मजदुरके पिटने विरोधमे यातायात बन्द

१७ साउन, वीरगञ्ज । यातायात मजदुरउपर भेल पिटपाटक विरोधमे व्यवसायी आ यातायात मजदुर वीरगञ्ज-कलैया सडक खण्डमे आइसँ अनिश्चितकालीन यातायात हड्तालक आहवान केलक अछि ।

बितल साउन १४ गते ना ३ ख १८८९ नम्बक बसके कनडक्टर उमेश पटेलके पर्साके भलुहि भरबरियाके स्थानीय  भाडाके विषयमे विवाद भेलाबाद पिटपाट क घाइल बनौने विरोधमे व्यवसायी यातायात ठप्प केने अछि । व्यवसायी आ मजदुरसब पिटपाटमे संलग्नके कानुनी कारबाही आ घाईल पटेलके इलाज खर्च उपलब्ध नहि कराबएधरि बन्द यातायात नहि खोलयके चेतावनी देने अछि ।

पटेलके चितवनक भरतपुर अस्पतालमे इलाज भ रहल अछि । व्यवसायी पिटपाटमे संलग्न व्यक्तिसबके गिरफ्तार करितो पुलिस बिना कारबाही छोडि देने कहैत रोष प्रकट केने अछि ।