बैध समुह रक्षामन्त्रीक राजीनामा मँगैत सडकमे उतरत

११ आसिन , काठमाण्डौ । एकिकृत नेकपा माओवादीक मोहन बैध समुह रक्षा मन्त्री शरतसिँह भण्डारीके राजीनामाके माँग करैत सडक आन्दोलनमे उतरय लागल अछि ।

ओ समुह निकट भातृ तथा भगिनी सँगठनसबहक आइ भिन्सर ललितपुरक कुपण्डोलमे बैसल सँयुक्त बैसारसँ एहन निर्णय केलक अछि । बैध निकट दलित सँगठनके अध्यक्ष तिलक परियार देशके तोरयके रक्षामन्त्रीक अभिब्यक्ति बिरुद्ध आइ बेरियामे ४ बजे जावलाखेलमे जम्मा भ जुलुस सहित शान्ति बाटिकामे पहुँच क कोणसभा करयके निर्णय भेल बतौलनि । परियार रक्षामन्त्रीक अभिब्यक्ति राष्ट्रघाती भेल निष्कर्ष निकालैत बैसारसँ तत्काल हुनका बर्खास्त करय प्रधानमन्त्री बाबुराम भटराई समक्ष माँग करयके निर्णय सेहो भेल बतौलनि । परियार मन्त्री भण्डारीक अभिब्यक्ति कोनो नयाँ नहि भ ४ बुन्दे सहमति अनुसारे आएल दाबी कएलनि ।

राजधानीमे सोमदिन आयोजित एक कार्यक्रममे मन्त्री भण्डारी काँग्रेस एमाले आ माओवादीके बैध समुह ४ बुन्देके राष्ट्रघाती कहलासँ ओकर खण्डन करैत मधेशक २२ जिल्ला अलग होबयके निर्णय करत त कुन ऐन आ कुन कानुन देशके बचाएत कहि बिबादस्पद अभिब्यक्ति देने छलथि ।

‘‘‘‘