काठमाडौ, श्रावण १७ । पाँचबुँदे सहमति अनुसार राजीनामा नहि द प्रधानमन्त्री झलनाथ खनाल मन्त्रीमण्डल पुर्नगठन केलासँ मधेसवादी दलसब आपत्ति जनौलक अछि । ओसब प्रधानमन्त्रीके पछिला कदम राजनीतिक धर्म आ आचारण विपरित रहल आरोप लगौलक अछि ।
मधेसी जनअधिकार फोरम गणतान्त्रिकके सहअध्यक्ष राजकिशोर यादव काम चलाउ हैसियतमे पहुँचल सरकार पुर्नगठन क क प्रधानमन्त्री दलसबबीचक अविश्वासके खध्दा बनाबयके काज केने आरोप लगौलनि ।
राष्ट्रिय सहमतिके लेल मार्ग प्रशस्त करयके प्रतिबद्धता समेट क पाँचबुँदे सहमतिके प्रधानमन्त्री वेवस्ता केने स्पष्ट भेल हुनक कहब छलनि । ओ कहलनि जे, प्रचण्डजीके व्याक्तिगत सहयोगमे प्रधानमन्त्री बनल खनाल हुनकर ऋण चुक्ता करय बाहेक आरो किछ करय नहि चाहि रहल छथि ।
सदभावनाके सहअध्यक्ष लक्ष्मणलाल कर्ण पाँचबुँदे सहमति कार्यान्यवनमे गंम्भीर नहि भ माओवादीके आन्तिरिक कलहके समाधान करय मात्रे कएलगेल मन्त्रीमण्डल पुर्नगठनसँ समस्या सोझराएके बदला आरो ओझराएत बतौलनि । शान्ति, संविधान आ मधेसक मुद्दामे सेहो सरकार उदासिन भेल हुनक आरोप छलनि ।
No comments:
Post a Comment