२२ आसिन, चितवन । एकीकृत नेकपा माओवादीक अध्यक्ष पुष्पकमल दाहाल प्रचण्डके पिताके अन्त्येष्टि सम्पन्न भेल अछि ।
प्रचण्डक पिता मुक्तिरामके ८५ वर्षक उमेरमे चितवनके भतरपुर –६ स्थित कृष्णनगरमे बितलराति १० बजे निधन भेल छल । दाहालके राजधानीमे इलाज कऽ एक सप्ताह आगु मात्रे चितवन लाओल गेल छल । दाहाल मृगौला, माथमे पानि जमयके, प्रोष्टेड ग्ल्याण्ड सहितक रोगसँ पीडित छलथि । दाहालके प्रचण्ड आ गंगाराम कऽ २ टा बेटा आ ६ टा बटी अछि । दाहाल निवासमे श्रद्धाञ्लजी देबयबला माओवादी नेता कार्यकर्ता शुभचिन्तकसबके भिड लागल छल ।
अहिबीच दाहालक जेठ बेटा प्रचण्ड हुनक पार्थिव शरीर पऽ कम्युनिष्ट पार्टीक झण्डा ओढा कऽ अन्तिम श्रद्धाञ्जली अर्पण कएलनि अछि । दाहालक चितवनके देवघाटमे आइ भिन्सर अन्त्येष्टि कएल गेल अछि । दाहालक पार्थिव शरीरमे प्रधानमन्त्री डा.बाबुराम भट्टराई, माओवादी पोलिटब्युरो सदस्य अग्नि सापकोटा, सभासदसब, माओवादी आ अन्य दलक नेता तथा कार्यकर्ता सब अन्तिम श्रद्धाञ्जली देने छलथि ।
No comments:
Post a Comment