प्रधानमन्त्री भट्टरार्इ मैथिली भाषा आ मिथिलाक पागमे

१४ कातिक जनकपुरधाम  । प्रधानमन्त्री डा. बाबुराम भट्टराइ कातिक १३ गते जनकपुरक जानकी मन्दिरमे अपन सम्पूर्ण भाषण मैथिलीमे देलन्हि अछि । १५ मिनेटक ओ भाषण शुरु भेलाकबाद दर्शक शुरुसँ अन्तधरि ताली बजबैत रहल । डा. भट्टरार्इ एहन सुन्दर मैथिली बजता से किनको विश्वास नहि भऽ रहल छल से एकीकृत नेकपा माओवादीक धनुषा इन्चार्ज राम चन्द्र मण्डल बतौलनि । प्रधानमन्त्रीक प्रेस सल्लाहकार रामरिझन यादव प्रधानमन्त्रीक उपस्थिएमे कहलन्हि जे अपन भाषा बाजयमे ककरो हिनता नहि होयबाक चाही । प्रधानमन्त्री स्वयं मैथिलीमे बाजि कऽ सकारात्मक सन्देश देने कहैत ओ मैथिली विकासमे सभकेँ एकजुट भऽ कऽ लागय आग्रह कएलन्हि । प्रधानमन्त्री भट्टराइ अहिसँ पूर्व जनकपुर आएल समयमे धोतीकुर्ता आ पाग पहिरने छलथि मुदा मैथिलीमे अगिला बेर आएब तऽ बाजब वचनबद्धता व्यक्त कएने रहथि । ओहे वचनवद्धताकेँ ओ पुरा कएलन्हि अछि ।