जनकपुरधाम, भादव १३ । विगतमे कएलगेल सहमति कार्यान्वयन नइ भेल कहैत सहमति कार्यन्वयन करक माँग करैत नेपाल रिक्सा व्यवसायी संघ धनुषा जनकपुर नगरपालिकामे आई ज्ञापन पत्र बुझओलक अछि।
सर्वपक्षीय वैसारमे रिक्सा दर रेटके सम्बन्धमे प्रत्येक चौक पर बोर्ड राखक सहमति भेलाक बादो एखन धरि कोनो चौक पर बोर्ड नइ राखलगेल कहैत संघ अबिलम्ब सहमति कार्यान्वयन करबालेल नगरपालिकासँ माँग कएलक अछि।
तहिना नगर बस संचालनके सम्बन्धमे संघके कोनो जानकारी नइ देलगेल कहैत संघ आपत्ति जनओलक अछि।
नगर क्षेत्र भितर सेहो छोट सवारी साधन संचालन करक तैयारी भऽ रहल जानकारी प्राप्त भेल आ एहिसँ रिक्सा व्यवासयीसभक लगानी धाराशायी हएतैक उल्लेख करैत नगर क्षेत्र भितर सवारी संचालन कएलगेल तऽ रिक्सा व्यवासायी आन्दोलन करबालेल वाध्य हएतैक ज्ञापन पत्रमे उल्लेख अछि।
No comments:
Post a Comment