शान्ति सुरक्षामे विशेष सतर्कता: आईजीपी

विराटनगर, आश्विन १६ । प्रहरी महानिरीक्षक रविन्द्रप्रताप शाह दशैंमे जनताके शान्ति सुरक्षाके थप अनुभुति देबय दोसर समयसँ बेसी सुरक्षा सतर्कता अपनाओल गेल बतौलनि अछि ।

पूर्वाञ्चलके छोट भ्रमणमे पहुँचल महानिरीक्षक शाह विराटनगर विमानस्थलमे सँचारकर्मीसबसँ बात करैत 'पावनि तिहारक समयमे सुरक्षा व्यवस्था 'चुस्त आ स्फूर्त' राखल गेल जानकारी देलनि । घट्ना होबय सकयके संवेदनशील क्षेत्रसबमे पुलिसक विशेष निगरानी बढाओल गेल बतबैत शाह दशैंमे होबयबला अपराधिक क्रियाकलापके न्यूनिकरण करय पूर्व क्षेत्रके प्रहरी प्रमुखसबके समेत निर्देशन द देने बतौलनि ।