भारतीय सीमा सुरक्षा बलद्वारा मध्यरातिमे नेपाली उपर आक्रमण

इनरुवा, पुस २६ । भारतीय सिमा सुरक्षा वल एसएसबीके जवानसब नेपाली भूमिमे प्रवेश कऽ क सीमा क्षेत्रके वासीसबके घर घरेमे प्रवेश कऽ पिटपाट केलक अछि ।

बितलराति भारतीय सीमासंग जुडल सुनसरीके घुस्कीके बासीसबके हतियारधारी एसएसबी पिटपाट केलक अछि । एसएसबीके पिटाइसँ ९ गोटे घाइल भेल अछि ।

१५-२० गोटेके समूहमे आएल एसएसबी महिला पुरुष किछ नहि देख अन्धाधुन्द पिटपाट केने छल । घाइल मे सँ तीन गोटे महिला सेहो रहल अछि ।

एसएसबीके पिटाइसँ घुस्की ५ के कलमुद्धिन मियाँ, सलिम मियाँ ,तजमुल मियाँ, परिविना खातुन,

रविना खातुन घाइल भेल पुलिस जनौलक अछि । अहिना पिटाइसँ घुस्की ६ के जिवराइल मियाँ, मतनी खातुन, अल्जेबुल मियाँ आ नसमुद्धिन मियाँ सेहो घाइल भेल अछि । घाइलसबके स्थानीय क्लिनिकमे इलाज भऽ रहल अछि ।