सिरिया, भादव ६ । सीरियामें सरकार विरोधी प्रदर्शनमें अखनधरि २ हजार २ सय गोटेके मृत्यु भेल संयुक्त राष्ट्र मानवाधिकार उच्चायुक्त जनौलक अछि ।
अहि साल मार्चमें सीरियामें भेल सरकार विरोधी प्रदर्शनमे सरकार केने अत्यधिक बल प्रयोगके कारण एतेक गोटेके मृत्यु भेल अछि ।
संयुक्त राष्ट्र मानवाधिकार काउंसिलके एक आपातकालीन बैसारके उद्घाटन भाषणमें संयुक्त राष्ट्र मानवाधिकार उच्चायुक्त नवी पिल्लै मार्चके मध्यसँ शुरु भेल विरोध प्रदर्शनके अखनधरिमे २ हजार २ सयसँ बेसी गोटेके मृत्यु भेल बतौलनि । ओ कहलनि जे शांतिपूर्ण प्रदर्शनकारी पऽ दमन कएल जारहल अछि । सेना आ सुरक्षा बल भारी तोप सहित अत्यधिक बल प्रयोग कऽरहल अछि ।
संयुक्त राष्ट्रक जांचकर्ता अहि महीनाके शुरूमें एकटा रिपोर्ट पेश करैत सीरियाई सुरक्षाकर्मी ब्यापक मानवाधिकारके उल्लंघन कऽरहल अछि ।
No comments:
Post a Comment