Friday, October 07, 2011
होटल में माछी
गोलू: हम इ बर्दाश्त नहि कऽ सकब । आँहाके होटलमें बहुते माछी अछि।
वेटर: हुक्म करु सर। आँहा कतेक बर्दाश्त कऽ सकब ? बाँकी माछीके हम बाहर निकालि देब ।
२ किलो चरस आ साढे २ किलो गाँजा सहित २ गोटे गिरफ्तार
२० आसिन, वीरगञ्ज । बाराके अलगे अलग ठामसँ ३२ किलो अवैध चरस आ साढे २ किलो गाँजा सहित दु गोटेके बितलराति पुलिस गिरफ्तार केलक अछि ।
जिल्ला प्रहरी कार्यालय बारासँ खटल पुलिसक गस्ती टोली फेटा लगसँ एक भारतीय नागरिकके गिरफ्तार केलक अछि । बीआर टीओ-३ ओ ८९८९ नम्बरक भारतीय नम्बरके टाटा सुमोमे नुका कऽ रखने ३२ किलो चरेशसहित ओइके चालक भारतक रामगढवाके पारस प्रसाद साहके गिरफ्तार कएल गेल प्रहरी नायव उपरीक्षक अनुराग द्धिवेदी बतौलनि । टाटा सुमोमे रहल तस्कर समुह पुलिसक गस्ती टोलीके लक्षित करैत एक राउण्ड गोली सेहो चलौने छल ।
अन्य दु गोटे तस्कर भागय सफल भेल प्रहरी उपरीक्षक द्धिवेदी बतौलनि । अहिना बाराके मटिअर्वास्थित सशस्त्र प्रहरी बेसक्याम्पसँ गेल गस्ती टोली साढे २ किलो गाँजा सहित एक गोटेके गिरफ्तार केलक अछि । सशस्त्र प्रहरी निरीक्षक सबुरलाल चौधरी कलैया नगरपालिका-७ के कैलाश दास तत्माके गाँजासहित गिरफ्तार कएलगेल जानकारी देलनि ।
धनुषामे पुलिस आ अपराधिक समूहक गोलीसँ दु गोटेके मृत्यु
२० आसिन, काठमाडौँ । धनुषाक दु अलग अलग स्थानमे पुलिस आ अपराधिक समूहक गोली प्रहारसँ बितलराति दु गोटेके मृत्यु भेल अछि ।
मुखियापट्टीस्थित पुलिस चौकीमे हल्ला करैत प्रवेश केने स्थानीय कुलधारी मुखिया पुलिसक प्रतिकारमे मारलगेल अछि । ओ चौकीमे प्रवेश कऽ ड्युटिमे रहल पुलिस जवान उपेन्द्र यादव उपर छुरा प्रहार केलाबाद जवाफी कारबाहीमे मारलगेल धनुषा प्रहरीक प्रमुख उपरीक्षक हरिबहादुर पाल जानकारी देलनि । पेटमे छुरा लागि गम्भीर घाइल भेल जवान यादवके वीरगञ्जस्थित नारायणी उपक्षेत्रीय अस्पतालमे इलाज भऽ रहल अछि ।
अहिना अज्ञात हतियारधारीके गोली प्रहारसँ जनकपुरमे एक गोटेके मृत्यु भेल अछि ।
स्थानीय तरकारी तथा घरजग्गा व्यवसायी जैतुन खातुनके जनकपुरक पेठिया बजारस्थित अज्ञात समूह गोली मारि कऽ हत्या केलक अछि । छातीमे गोली लागल खातुनके घटनास्थलेमे मृत्यु भेल बताओलगेल अछि । प्रहरी उपरीक्षक पाल खातुनके किछ दिन एम्हर अपरिचिच व्यक्ति टेलिफोन कऽ जान मारयके धम्की दैत आएल जानकारी देलनि । दुनु घटनाबारे छानविन भऽरहल पाल बतौलनि अछि ।
छत्तीसगढ़मे भेल बारूदी विस्फोटमें परि चारि सुरक्षाकर्मीके मृत्यु
२० आसिन छत्तीसगढ़ । छत्तीसगढ़के बस्तर संभागमें एकटा बारूदी सुरंगमे भेल विस्फोटमें परि सशस्त्र सीमा बलके ४ सुरक्षाकर्मीके मृत्यु भेल अछि तऽ पांच गोटे घाइल भेल अछि ।
दंतेवाड़ाके गीदम इलाकासँ जगदलपुर जा रहल समय बिष्फोटक धरापमे पारि बिष्फोट कराओल गेल छल ।
जगदलपुर और दंतेवाड़ाके बीचमे परयबला राष्ट्रीय उच्च मार्ग पर भेल बिष्फोटमे माओवादी सड़कके बीचों बीच बिष्फोटक समान लगौने बताओल जाऽ रहल अछि ।
पुलिसके कहब अछि जे विस्फोटक आवाज बहुत दुर तक सुनाएल छल । जाहि कारण इ उच्चशक्तिके बिष्फोटक रहल पुष्टि होइत अछि ।
मैक्सिकोमें ३२ शव भेटल
मैक्सिको २० आसिन । मैक्सिकोके पूर्वी प्रांत वेराक्रूज़में आरो ३२ गोटेके शव बरामद भेल अछि ।
इ शव तीन अलग-अलग घरमें भेटल अछि । २ हफ़्ता पहिने पुलिसके राज्यमें एक शॉपिंग सेंटर लग एकटा ट्रकमें एतेक शव भेटल छल ।
नशीला पदार्थके व्यापारके कारण हिंसा बढ़लाबाद वेराक्रूज़में सरकारी अधिकारी अतिरिक्त पुलिस आ सैनिक पठाबयके फ़ैसला केने छल ।
माओवादी विवादसँ शान्तिप्रक्रियामे असर नहि पहुँचतः श्रेष्ठ
२० आसिन, चितवन । उपप्रधान तथा परराष्ट्रमन्त्री नारायणकाजी श्रेष्ठ माओवादीभितर जारी विवदसँ शान्तिप्रक्रियामे कोनो असर नहि पहुँचत दाबी कएलनि अछि ।
चितवनके माढीमे कार्यकर्ता भेटघाटक क्रममे माओवादी उपाध्यक्षसमेत रहल श्रेष्ठ चारि बुँदे सहमति राष्ट्रघाती नहि रहल तर्क करैत ओइप्रति अनावश्यक शंका नहि करय आग्रह कएलनि । चारिबुँदे सहमतिमे तत्काल १० हजार मधेसीके राष्ट्रिय सेनामे प्रवेश कराबयके उल्लेल नहि कएलगेल स्पष्ट करैत मन्त्री श्रेष्ठ सहमतिके घुमा कऽ प्रचार नहि करय सेहो सब सँ आग्रह कएलनि ।
करेण्ट लागि कऽ दु गोटेके मृत्यु, तीन घाईल
२० आसिन, बारा । बाराके डुमरवाना गाविस-६ मे आइ भिन्सर ११ हजार भोल्टके विद्युतीय तार टुटि कऽ वस्तीमे खस्लाबाद करेन्ट लागि कऽ दु गोटेके मृत्यु भेल अछि तऽ अन्य ३ गोटे घाइल भेल अछि ।
मृत्यु होबयबलामे स्थानीय २९ वर्षक जानुका खडका आ २५ वर्षक गोपी लामिछाने रहल पुलिस जनौलक अछि । करेन्ट लागि कऽ गम्भीर घाइल भेल दुनुके वीरगञ्जस्थित नारायणी उपक्षेत्रीय अस्पतालमे पहुँचैबते चिकित्सक मृत घोषणा केने छल । करेन्ट लागि कऽ घाइल भेल स्थानीय कृष्णबहादुर बल , कमला बल आ ११ वर्षक बालक गणेश चौधरीके स्थानीय क्लिनिकमे इलाज भऽ रहल अछि ।
भिद्दसर पौने ९ बजे दिस ११ हजार भोल्टके तार टुटि कऽ घर आ बाटमे खस्लाबाद स्थानीयवासीके घरमे चलिरहल टि.भि., मोटर, पंखा सहितक विद्युतीय सामग्री जरि कऽ नष्ट भेल अछि । क्षतिके यकिन विवरण आबय बाँकी रहल बारा पुलिस जनौलक अछि ।
फरार अभियुक्त गिरफ्तार
२० आसिन, नारायणढ । चितवनके भरतपुर नगरपालिका-१० सँ हत्यामे संलग्न रहि फरार रहल एक गोटेके पुलिस गिरफ्तार केलक अछि ।
साढे दु वर्ष आगु स्थानीय गोविन्द पौडेलके हत्यामे संलग्न भऽ फरार रहल सुरज श्रेष्ठके बितलराति गिरफ्तार कएलगेल चितवन पुलिस जनौलक अछि । ओकर सँगसँ एक थान इटालियन पेस्तोल, ओइमे लागयबला सात राउण्ड गोली आ म्याग्जिन बरामद कएलगेल पुलिस बतौलक अछि । पुलिस ओकरा हिरासतमे राखि कऽ हत्या अभियोगमे मुद्धा चलाबयके तयारी कऽ रहल अछि ।
Subscribe to:
Posts (Atom)