२ अगहन, काठमाडौँ । व्यक्ति हत्याके विरोधमे अदालतसँ सर्वस्वहरण सहित आजीवन काराबासक सजाय सुनाओलगेल माओवादी सभासद् बालकृष्ण ढुंगेलके आमामाफी सिफारिस करयके सरकारी निर्णयके विरोधमे आइ काठमाडौँमे भिन्सर प्रदर्शन कएलगेल अछि ।
स्थानीय नेवार समूदाय सरकारी निर्णयसँ दण्डहीनताके प्रश्रय देने कहैत सिफारिस फिर्ताके माँग करैत प्रदर्शन केलक अछि । संखुवासभाके उज्जन कुमार श्रेष्ठक हत्या अभियोगमे जिल्ला अदालत ओखलढुंगासँ सर्वस्वहरण सहित आजीवन काराबासक सजाय सुनाओलगेल सभासद् ढुंगेलके सरकार राजनीतिक प्रकृतिके घटना भेल दु सप्ताह आगु आममाफी देबय राष्ट्रपति समक्ष सिफारिस केने छल ।
कोणसभामे बाजयबला वक्तासब सरकार अपराधके राजनीतिक संरक्षण दऽ कऽ मानवअधिकारके मजाक उडौने आरोप लगौने छल । प्रदर्शनके तयारी भऽ रहल समय माओवादी कार्यकर्ता प्रदर्शनमे हस्तक्षेप करबाक प्रयास केने छल । दु पक्षबीच झडप होबयके आशंकामे पैघ संख्यामे पुलिस तैनाथ कएलगेल छल ।
No comments:
Post a Comment