प्रधानमन्त्रीक भारत भ्रमण आगुए महत्वपूर्ण सहमति हाएतः प्रचण्ड

२ आसिन, काठमाडौँ । एकीकृत नेकपा माओवादीक अध्यक्ष पुष्पकमल दाहाल ‘प्रचण्ड’  प्रधानमन्त्री डा.बाबुराम भट्टराईके भारत भ्रमण आगुए दलसबबीच शान्ति आ संविधान लेखनके विषयमे महत्वपूर्ण सहमति हाएत दाबी कएलनि अछि ।

पोखरामे आइ सञ्चारकर्मीसबसँग बात करैत अध्यक्ष प्रचण्ड कांग्रेस एमालेसँग काल्हि भिन्सर धरिमे शान्ति आ संविधानबारे ठोस सहमति हाएत बतौलनि । शान्ति प्रक्रिया जटिल मोडमे पहुँचल कहैत  प्रचण्ड तत्काल राजनीतिक सहमति कायम कऽ निकास देबय अपने आ अपन पार्टी गम्भीर रहल बतौलनि । सेना समायोजनके विवादित विषयमे दलसब सहमति नजदिक पहुँचगेल जिकिर करैत प्रचण्ड लडाकु पुर्नवर्गीकरणकार्य तत्काले सुरु हाएत बतौलनि । संविधान लेखनमे सेहो पैघ विवाद नहि रहल कहैत ओ सब विषय राजनीतिक सहमतिमे पुरा होबयके विश्वास व्यक्त कएलनि ।