काठमाडौं, चैत २२ । भारतीय राष्ट्रिय विज्ञान अकादमी (इन्सा) के अध्यक्ष प्रा. डा. कृष्णलाल तथा उपाध्यक्षद्वय प्राडा एन. सत्यमूर्ती आ प्राडा आलोक भट्टाचार्य नेपाल भ्रमणमे आबय लागल छथि ।
नेपाल विज्ञान तथा प्रविधि प्रज्ञा प्रतिष्ठान (नास्ट) के निमन्त्रणामे भारतीय टोली बृहस्पति दिन नेपाल आबय लागल छथि ।
तीन दिना भ्रमणके क्रममे हुनकासभके भौतिकशास्त्र, जीवशास्त्र तथा विज्ञान शिक्षा सम्बन्धी ६ टा प्रवचन देबाक कार्यक्रम रहल अछि । प्रवचन कार्यक्रमसभ प्रविधि प्रज्ञा प्रतिष्ठान, खुमलटार, त्रिभुवन विश्वविद्यालयके सम्बन्धित केन्द्रीय विभाग, कीर्तिपुर तथा अमृत साइन्स क्याम्पस, लैनचौरमे चैत २४ आ २५ गते बेरियामे हाएत ।
नास्ट आ इन्साबीच सन् १९८९ स द्विपक्षीय सम्झौता भ वैज्ञानिक तथा प्राविधिक आदान प्रदान तथा अध्ययन अनुसन्धान होइत आएल नास्ट जनौलक अछि ।
No comments:
Post a Comment