संवैधानिक निकायमे खुल्ला प्रतिष्पर्धासँ नियुक्ति कएल जाएत

३० भादव, काठमाडौं । संवैधानिक निकायमे खुल्ला प्रतिष्पर्धासँ नियुक्ति होबय लागल अछि । बाबुराम भट्टराई प्रधानमन्त्री भेलाबाद आइ पहिल बेर बैसल संवैधानिक परिषदक बैसार सँ संवैधानिक निकायमे खुल्ला प्रतिष्पर्धासँ नियुक्ति करय जका मापदण्ड तथा आधार तय केलक अछि ।

अहिसँ आगु संवैधानिक निकायके प्रमुख तथा पदाधिकारीसब दलिय भागबण्डाके आधारमे राजनीतिक नियुक्ति कएल जाइत छल । हाले मात्र संसदके राज्य ब्यवस्था समिति प्रधानमन्त्रीके बजा कऽ संवैधानिक निकायमे खुल्ला प्रतिष्पर्धासँ नियुक्ति करय निर्देशन देने छल ।

बैसार सँ किछ दिनमे १५ दिना सूचना जारी कऽकऽ नियुक्तिके लेल व्यक्तिगत विवरण माँग करयके  निर्णय केने प्रमुख प्रतिपक्षी दल नेपाली कांग्रेसक संसदीय दलक नेता रामचन्द्र पौडेल जानकारी देलनि । प्राप्त व्यक्तिगत विवरणके आधारमे योग्य व्यक्तिके युक्त कएल   जाएत परिषद जनौलक अछि ।

दलसबबीच भागबण्डा नहि मिललासँ अख्तियार दुरुपयोग अनुसन्धान आयोग, निर्वाचन आयोग, लोकसेवा आयोग आ महालेखा परीक्षकके कार्यालय लम्बा समयसँ प्रमुख तथा पदाधिकारी विहीन अछि ।

अहिबीच परिषद्क अध्यक्ष एवं प्रधानमन्त्री उपप्रधान एवं गृहमन्त्री विजयकुमार गच्छदार, उर्जामन्त्री पोष्टबहादुर वोगटी आ सञ्चारमन्त्री जेपी गुप्ताके सदस्यमे मनोनीत केने अछि ।

राज्यमन्त्री नहि राखयके सम्भावना

काठमाडौं, भादव ३० । प्रधानमन्त्री बाबुराम भट्टराई सरकारमे राज्यमन्त्री नहि राखयके पहल केलनि अछि ।

दु बेर तोकल गेल राज्यमन्त्रीके शपथ प्रधानमन्त्री भट्टराई रोकलनि अछि । मधेसी जनअधिकार फोरम लोकतान्त्रिक नाम पठौने राज्यमन्त्रीके शपथ काल्हि साँझ आ आइ बेरियामे १ बजे कऽ  दु बेर तोकल गेल छल।

'आइ शपथ नहि भेल,' प्रधानमन्त्रीक एक सहयोगी कहलनि, 'काल्हि, परसु होबय सकत मुदा  प्रधानमन्त्री राज्यमन्त्री नहि राखयके मनसायमे रहल ओ जानकारी देलनि ।

प्रधानमन्त्री अहिसँ आगु मोर्चासँग भेल बिमर्शमे सेहो सरकार छोट आकारके बनाबयके प्रस्ताव करैत आएल छलथि । मुदा पार्टीभितर मिलाबय दिक्कत हाएत कहैत मोर्चा सम्बन्द्ध दलसब राज्यमन्त्री राखयके दबाब दैत आएल अछि ।

फोरम लोकतान्त्रिक गृह राज्यमन्त्रीमे भीमराज राजवंशी, रामबच्चन यादवके रक्षा, लक्ष्मण मेहताके वन आ दुर्गादेवी महतोके वातावरण राज्यमन्त्रीमे सिफारिस केने छल ।

स्रोतक अनुसार अन्य मोर्चासम्बद्ध दलसब सेहो राज्यमन्त्री सिफारिस करितो सार्वजनिक नहि केने अछि ।

मोडल शिखा

माफी नहि माँगत तऽ पार्टी फुटत: सचिव गजुरेल

सिन्धुली, भादव ३० । माओवादीक सचिव सीपी गजुरेल चाबी  हस्तान्तरण प्रकरणमे संस्थापन पक्ष आगामी केन्द्रिय समितिक बैसारमे माफी नहि माँगत तऽ पार्टी फुट्त चेतावनी देलनि अछि ।

सिन्धुलीमाढीमे आइ  आयोजित पत्रकार सम्मेलनमे सचिव गजुरेल अखन कुन पक्ष मजबुत अछि कहि कऽ पता नहि लगलासँ पार्टी एकता कायम करय नयाँ बिधि बना कऽ जाए जरुरी रहल बतौलनि ।

अपन दिससँ पार्टी फुटाबयके कोनो योजना नहि रहल दावी करैत सचिव गजुरेल क्रान्तिके फाइदा पुगयबला रहत तऽ फुटय सकत बतौलनि । संस्थापन पक्ष इलाम आ सुनसरीमे केने बिरोधके उदण्डताके संज्ञा दैत सचिव गजुरेल ओहन सत्रुतापूर्ण व्यवहारसँ एकता कायम करय कठिन हाएत जनौलनि ।

अखन माओवादी मधेशवादीके एजेण्डा लऽ चलल कहैत सचिव गजुरेल सरकार निर्माण करैत काल भेल ४ बुँदे सहमति माओवादीके नहि भऽ मधेशवादीके मुद्दा रहल बतौलनि । सचिव गजुरेल मधेशवादी दलके तराईके जमिन्दारके टुकडीके संज्ञा  देलनि ।

चाबी हस्तान्तरणके चर्चा करैत सचिव गजुरेल ककरो बिना मँगनेहि ल जा कऽ बुझेनाइ आत्मसमर्पणवादी कदम रहल बतौलनि । स्थायी समितिक बैसारसँ चाबी हस्तान्तरण बिशेष समितिके करयबला निर्णय नहि भेल कहैत ओ बिशेष समितिमे समेत चाबी हस्तान्तरण विषय कतौक उल्लेख नहि भेल तर्क केलनि ।

शान्तिके लेल आरो नरम होबय तयार छीः प्रचण्ड

३० भादव, काठमाडौँ । एकीकृत नेकपा माओवादी आरो थप लचकता प्रदर्शन कयियो कऽ अपन पार्टी शान्तिप्रक्रिया आ संविधान निर्माणकार्य निष्कर्षमे पहुँचाइए कऽ छोड्त बतौलनि अछि ।

एबीसी टेलिभिजन आ सर्वहारा कोष आइ राजधानीमे आयोजना केने कार्यक्रममे बजैत प्रचण्ड शान्ति आ संविधानक काम गति नहि लेला मे ककरो दोष देबयके पक्षमे अपने नहि रहल  बतौलनि । आगामी तीन महिना अपने ककरो आलोचना नहि करब कहैत ओ अपन पार्टीके शान्ति प्रक्रियाप्रतिके प्रतिबद्धतामे शंका नहि करय आग्रह कएलनि । सँगहि ओ कांग्रेस आएमालेसँ रचनात्मक सहयोगके अपेक्षा सेहो रखलनि ।

वायह कार्यक्रममे बजैत कांग्रेसक वरिष्ठ नेता शेरबहादुर देउवा शान्तिप्रक्रिया आगु बढाबय समय आ आसान दुनु नहि रहल टिप्पणी कएलनि । माओवादी हतियारके चाबी बुझाबय ४ वर्ष लगौने कहैत एहन अबेर गतिमे शान्ति प्रक्रिया पुरा होबय नहि सकत दाबी केलनि । कांग्रेस शान्तिप्रक्रिया सफल करय कोनो सहयोगके लेल तयार रहल  देउवाक कहब छलनि ।

एमाले अध्यक्ष झलनाथ खनाल अपने प्रधानमन्त्री रहल समय शान्तिप्रक्रिया आगु बढाबय भरपुर प्रयास करितो माओवादी आ कांग्रेसक असहयोगके कारण सफल होबय नहि सकल उपराग देलनि ।

परराष्ट्रविद् रमेशनाथ पाण्डे नेपालक आन्तरिक मामिलामे वैदेशिक हस्तक्षेप बहुते बढल कहैत चिन्ता व्यक्त कएलनि ।

संसदमे प्रधानमन्त्रीक संबोधन, किछ दिन बाधा अवरोध नहि करय आग्रह

काठमाडौ, भादव ३० । प्रधानमन्त्री बाबुराम भट्टराई शान्ति आ संविधानके निष्कर्षमे पहुँचाबयके काजमे किछ दिन वाधा अवरोध नहि करय सबसँ आग्रह केलनि अछि ।

प्रधानमन्त्री भेलाबाद आइ संसदमे पहिल बेर संबोधन करैत प्रधानमन्त्री भट्टराई सरकार एक/एक मिनेट सकरात्मक परिणाम लाबय लेल खटिरहल  उल्लेख करैत किछ समय वाधा अवरोध नहि कऽ देबऽ दलसबसँ आग्रह केलनि अछि ।

सरकार करय चाहने माओवादी लडाकुके पुनबर्गिकरणके विरोध आ शान्ति प्रकृया सम्पन्न नहि होबयधरि संविधान लेखन नहि हाएत काँग्रेस आ एमाले नेतासबहक अडानके समय ओ संसद मार्फत एहन अपिल कएलनि अछि ।

'शान्ति आ संविधानके पूर्णता देबय सब दलके मिल कऽ जाए परत' ओ कहलनि जे, 'विगतके आन्दोलनमे सहकार्य केने जका अखन सहकार्यके आवश्यकता अछि ।'

ओ वैचारिक राजनीतिक मुद्दामे स्वस्थ्य प्रतिस्पर्धा करय  तथा शान्ति आ संविधानमे हातेमालो कऽकऽ आगु बढ्य समेत आह्वान केलनि अछि ।

ओ सरकार कऽ रहल कामसबप्रति शंका नहि करय आग्रह करैत किछ काम सँ जनतामे आशा जागल समेत दावी केलनि । ओ कहलनि ‘अखन भेल काम ‘ट्रेलर’ मात्रे अछि, बहुत काज करय बाँकी अछि ।’ राहत प्याकेज, कालाबजारी तथा मिलाबट नियन्त्रणके प्रयास, मितव्यिता, शिविरके चाबी हस्तान्तरण सहितक काज अहि अवधीमे भेल उल्लेख केलनि ।

अपने मुस्ताङ गाडीके प्रयोग लोकप्रियताके लेल नहि भऽ मित्तब्यिताके लेल प्रयोगमे लौअने ओ बतौलनि ।

सँगहि ओ सरकारके राष्ट्रिय स्वरुप देबयके प्रयास जारी रहल  उल्लेख करैत बडका उद्योगसबमे लगानीके वातवरण बनाबयके, सब क्षेत्र समावेशी करयके, राज्यके स्रोत साधनमे सबके पहुँच पहुँचाबयके, श्रमजीवी पत्रकारक विमा करयके, मिडिया उद्योग खोलैत काल धरौटीके व्यवस्था करय सहितक काज बाँकी रहल आ इ सब करयके प्रतिबद्धता जनौलनि ।

साथे शान्ति, संविधान आ जनतामे रहल निराशा कम करय तीन टा दायित्व सरकारसंग रहल उल्लेख करैत सबके साथ चाही बतौलनि ।