आई बिद्यापतिक स्मृति दिवस

कातिक १४ जनकपुरधाम । आइ जनकपुरमे महाकवि बिद्यापति स्मृति दिवस मनाओल जारहल अछि । मिथिलाँचलक बिभिन्न स्थानमे महान कवि बिद्यापतिक सँस्मरणमे बिभिन्न कार्यक्रमक आयोजना क स्मृति दिवस मनाओल जा रहल अछि । याह अवसरमे जनकपुरक बिद्यापति चौकपर सेहो एक कार्यक्रमक आयोजना कायल गेल अछि त कार्यक्रममे भाग लेवाक लेल अतिथिक रुपमे गणतन्त्र नेपालक प्र्रथम उपराष्ट्रपति परमानन्द झाके सेहो आमन्त्रण कायल गेल अछि । आइ जनकपुरमे भरहल बिद्यापति स्मृति पावनिके समारोहमे ओ भाग लरहल छथि । समारोहमे प्रमुख अतिथिके रुपमे भाग लेबाक लेल ओ काल्हिये बेरियामे जनकपुर पहुचल छलथि । काल्हि ढल्केबरमे बिद्यापति युवा क्लब केने स्वागत कार्यक्रममे ओ सरकारके महा अभियोग लगाक पद स हटाबऽ चुनौती सेहो देने छलथि । अधिकार बिहिन भेलाक बाद पहिलबेर जनकपुर पहुचल उपराष्ट्रपति झा मधेसी जनता समक्ष अपन बात रखबाक आ ओ सब देने सल्लाह अनुसार आगु बढबाक बतौलनि । आइ भिन्सर ९ बजे बिद्यापति चौक स्थित बिद्यापतीक प्रतिमामे माल्यार्पण १० बजे मैथिलि समाजक आयोजनामे कवि कोकिल बिद्यापतिक आवदान बिषयमे चिन्तन आ अभिब्यक्ति कार्यक्रम रहल बिद्यापति स्मृती पावनि समारोह समिति आ बिद्यापति राधाकृष्ण युवा कमिटिक संयोजक बैजू ठाकुर जानकारी देलनि अछि । उपराष्ट्रपति झाके आइये काठमाण्डु घुरबाक कार्यक्रम सेहेा रहल अछि ।