काठमाडौं, चैत २२ । मुस्लिम समुदाय आ सम्वद्ध विभिन्न संघ/संस्था आब बनयबला नयाँ संविधानमे अपन हक अधिकारके सुनिश्चित करय सरकारके ध्यानाकर्षण करौलक अछि ।
मुस्लिम आ दलितके विभिन्न संघ संस्था आइ संयुक्त र्याली निकालि कऽ नयाँ संविधानमे मुस्लिम, दलित, जनजाति, पिछडल बर्गके अधिकार सुनिश्चित करय माँग केलक अछि । माइतिघर मण्डलासँ सुरु भेल र्याली बबरमहल, सिंहदरबार दक्षिण गेट होइत संविधानसभा भवन आगु नयाँ बानेश्वर पहुँच कऽ कोणसभामे परिणत भेल छल ।
कोणसभाके हाजी मिर्जा अर्शद बेग, मौलाना गुलाम रसुल फलाही, अधिवक्ता अख्तर अलि अन्सारी सहितक सभ संविधानमे मुस्लिम, दलित, जनजातीके अधिकार सुनिश्चित करय आ संविधानमे मुस्लिमके छुट्टे पहिचान कायम करयके माँग केलनि ।
No comments:
Post a Comment