२१ कात्तिक, विराटनगर । पूर्वपश्चिम राजमार्ग अन्तर्गत इनरवा-झुम्का सडक खण्डमे आइ भिन्सर भेल सवारी दुर्घटनामे ६ गोटेके मृत्यु भेल अछि तऽ दुर्घटनामे अन्य १० गोटे गम्भीर घाइल भेल अछि ।
इटहरीसँ इनरुवा दिस आबिरहल ना ३ ख ३१४१ नम्बरक बस आ विराटनगर जाऽ रहल को १ झ ९३० नम्बरक मरुती भ्यान मधेश ४ स्थित तितिवना नामक स्थानमे एक आपसमे ठोकरा कऽ दुर्घटना भेलासँ ४ गोटेके घटनास्थलेमे आ एक गोटेके इलाजक लेल अस्पताल लऽ जाइत काल बाटेमे मृत्यु भेल अछि ।
दुर्घटनामे परि मृत्यु होबयबलामे मधेश ५ के ६७ बर्षक विरबहादुर कटुवाल, रत्नबहादुर बिष्ट, डम्बर कुमारी कार्की, सुनसरी भासी ३ के रजिया मल्लिक आ दुर्गा खत्री रहल अछि तऽ एक गोटेके सनाखत होबय नहि सकल अछि । घाइल मेसँ ५ गोटेके विराटनगरमे, २ गोटेके धरानमे आ अन्यके स्थानीय अस्पतालमे इलाज भऽ रहल अछि ।
No comments:
Post a Comment