४ अगहन, जनकपुरधाम । सात मेसँ ६ टा मुख्य शिविरसँ काल्हिएसँ सुरु भेल माओवादी सेनाक लडाकुसबहक पुनवर्गीकरण कार्य कैलालीके तालबन्दस्थित सातम डिभिजनमे आइसँ मात्रे वर्गीकरणके काम सुरु भेल अछि ।
उपाध्यक्ष मोहन वैद्य पक्षधर लडाकुके विरोधक कारण काल्हि वर्गीकरणके काम सुरु होबय नहि सकल छल । वैद्य पक्ष पुनवर्गीकरणके प्यकेजमे असन्तुष्टि जनौलाबाद वर्गीकरणके काम निर्धारित समयमे होबय नहि सकल छल । शिविर भित्रेसँ वैद्य पक्षक अवरोध अएलाबाद लडाकु प्रमुख नन्दकिशोर पुन आ जनार्दन शर्मा असन्तुष्टके मनाबय राजधानीसँ तालबन्द पहुँचल छलथि । अन्ततः पुन, शर्मा आ लडाकुबीच तुरुन्त बच्चा भेल आ घाइल तथा असक्त लडाकुके लेल विशेष प्याकेज लाबयके सहमित भेलाबाद वैद्य पक्ष वर्गीकरणमे जाए मञ्जुर केने अछि ।
अहिबीच काल्हिसँ सुरु भेल अन्य सातो मुख्य शिविरमे आइ सेहो वर्गीकरणके काम भऽ रहल अछि । आइ सेहो २८ सहायक शिविरमे रहल लडाकुके वर्गीकरणके लेल फेराफेरी कऽ कऽ मुख्य शिविर लाबयके आ साँझमे सम्बन्धित शिविरमे घुराबयके कार्यक्रम रहल अछि ।
हाल इलाममे १ हजार ९ सय ३०, सिन्धुलीमे १ हजार ६ सय ५८, चितवनस्थित शिविरमे ३ हजार ९ सय १९, नवलपरासीमे ३ हजार ३९, रोल्पामे दु हजार ४ सय २८ अनमनिसँ प्रमाणीकरणमे परल लडाकु अछि । अहिना सुर्खेतमे ३ हजार ८८, कैलालीमे ३ हजार ३ सय १० आ काठमाडौँस्थित जनसैनिक मुख्यालयमे १ सय ५३ गोटे लडाकु रहल अछि ।
No comments:
Post a Comment