५ कार्तिक, काठमाडौं । चितवनके फिस्लिङ आ गोरखाके भुम्लिचोक गाविसके जोडयबला झोलुंगे पुल टुटि कऽ त्रिशुली नदीमे खस्लासँ दु गोटेके मृत्यु भेल अछि तऽ अन्य १३ गोटे घाईल सेहो भेल अछि ।
ओइमे तीनगोटे हेरा रहल आशंका कएल गेल अछि । मृत्यु होबयबलामे गोरखा बुँकोटके मानबहादुर आले आ भारतके १२ वर्षक फ्लोरेन्स रहल पुलिस जनौलक अछि । घाइलसबके उद्धार कऽ क इलाजक लेल चितवनके भरतपुर पठाओल गेल मुग्लिन पुलिस जनौलक अछि ।
काठमाडौसँ पोखराके लेल चलल भारतीय पर्यटकसब फिस्लिङमे गाडी रोकि कऽ पुलमे ठार भऽ क त्रिशुलीके र्याफ्टिङ्ग देखयके क्रममे आइ दुपहर १२ बजे झोलुँगे पूलके रस्सा टुटल छल । पुलिस आ स्थानियवासीके सक्रियतामे हेरारहलसबहक खोजी भऽ रहल अछि ।
No comments:
Post a Comment