काठमाडौ, चैत्र १५ । माओवादी एकआपसमे पिटापिटके हदमे उतरल मजदूर भातृ संगठनके तीनु कमिटीके भंग क राष्ट्रिय सम्मेलन आयोजक समिति गठन करयके निर्णय केलक अछि ।
आइ बैसल माओवादी स्थायी समितिके बैसारस तीनु नेता अध्यक्ष पुष्पकमल दाहाल तथा उपाध्यक्षद्वय मोहन बैद्य आ डा. बाबुराम भट्टराई पक्षमे बनल तीनु समानान्तर संगठन भंग करयके निर्णय केलक अछि ।
दाहाल समर्थित शालिकराम जमरकटेल, बैद्य पक्षक लालध्वज नेम्वाङ आ भट्टराई पक्षक बद्री बजगाई नेतृत्व केने मजदुर संगठनके समानान्तर संगठन खुललाबाद एक आपसमे पिटापिटके अबस्था श्रृजना भेल छल ।
स्थायी समिति राष्ट्रिय सम्मेलन आयोजक समिति गठनके लेल तीनु संगठकनके नेतासभसंग बिमर्श करत समेत उल्लेख केलक अछि ।
प्रबक्ता दीननाथ शर्मा संवाददातासभके देने जानकारी अनुसार तराईमे हालेमे भेल श्रृंखलाबद्ध बम बिष्फोटके भर्त्सना करैत ओइके नियोजित बतौलक अछि । सँगहि विष्फोटन भेल स्थानसभमे माओवादी चैत २० गते बिरोध सभा करयके निर्णय समेत केलक अछि ।
पार्टी भितरके विवाद बारे आगुके बैसारमे बिमर्श हाएत प्रबक्ता शर्मा बतौलनि । बैसार पुन बृहस्पतिदिन बैसत ।
No comments:
Post a Comment