२ साउन, काठमाडौं । मधेश केन्द्रित दलसभमे बिभाजनके क्रम पछिलाबेर फेर निरन्तरता पओलक अछि।
राजेन्द्र महतो नेतृत्वके सदभाबना पार्टी आई बिधिबत रुपमे बिभाजित भेल अछि। ४ टा सभासद सहित अनिल झा नेतृत्वमे नँया पार्टी गठन कएलगेल अछि। नँया पार्टीक नाम संघिय सदभाबना पार्टी राखलगेल अछि।
सदभाबना पार्टीके संबिधानसभामे जम्मा ९ टा सभासद छल। नँया पार्टीमे झा , खोबाहरि राय, महेश प्रसाद यादब, आ मालाबति थारु सभासदसभ अछि। नँया पार्टीके जन्म संगहि संबिधानसभामे प्रतिनिधित्व करएबला दलसभके संख्या ३२ पंहुचल अछि। नँया दल दर्ताकलेल संबिधानसभा सचिबालयके जानकारी करा चुकल आ आईए दुपहरीयामे निर्बाचन आयोगमे जाऽ कऽ दल दर्ताके प्रकृया पुरा कएल जाएत सभासद महेश कुमार यादब जानकारी देलनि।
पार्टी फोरक षडयन्त्र कएने आरोपमे अध्यक्ष राजेन्द्र महतो किछु दिन पहिने झाके पार्टीसँ कारबाहि कऽ संबिधानसभा सदस्यसँ हटाबक प्रकृया आगा बढाबकलेल ब्यबस्थापिका संसद सचिबालयमे सिफारीस कएने छल।
No comments:
Post a Comment