दहेज नहि लौने कहैत एक महिलाके रहस्यमय मृत्यु

२ साउन, रौतहट । दहेज नहि लौने कहैत बेर बेर  परिवारक सदस्यसबहक यातनाके शिकार बनैत आएल एक महिलाके रौतहटके चन्द्रनिगाहापुरमे एक महिलाके रहस्यमय मृत्यु भेल अछि ।

चन्द्रनिगाहापुर-५ के २१ वर्षक किरण साहके बितलराति अपने घरमे रहस्यमय मृत्यु भेल अछि । मृतकके नहिरा पक्ष ओकर हत्या कएने दाबी केलक अछि । किरणके तीन महिना आगु भारतीय फलफुल व्यापारी बुद्धि साह सँग विवाह भेलाबाद परिवारक सदस्य दहेज नहि लौने कहैत ओकरा अहिस आगु चरम शारीरिक आ मानशिक यातना दैत आएल छल ।

बितल राति खाना खा क सुतल किरणके शव दुपटासँ फँसरी लगाएल अवस्थामे आइ भिन्सर भेटल छल । स्थानीयबासी हत्याके आरोपमे मृतकके पति आ साउसके नियन्त्रणमे लेने अछि ।

अहि वर्षमे रौतहटमे १० महिलाके दहेजक कारण मृत्यु भ चुकल अछि ।