अगिलगिके क्षति १० करोडसँ बेसी

इन्द्र बजगांई, रेडियो ताप्लेजुङ

४ अगहन पाँचथर । पाँचथरके उत्तरी गाविस थर्पुके दाहाल गाउँ बजारमे भेल अगिलगिके क्षति १० करोडसँ बेसी भेल होबय सकयके अनुमान कएल गेल अछि ।

बितल अगहन ३० गते मध्यरातिमे विक्रम योङहाङके घरसँ पसरल आगिसँ दाहाल गाउँके बजारके १५ घर आ  २४ टा दोकान जरल छल । अगिलगिके कारण अखनधरि खुलय नहि सकितो विक्रम योङहाङके होटलसँ आगि पसरल पुलिसक प्रारम्भिक अनुमान अछि । योङहाङके होटलसँ आगि पसरय लागलाबाद होटलमे रहल ग्याँस बिष्फोट भऽ आगि अनियन्त्रित रुपमे फैलल छल ।

अगिलगिसँ भेल क्षतिके विवरण आबय नहि सकितो करिब ६ करोडके क्षति भेल पुलिसक प्रारम्भिक अनुमान रहितो स्थानियवासीसब १० करोडसँ बेसीके क्षति भेल जनौलक अछि । ताप्लेजुङ जिल्ला आ अन्य आसपासमे उत्पादन भेल अलैचीसब संकलन कऽ गोदाममे रहलासँ बेसी मात्रामे क्षति भेल स्थानियके कहब अछि । स्थानीय नारायण कोइराला अगिलगिसँ हजारौ मन अलैची जरिकऽ छाउर भऽ गेल बतौलनि ।