४ पुष बिहार । बिहारके जमुईमें संदिग्ध नक्सलि आइ सड़क निर्माण कार्यमें लागल तीन टा गाडीमे आगि लगौलक अछि ।
जमुई जिलाके बरहट थाना क्षेत्रमें नक्सली एक निजी कम्पनीके तीनटा गाडीमे आगि लगा देलक अछि । अगिलगिसँ तिनु गाडी पुर्णरुपसँ क्षतिग्रस्त भऽ गेल अछि ।
पुलिसके अनुसार जमुई-मुंगेर सडक खण्ड पर विषुनपुरके नजदीक नक्सली हमला करैत सड़क निर्माणके कार्य कऽ रहल जेकेएन निजी कम्पनीके तीनटा गाडीमे आगि लगबैत फरार भऽ गेल ।
जमुईके पुलिस अधीक्षक रामनारायण सिंहक अनुसार अहि घटनामें एक पोकलेन आ सड़क निर्माणमें रहल एकटा गाडी पुरापूरी क्षतिग्रस्त भऽ गेल आ एकटा रोलरमे सामान्य क्षति पहुँचल अछि । ओ बतौलनि जे नक्सलीके खोजी कार्य भऽ रहल अछि आ छापामारी सेहो कएल जाऽ रहल अछि ।
ज्ञातब्य जे नक्सली बितल २ दिनमे जमुई जिलाके २ टा अलग अलग थाना क्षेत्रमें २ टा सरकारी विद्यालय भवनके सेहो नष्ट कऽ देने अछि ।
No comments:
Post a Comment