काठमाण्डू, बैशाख २ । भुटान शरणार्थी समस्याक विषयमे स्थगित वार्ता शुरु करय सहमत भेल अछि ।
प्रधानमन्त्री झलनाथ खनालसंग आइ भेल भेटमे भुटानी प्रधानमन्त्री जिग्मी वाई थिन्ले भुटान शरणार्थी समस्याक विषयमे स्थगित वार्ता शुरु करय सहमत भेल जानकारी देलनि ।
‘भुटानीसभकेँ कोना फिर्ता पठाओल जाय ताहि विषयमे वार्ता शुरु करय ओसभ सहमत भेल अछि’ प्रधानमन्त्रीक विदेश मामिला सल्लाहकार मिलन तुलाधर कहलन्हि । मुदा ‘कहियासँ शुरु करव से कुटनीतिक माध्यमसँ तय कएल जायत ’ ओ बतौलनि । नेपाल आ भुटानवीचक वार्ता स्थगित भेल करिव एक दशक भऽ गेल अछि ।
नेपाल आ भुटान सरकार स्तरमे भेल १५ वेरक वार्ता असफल भेल समय शाही शासनकेवाद स्थगित भेल छल । वार्ता स्थगित भेलाकवाद शुरु भेल तेसर देश पुनर्वास कार्यक्रमके संगे स्वदेश फिर्ताके मांग कमजोर होइत गेल अछि ।
भेटकेवाद भुटानी प्रधानमन्त्री थिन्ल नेपाल आ भुटानकेँ लक्ष्य समान रहल कहैत मिल कऽ आगु बढय भुटान तयार रहल वतौलन्हि । प्रधानमन्त्रीक कार्यालयमे भेल भेटमे आपसी हित सहितक विषयमे बिमर्श भेल छल ।
सार्ककेँ वर्तमान अध्यक्ष सेहो रहल थिन्ले ६ महिनाकेवाद माल्दिभ्सकेँ मालेमे होवयवला सार्क शिखर सम्मेलन तयारी सम्वन्धमे वात करय नेपाल आएल छलथि । तहिना थिन्ले राष्टपति डा. रामवरण यादवसँ सेहो भेट कएलन्हि अछि ।
अहि क्रममे हुनका काल्हि माओवादी अध्यक्ष पुष्पकमल दहाल प्रचण्ड आ नेपाली काँग्रेसक सभापति सुशील कोइरालासँ सेहो भेटघाट करवाक कार्यक्रम छन्हि । काल्हि स्वदेश घुरयसँ पहिने भ्रमण सम्वन्धमे जानकारी देवय थिन्ले पत्रकार सम्मेलन सेहे करता बताओलगेल अछि ।
No comments:
Post a Comment