२४ साउन, काठमाडौँ । सरकार राजनीतिक आस्थाके आधारमे मनोमानी ढंगसँ विश्वविद्यालयसबमे उपकुलपति नियुक्ति केने कहैत एकीकृत नेकपा माओवादी आ नेपाली कांग्रेस निकट प्राध्यापकसब त्रिभुवन विश्वविद्यालयमे तालाबन्दी केलक अछि ।
माओवादी निकट नेपाल राष्ट्रिय प्राध्यापक संगठन आ प्रजातन्त्रवादी प्राध्यापक संघ आइ किर्तिपुरस्थित त्रिभुवन विश्वविद्यालय केन्द्रीय क्याम्पसक मुल गेट आ प्रशासन कक्षमे अनिश्चितकालीन तालावन्दी केलक अछि । सरकार काल्हि सोमदिन मात्रे सात टा विश्वविद्यालयमे रिक्त रहल उपकुलपतिमे नियुक्ति केने छल ।
माओवादी सत्ता साझेदार दलसँग समन्वय बिना केनेही एकपक्षीय रुपमे उपकुलपति नियुक्र कएलगेल कहैत आपत्ति जनौलक अछि । अहिना कांग्रेस राजीनामा देबयके घोषणा क चुकलासँ सरकार विश्वविद्यालय जेहन महत्वपूर्ण निकायमे पदाधिकारी नियुक्ति केनाइ बेइमानीपूर्ण कार्य रहल टिपणी केलक अछि ।
प्राध्याकपकसब अन्य विश्वविद्यालयसबमे सेहो तालाबन्दी कएल जाएत चेतावनी देलक अछि । हाल कएलगेल नियुक्ति फिर्ता नहि करयधरि आन्दोलन जारी राखल जाएत ओकरसबहक अडान अछि ।
No comments:
Post a Comment