काठमाडौ, कार्तिक २९ । पूर्व प्रधानमन्त्री एंव एमाले अध्यक्ष झलनाथ खनाल शान्ति प्रक्रियाके निश्कर्षमे पहुँचाबयके काजके आब कियो भाँडय नहि सकत बतौलनि अछि । ओ शान्ति प्रक्रिया जल्दिए पुरा हाएत विश्वास व्यक्त कएलनि ।
धनकुटाके छिन्ताङ जाएके क्रममे आइ चुङमाङमे एक कार्यक्रममे बजैत खनाल पछिला बेर प्रमुख राजनीतिक दलबीच भेल सहमतिसँ शान्ति प्रक्रिया पुरा होबयके आशा बढल बतौलनि ।
संक्रमणकालक अवस्थाके अन्त्य होबयके समय आएल कहैत ओ शान्ति आ संविधानक बाद देशमे आर्थिक क्रान्तिके पालो आओत बतौलनि । ओ समृद्ध नेपालक आशा जागल कहैत देश गरीब नहि रहल एकरा गरिब बनाओल गेल उल्लेख करैत उपलब्ध साधन स्रोतके प्रयोग आ पर्यटन क्षेत्रके विकाससँ देशके समृद्ध बनाबयके जानकारी देलनि ।
सब जाति जातिके भावना समेट कऽ सबके सम्मान होबय जका संविधान निर्माण कएल जाएत हुनक कहब छलनि ।
२०३६ सालमे वाम विचार रहल कहैत तात्कालिन सरकार छिन्ताङके स्थानीय १५ गोटेके हत्या केने छल । ओ घटनाके यादमे मनाओल जाएबला ३२ हम् छिन्ताङ स्मृति दिवसमे सहभागी होबय खनाल ओतय पहुँचल छथि।
No comments:
Post a Comment