भारत साउन ३२ । सरकारके लोकपाल विधेयकके विरोध कऽरहल सामाजिक कार्यकर्ता अन्ना हज़ारेके समर्थकसब इंडिया गेटस जंतर-मंतरधरि जुलूस निकाललक अछि त हज़ारे तिहाड़ जेलस निकलता कि नहि बिषयमे अखनो निश्चित होबय नहि सकल अछि । एम्हर तिहाड जेलके बाहर हजारे समर्थकसबहक भिड लागल अछि ।
हज़ारेके रिहा करयके आदेश काल्हिए रातिके देल गेल होइतो ओ जेलस बाहर आबयसँ मना कऽ देलथि आ ओ कहलनि जे जा धरि अनशन पऽ लागल शर्ते नहि हटत ता धरि जेलस बाहर नहि निकलब ।
अहिके बाद सरकारके झुकैत अन्नाके बात मानैत दिल्ली पुलिस अपना दिससँ अनशनके लेल रामलीला मैदान देबयके लेल सहमत भेल अछि । मुदा इ विरोध प्रदर्शन कहियाधरि चलत आ अहि पऽ दुनु पक्ष कखनधरि सहमत हाएत से निशि्चित होबय नहि सकल अछि ।
अहि बीच हज़ारों लोग तिरंगा लऽ कऽ आइ साँझ ४ बजे इंडिया गेट पहुँचल आ ओहि ठामसँ ओ जंतर-मंतर दिस प्रस्थान केने छल ।
No comments:
Post a Comment