१६ कात्तिक, काठमाडौँ । प्रमुख तीन दल आ मधेसी मोर्चाबीच काल्हि भेल सातबुँदे सहमति प्रति आपत्ति जनौने एकीकृत नेकपा माओवादीक मोहन बैद्य पक्षक अलगे बैसार भेल अछि ।
बैद्य निवास गोंगबुमे आइ बैसल बैसारमे ओ पक्षक महासचिब रामबहादुर थापा ‘वादल’, सचिव सीपी गजुरेल, स्थायी समिति सदस्य देव गुरुङ, नेत्रविक्रम चन्द सहितक नेता सहभागी छलथि । बैसारमे बैद्य पक्षक राजधानीमे उपलब्ध पोलिट्ब्युरो आ केन्द्रीय सदस्यधरिके नेताके सेहो सहभागी कराओल गेल छल । बैसारमे संस्थापन पक्षविरुद्ध नयाँ रणनीति तयार करयके विषयमे बिमर्श भेल बताओल गेल अछि । बैसारसँ बहराएके क्रममे नेतासब सञ्चारकर्मीसँग प्रतिक्रिया देबय नहि चाहलथि ।
पोलिट्ब्युरो सदस्य हरिभक्त कँडेल नयाँ सन्दर्भमे कोना कऽ आगु बढल जाए विषयमे बिमर्श भेल जानकारी देलनि । सातबुँदे सहमतिके बैद्य पक्ष पार्टी नीति आ निर्णय विपरीत रहल बतौलक अछि । स्रोतक अनुसार पार्टीमे प्रचण्ड आ बाबुरामके मनोमानी चलल कहैत किछ नेता तत्काल अलग होबयके धारणा रखितो उपाध्यक्ष बैद्य समय नहि आएल बतौने छलथि ।
No comments:
Post a Comment