कठमाण्डूक आगिलगिमे २ गोटेकेँ जरि कऽ मृत्यु

काठमाण्डू, चैत ६ । काठमाण्डूक मखनटोलमे वितल राति भेल आगिलगिमे परि दु गोटेकेँ मृत्यु भेल अछि । केदार श्रेष्ठक ४ तला घरमे भेल आगिलगिमेँ हुनक ३५ बर्षक वेटा राकेश आ २२ बर्षक महेशकेँ जरि कऽ मृत्यु भेल पुलिस जनौलक अछि । आगि मिझावयकेँ क्रममे हुनका सभकेँ मृत्यु भेल अछि ।
वितल राति साढे ११ बजे लागल आगि काठमाण्डू, ललितपुर आ भक्तपुरक बारुण यन्त्र, नेपाली सेना, पुलिस आ स्थानीयवासी आइ भिन्सर डेढ बजे दिस नियन्त्रणमे लेने छल । बिजुली सर्ट भऽ आगि लागल पुलिस जनौलक अछि । आगलागि सँ भेल क्षतिकेँ पूर्ण विवरण एखनधरि आवय नहि सकल अछि ।
अहिविच, मोरंगकेँ इन्द्रपुर ९ स्थित एकटा मुर्गा फार्ममे करेन्ट सर्ट भऽ आगिलागि भेला सँ ९ लाख रुपैया बराबरकेँ क्षति भेल अछि ।