमे निधन भेल छल ।
प्रधानमन्त्री खनालद्वारा जारी शोक वक्तव्यमे दुःखके अइ घडीमे स्व.सिंहप्रति हार्दिक श्रद्धाञ्जलि अर्पण करैत शोकसन्तप्त परिवारजन, इष्टमित्र आ शुभचिन्तकसब तथा नेपाल सदभाबना पार्टी (आनन्दीदेवी) परिवारमे सेहो गहरा समवेदना प्रकट कएलगेल अछि ।
सद्भावना -आनन्दीदेवीके नेतृके हैसियतस २०६२/६३ के शान्तिपूर्ण जनक्रान्ति उठाबयके पृष्ठभूमि तयार करय हुनक भूमिका स्मरणीय रहल छल । खास क प्रतिगमन विरोधी संयुक्त आन्दोलन सञ्चालन करय ओ महत्वपूर्ण योगदान देने छलिह ।
वायह भूमिकाके कारण स्वर्गीय आनन्दीदेवी ०६३ मे गठित ऐतिहासिक अन्तरिम व्यवस्थापिका-संसद्के सदस्य समेत बनल छलथि । हाल राजविराजस्थित सप्तरी सेवा आश्रममे भतिजाके सँग रहैत आएल दिवंगत नेतृ आनन्दीदेवीके कोनो सन्तान नै अछि ।

शान्तिप्रक्रियाके बारेमे पौडेल आ टकनटबीच बिमर्श

१ चैत्र, काठमाडौँ । प्रमुख प्रतिपक्षी दल नेपाली काँग्रेस संसदीय दलक नेता रामचन्द्र पौडेल आ नेपालक लेल बेलायती राजदूत जोहन टकनटबीच भेटघाट भेल अछि ।
काँग्रेस संसदीय दलक कार्यालय सिंहदरबारमे आई भेल भेटवार्तामे नेपालमे जारी शान्तिप्रक्रिया, संविधान लेखन आ माओवादी लडाकू समायोजन तथा पुनःस्थापना सहितक विषयमे बातचित भेल छल ।
भेटके बाद नेता पौडेल शान्तिप्रक्रियामे गतिरोधक बिषयमे आ जेठ १४ भितर संविधान निर्माणके काम समाप्त करयके सन्दर्भमे भरहल कामके बारेमे बिमर्श भेल पत्रकारसबके बतौलनि ।
शान्तिप्रक्रिया आ संविधान लेखनके काम जटिल होइतो इ सकारात्मक परिणाम लाबयके बातमे अपने आशावादी रहल बतबैत राजदूत टकनट नेपालक विकास प्रयास, शान्तिप्रक्रियाके निष्कर्षमे पहुँचबैत संविधान लेखनके काम सम्पन्न करयके बिषयमे भरहल बातचितक जानकारी देलनि ।
राजदूत टकनट एकटा देशमे दु टा सेना रहय नै सकत कहैत पहिने भेल सम्झौताके आधारमे माओवादी लडाकूके समायोजना आ पुनःस्थापना जेहन काम होबय परत धारणा व्यक्त कएलनि ।

'संक्षिप्तो संविधान हाएत त जारी करय परत'

काठमाडौं, चैत्र १ । पूर्वप्रधानमन्त्री माधवकुमार नेपाल संक्रमणकाल अन्त्यक लेल संक्षिप्त संविधान हाएत तयियो जारी करय परत बतौलनि अछि ।
महत्त्वपूर्ण बातके समेट कऽ निर्धारित मितिमे संविधान जारी कएल जा सकैय कहैत एमालेक बरिष्ठ नेता नेपाल छुटल विषयके संशोधन मार्फत थपय परत बतौलनि । राष्ट्र धर्म जागरणद्वारा आइ राजधानीमे आयोजित कार्यक्रममे नेता नेपाल जातीय राजनीतिके कारण बिखण्डनके खतरा रहल बतौलनि । 'बिखण्डनस देशके जोगाबय सव दलके एक होबय परत ओ कहलनि ।
कार्यक्रममे संवैधानिक समितिक सभापति निलाम्बर आचार्य नयाँ संविधान लेखनके क्रममे देखलगेल विवादित विषयमे सहमति जुटैत गेलास निर्धारित समयमे संविधान जारी होबयके आश जागल बतौलनि । आगामी चैत १५ भितरमे बाँकी विवादित विषयमे सेहो दलसब सहमति खोजत विश्वास व्यक्त कएलनि ।

संविधानक लेल दबाब आवश्यक: सभामुख

१ चैत्र, काठमाडौं । सभामुख सुवासचन्द्र नेम्बाङ शान्तिप्रक्रिया तथा संविधान लेखनके लेल दबाब देबय आग्रह कएलनि अछि । आइ बेरियामे उपभोक्ता हित संरक्षण मञ्च नेपालक पदाधिकारी सँगक भेटमे सभामुख नेम्वाङ ई बतौलनि अछि ।
ओ संविधानसभास संविधान बनाबय बेसी समय आ खर्च लागयके सँगहि झन्झटाह भेलास तोकले समयमे संविधान निर्माणक लेल उपभोक्तासबके जागरुक होबय परत बतौलनि ।
मञ्चक पदाधिकारीसब देशमे बढिरहल महङ्गी आ दण्डहीनता अन्त्यक लेल प्रभावकारी कदम उठाबयके व्यवस्था मिलाबय सभामुखस आग्रह केने छल ।
विश्व उपभोक्ता अधिकार दिवसक अवसरमे नेम्वाङस भेट्य पहुँचल ओसब बजार उपभोक्ताके लुट्यबला निकायके रुपमे स्थापित होइत आएल आ बजार नियन्त्रणके लेल कहि कऽ स्थापित सरकारी निकायमे ठेक्काके रूपमे पदाधिकारीसब नियुक्ति होबयके प्रवृत्तिस देशमे महङ्गी आ अराजकता बढल उपराग देने छलथि ।

संयंत्रमें तेसर बिष्फोट, स्वास्थ्यके ख़तरा

एजेन्सी, चैत १ । जापानके फ़ुकुशिमा परमाणु संयंत्रके पहिलका रिएक्टरमें एकटा आओर बिष्फोट भेल अछि ।
अधिकारीके कहब अछि जे संयंत्रमें विकिरणके ख़तरा बढ़िरहल अछि आ अईके स्तर ऐतेक बढल अछि जे अईस स्वास्थ्य संकट पैदा क सकैत अछि ।
अइ बिष्फोटके कारण संयंत्रमें आगि लागिगेल छल जे बहुत समयके बाद नियन्त्रणमे आएल छल । जाहि कारण हानिकारक किरण सीधा वातावरणमें मिल गेल अछि । अधिकारीके अनुसार अई बिष्फिटनस दोसर रिएक्टरके नोक्सान पहुँचा सकैत अछि ।
संयंत्रके बाहर विकिरणके स्तर बेसी भेलास 20 किलोमीटरधरिके क्षेत्रमें रहयला लोकसबके ओतयस हटाओलगेल अछि । फ़ुकुशिमा संयंत्रमें ई तेसर बिष्फोट अछि जतय इंजीनियर अई संयंत्रके ठंडा करयके प्रयासमें लागल अछि ।
अहिस पहिने काल्हिके फुकुशिमा दायची संयंत्रके रिएक्टर 3 में भेल विस्फोटमें 11 गोटे घाइल भेल छल ।
भूकंप आ सुनामीके कारण तबाह भेल परमाणु संयंत्रके ठंडा करयके प्रयासके बीच जापान अंतरराष्ट्रीय समुदायस अई मामलामें मदद करय लेल आग्रह केलक अछि ।

जनकपुर चुरोट कारखानाके उत्पादन ठप्प

जनकपुर, चैत्र १ । मजदुर समन्वय समिति आ जनकपुर चुरोट कारखानाबीच भेल सम्झौता कार्यान्वयन नै केने कहैत आक्रोशित मजदूरसब महाप्रवन्धक श्यामकुमार महतो चढयबला गाडी छिनयके सँगहि आवासके विजुली पानि समेत काटिदेलक अछि । कारखानाके उत्पादन समेत ठप्प अछि ।
फागुन २५ गते भेल समझौताके कार्यान्वयन बारे जानकारी लेबय आइ भिन्सर महाप्रन्धक निवास पहुँचल मजदुर नेतासबसंग महतो दुर्व्यावहार केलाबाद आक्रोशित मजदुरसब हुनकर सम्पूर्ण सुविधा कटलक अछि । ओसब महाप्रवन्धक क्वाटरके घेराउ सेहो केलक अछि । महाप्रन्धक महतो अपन किछ सहयोगीके सँग निवासमे नुकाकऽ बैसल छथि । महाप्रवन्धक निवास आगु सुरक्षा व्यवस्था बढाओलगेल अछि ।
मजदुर समन्वय समितीके आइ भिन्सर बैसल आकस्मिक बैसारस महाप्रवन्धक महतोके सम्पूर्ण आर्थिक तथा भौतिक सुविधा बन्द करयके निर्णय केलक अछि । समिति सम्वद्ध राष्ट्रिय प्रजातान्त्रिक मजदुर संगठनके तेजनारायण देने जानकारी अनुसार- समन्वय समितीके बैसारस महाप्रवन्धकके कोनो लिखित या मौखिक आदेश नै मानयके, गाडी छिनयके, आर्थिक तथा भौतिक सुविधा कटौती करयके तथा वरीष्ठ कर्मचारीके नेतृत्वमे कारखाना संचालन करयके निर्णय केलक अछि ।
सम्बद्ध कर्मचारीसबहक अनुसार-७२करोडके अचल सम्पति बिक्री कयियो क जचुकालि करिब ५० करोड घाटामे अछि ।

चिन्ता नै करु, पाई बदला भ जाएत

काठमाडौ, चैत्र १ । पूर्वराजाकाके तस्बिर रहल नोट बदला करय नै सकल छि त ओहन नोट तोकल स्थानमे आसानिएस बदला भ जाएत ।
राष्ट्र बैंकसहित सरकारी बैंक आ नोट कोषके कारोबार करयबला निजी बैंकमे ओहन नोट बदला काएल जा सकैय राष्ट्र बैंकके डेपुटी गभर्नर गोपाल काफ्ले बतौलनि । नोट राष्ट्रिय वाणिज्य बैंक आ नेपाल बैंकके अधिकांश शाखामे बदला करय सकयके व्यवस्था मिलाओलगेल अछि । 'पूर्वराजाकाके तस्बिर अँकित नोट बदला नै हाएत से हल्ला गलत अछि ओहन भ्रममे नै परय सर्वसाधारणस अनुरोध अछि काफ्ले बतौलनि ।'
नेपाल बैंकके देशभरिके ४० स बेसी शाखामे पूर्वराजाके फोटो भेल नोट द क सगरमाथा अंकित नोट लेबय सकयके ब्यबस्था अछि । अहिना, एभरेस्ट बैंक, नेपाल बंगलादेश बैंक आ ग्लोबल बैंकमे जा क सेहो नोट बदलल जा सकैय ।
राष्ट्र बैंक नयाँ नोट बदलयके अन्तिम मिति कहिकऽ नै तोकने अछि ।