स्याङ्जा, पुस २१ । कांग्रेसक सभापति सुशिल कोइराला माओवादी पछिला समयमे देखौने व्यवहारसँ शान्ति स्थापना आ समयमे संविधान निर्माणमे शंका उत्पन्न भेल बतौलनि अछि ।
नेपाल प्रेस युनियन स्याङ्जा शाखा आइ स्याङ्जाके वालिङमे आयोजना केने पत्रकार सम्मेलनमे बजैत सभापति कोईराला माओवादीसँग पछिला बेर भेल सातबुँदे समझदारी कार्यान्वयन नहि भेलासँ माओवादी प्रतिके विश्वासमे शंका उत्पन्न भेल बतौलनि ।
अपने नेतृत्वमे रहल सरकारके हतियार बुझावय माओवादी आलटाल कऽ रहल कहैत कोइराला कहलनि जे ‘हतियार बुझावयके सबालसँ ओसब शान्ति आ संविधानप्रति कतेक वफादार छथि से प्रष्ट भेल अछि ।’
सातबुँदे सहमतिके अक्षरशः पालना, जमिन फिर्ता, वाईसिएलके अर्धसैनिक संरचना भंग आ पिपल्स भोलेन्टियर फोर्स सबके विघटन कऽ क माओवादी विश्वासके वातावरण सिर्जना करय सकत कोइरालाक कहब छलनि । ‘अन्यथा हमसब सरकार विरुद्ध आन्दोलन करय बाध्य हाएब’ सभापति कोइराला कहलनि ।
No comments:
Post a Comment