२७ भादव, काठामाडौं । संयुक्त राष्ट्रसंघ मानवअधिकार उल्लंघन तथा युद्ध अपराधके पिडकसबके आममाफी नहि देबय आग्रह केलक अछि ।
माओवादी द्वन्द्वकालमे लागल मुद्धासब फिर्ता लेबय माँग कऽरहल समय राष्ट्रसंघक नेपालस्थित आवासीय प्रतिनिधी रोवर्ट पाइपर आ मानवअधिकार उच्चायुक्तके कार्यालय प्रमुख ज्याति साङ्घेरा आइ संयुक्त विज्ञप्ती जारी कऽ गम्भीर अपराधक मुद्धासबमे आममाफी देबयके या मुद्धाफिर्ता लेबयके माँग नहि करय दलसबसँ आग्रह कएलनि अछि ।
अहिना उच्चायुक्तके कार्यालय प्रमुख साङ्घेरा कहलनि अछि जे-’कानुन गम्भीर मानवअधिकार उल्लंघन तथा बलात्कार, बलपूर्वक बेपत्ता करयके काज, यातना आ गैरकानुनी हत्या सहितक युद्वअपराधके पीडकसबके लेल आममाफी देबयके कोनो उपायसबके आस्वीकार करयके बातमे जोड देबय परत ।’
विज्ञप्तीमे आवश्यक विधयक पारित कऽ सत्य निरुपण तथा मेलमिलाप आयोग आ बेपत्ता जाँचबुझ आयोग गठन करयके सरकारी प्रतिवद्धताके स्वागत केलक अछि ।
No comments:
Post a Comment