आइ बङ्गलादेश स्वतन्त्रता दिवस, राष्ट्रपति, प्रधानमन्त्रीक सन्देश

काठमाण्डौ, चैत १२ । राष्ट्रपति डा रामवरण यादव बङ्गलादेशक स्वतन्त्रता दिवसक अवसरमे ओइठामक राष्ट्रपति एमडी जिल्लुर रहमानके हार्दिक बधाई ज्ञापन कएलनि अछि ।
राष्ट्रपति डा यादव एक सन्देश पठा कऽ राष्ट्रपति रहमानक खुशी आ व्यक्तिगत सुस्वास्थ्यके कामनाक सँगहि बङ्गलादेशी जनताके प्रगति आ समृद्धिके कामना कएलनि अछि । अहिना, स्वतन्त्रता दिवसक अवसरमे प्रधानमन्त्री झलनाथ खनाल एक सन्देश पठा कऽ अपने आ नेपाली जनताके दिस स बङ्गलादेशक प्रधानमन्त्री शेख हसिना वाजेदके हार्दिक बधाई देलनि अछि । ओ सन्देशमे दु देशबीचक मैत्रीपूर्ण सम्बन्ध आबयबला वर्षसभमे आओर घनिष्ट होयबाक विश्वास सेहो व्यक्त कएलनि अछि ।