अलग अलग दुर्घटनामे दु गोटेके मृत्यु

२ कात्तिक, सिरहा । सिरहाके दु अलग अलग स्थानमे  भेल सवारी दुर्घटनामे  दु गोटेके मृत्यु भेल अछि ।

जिल्ला प्रहरी कार्यलय सिरहा चोहर्वा-सिरहा सडकखण्डके पानवारीसँ चोहर्वादिस जाऽ रहल स १ त ११०५ नम्बरक ट्रयाक्टर स १ प ९२६१ नम्बरक मोटरसाइकलके ठक्कर देलासँ  ओइमे सवार भारत सितापुरके २६ वर्षक सुरेन्द्र यादवके मृत्यु भेल जनौलक अछि । ठक्करसँ गम्भीर घाइल भेल यादवके इलाजक लेल मिर्चैया लऽ जाइत काल  बीच बाटमे मृत्यु भेल अछि ।

ओम्हर पूर्वपश्चिम राजमार्ग अन्तर्गत लहानस्थित हस्पिटल चोकके मोटरसइकलके ठक्करसँ पैदल यात्रीके मृत्यु भेल अछि । मृत्यु होबयबलामे भारत रक्सौलके अर्जुन यादव रहल  पुलिस जनौलक अछि । स २ प ९५२९ नम्बरक मोटरसइकलके ठक्करसँ गम्भीर घाइल भेल यादवके लहानस्थित एक स्वास्थ्य संस्थामे इलाजक क्रममे मृत्यु भेल अछि । दुर्घटनामे संलग्न दुनु सवारी साधन आ चालक पुलिसक नियन्त्रणमे अछि ।