१ अगहन, काठमाडौँ । माओवादी सेनाक लडाकुसबहक पुनवर्गीकरण कार्यतालिका प्रभावित भेल अछि ।
दलसबबीच राजनीतिक सहमति होइतो सेना समायोजन विशेष समिति अपना मातहतके सचिवालय तयार केने समायोजन, पुनर्स्थापना आ स्वेच्छिक अवकास सम्बन्धी प्याकेज अनुमोदन होबय नहि सकलासँ वर्गीकरण कार्य प्रभावित भेल अछि । प्रमुख दलसबबीच सातबुँदे सहमतिमे नेपाली सेना मातहत अलगे महानिर्देशनालय गठन कऽ ६ हजार ५ सय लडाकु समायोजन करयके तथा पुनर्स्थापना आ स्वेच्छिक अवकासमे जाए चाहयबला लडाकुके पुनवर्गीकरण अगहन सात गतेभितर सम्पन्न करयके सहमति भेल छल ।
मुदा, समिति सदस्यसब कांग्रेसक रामशरण महत आ मीनेन्द्र रिजाल, एमालेक ईश्वर पोखरेल, फोरम गणतान्त्रिकके जेपी गुप्ता आ फोरम लोकतान्त्रिकके जितेन्द्र देव बैसार छोडि कऽ अमेरिका घुमय गेलासँ विशेष समितिक बैसार बेर बेर स्थगित भेल छल। विशेष समिति समयमे निर्णय कऽ वर्गीकरण टोलीके लडाकु शिविर नहि पठौलासँ कार्यतालिका अनुसार काम होबय नहि सकत सचिवालय संयोजक बालानन्द शर्मा जानकारी देलनि ।
काल्हिसँ वर्गीकरण शुरु भऽ जाएक चाहीमे विशेष समिति अन्तर्गत सचिवालय मातहतके सर्वेक्षण टोली आइ सातो मुख्य शिविरमे जाऽ रहल अछि । सचिवालय संयोजक बालानन्द शर्मा नेतृत्वक ४० सदस्यीय टोली काल्हिए चितवनके शक्तिखोरस्थित तेसर डिभिजन मुख्यालय पहुँच चुकल अछि ।
No comments:
Post a Comment