१७ कात्तिक, काठमाडौं । मालदिभ्समे जारी २५ वर्ष निचाके सार्क टि-२० कप क्रिकेटमे नेपाल पहिल जित हासिल केलक अछि । आइ भेल अपन दोशर खेलमे कप्तान पारस थापा आ ज्ञानेन्द्र मल्ल सम्हारने पारीके मदतसँ नेपाल भारतके ६ विकेटसँ हराबय सफल भेल अछि ।
भारतक प्रतिनिधित्व केने क्षेत्रिय टिम कर्नाटक ईन्स्टिच्यूट अफ क्रिकेटक टोली जितयके लेल देने २ सय १९ रनक लक्ष्य नेपाल अन्तिम बलमे ४ विकेट गुमा कऽ पुरा केने छल।
कप्तान पारस खड्का अन्तिम बलमे छक्का प्रहार करैत नेपालक जित सुनिश्चित केलनि । ओ ६३ रनमे अविजित रहलनि तऽ तीन विकेट सेहो लेने पारस म्यान अफ द म्याच घोषित भेलनि । अहिना ज्ञानेन्द्र मल्ल ५६ रनक योगदान देलनि ।
अहिसँ आगु पहिने ब्याटिङ केने कर्नाटक ईन्स्टिच्यूट अफ क्रिकेट टिम २० ओभरमे ४ विकेटक क्षतिमे २ सय १८ रन बनौने छल । कोनो समय तीन विकेटक क्षतिमे ३७ रन बनौने भारतके पारीके राहुल आ निसान्तके जोडी विस्फोटक व्याटिङ करैत उकसौने छल । राहुल सतक पुरा करयसँ मात्र एक रनसँ चुकल छलथि ।
ओ ९९ रनमे अविजित रहलथि तऽ निसान्त ४३ रनमे आउट भेलथि । नेपाल आब शनिदिन समूह चरणके अपन अन्तिम खेलमे पाकिस्तानसँग खेलत ।
No comments:
Post a Comment