बारह बिग्हाके जमिन कम कऽ रहल प्रति तमलोपाक ध्यानाकर्षण

१५ पुष जनकपुरधाम । जनकपुरक बारह बिग्हा मैदानके मर्मत काजक क्रममे पुर्व दिससँ करिब डेढ बिग्हा अलग कऽ बाट बनावय लागल प्रति तराइ मधेश लोकतान्त्रिक पार्टी ध्यानाकर्षण भेल जनौलक अछि ।

तमलोपा धनुषा आइ एक बिज्ञप्ति जारी कऽ बारह बिग्हा मैदानके पुर्वदिससँ बाट बनावयके नाममे करिब डेढ बिग्हा जमिन अलग केलासँ बारह बिग्हा छोट हाएत जनौलक अछि । भारत सरकारक सहयोगमे बारह बिग्हाके सँरक्षण हेत निर्माण भऽ रहल कार्यसब स्वागत योग्य रहितो जमिन कम कऽ भौतिक सँरचनाके बिगाडयबला काज अशोभनिय रहल जारी बिज्ञप्तिमे उल्लेख अछि ।

अहि काजके अबिलम्ब बन्द करयके आग्रह करैत पार्टी नहि बन्द भेल तऽ बिरोधक कार्यक्रम करय बाध्य हाएब चेतावनी देलगेल अछि । पार्टी बिकासके बिरोधी नहि रहल मुदा बारह बिग्हाके सँरक्षण करबाक नाममे जमिन कम करबाक काज निक नहि रहल जारी बिज्ञप्तिमे उल्लेख अछि ।

नेपालक लेल डिजेल प्लान्ट उजरका हात्तीः आपूर्तिमन्त्री

१५ पुस, काठमाडौँ । सरकार लोडसेडिङ अन्त्यक लेल डिजलसँ सञ्चालन होवयबला थर्मल प्लान्ट लावयके तयारी कऽ रहल समय बाणिज्य तथा आपूर्तिमन्त्री लेखराज भट्ट थर्मल प्लान्ट नेपालक लेल अनुपयुक्त रहल बतौलनि अछि ।

राजधानीमे आइ आयोजिक साक्षात्कारमे मन्त्री भट्ट थर्मल प्लान्ट नेपालक लेल ठिक नहि भेलासँ  उजरका हात्ती सावित हाएत टिप्पणी कएलनि । ‘जाहि देशमे डिजेल नहि अछि, ओ देशमे डिजेल प्लान्ट उपयुक्त होबही नहि सकत’ मन्त्री भट्टक कहब छलनि । उर्जामन्त्री पोष्टबहादुर बोगटी अपनासँ बेसी इमान्दार रहल कहैत भट्ट किछ तत्व कमिसन खाएके उद्देयसँ प्लान्ट खरिदके लेल मन्त्रीके सहमत करौने होवय सकबाक आरोप लगौलनि ।

मन्त्री भट्ट आवयबला एक सप्ताहमे पेट्रोलियम पदार्थके अभाव अन्त्य हाएत दाबी कएलनि । मन्त्री परिषद निर्णय करत तऽ नागरिक लगानी कोष आ सञ्चय कोषसँ ब्याजके प्रतिशतके विषयके लऽ क रकम देवय किछ अबेर केने  कारण आपूर्ति सहज बनावय नहि सकल मन्त्री भट्ट खुलासा कएलनि ।

'ठाणे' समुद्री तूफ़ानमें ६ गोटेके मृत्यु

१५ पुष भारत । बंगालके खाड़ीसँ चलल 'ठाणे' नामक  तुफानमे कड्डलोर आ पड़ोसी पुड्डुचेरी में ६ गोटेके मृत्यु भेल अछि । इ तूफ़ान तमिलनाडुके तटीय क्षेत्रके पार कऽ चुकल अछि ।

अधिकारीके अनुसार देवाल खसलासँ आ करेन्ट लगलासँ कड्डलोर में पाँच गोटेके मृत्यु भेल अछि तऽ पुड्डुचेरीमें छत खसलासँ एक गोटेके मृत्यु भेल अछि ।

मौसम विभागके अनुसार १४५ किलोमीटर प्रति घंटाके तेज गतिसँ  हवा आ बर्षा भऽ सकैत अछि । मुदा इ किछुए कालके लेल आएत मौसम बिभागक दाबी अछि  ।

पुड्डुचेरी, कड्डलोर आ नागापट्टनममें हाई अलर्ट जारी कएल गेल अछि । ओतय तेज़ हवाके साथ साथ भारी बर्षा सेहो भऽ रहल अछि । बंगालके खाड़ीसँ शुरु भेल 'ठाणे' नामक तुफान  तमिलनाडुके कतेकौ इलाकामें पहुंच चुकल अछि ।

प्रशासन समंदरके आसपासक रहयबलासबके पहिनही  सुरक्षित स्थान पर पहुंचा देने अछि आ अहिके लेल  कड्डलोर आ नागापट्टनममें ४९ टा राहत शिविर लगाओलगेल अछि । साथमे तमिलनाडु सरकार  नागापट्टनम सँ लऽ क वेल्लोर धरि आठ टा राहत आ बचाव टिमेक पठौने अछि । अहिके अलावा नेशनल डिज़ासटर मैनेजमेंट फ़ोर्सके १५ हज़ार सँ बेसी जवानके परिचालन कएल गेल अछि ।

सीरियामे सेनाके चलाओल गेल गोलीसँ ४० गोटेके मृत्यु

१५ पुष सीरिया ।  सीरियामें सरकार विरोधी कार्यकर्ताके अनुसार सुरक्षाकर्मी  करिब ४० गोटेके गोली मारि कऽ हत्या केलक अछि ।

दमिश्क़के एक उपनगर समेत अरब लीगके पर्यवेक्षक समुह  जाऽ रहल स्थानसबमे इ हत्या कएलगेल अछि । अहि बीच कार्यकर्तासब आइ पैघ संख्यामें सड़क पर विरोध प्रर्दशनके आह्वान केने अछि ।

सीरियाके लेल बनाओल गेल शांति योजना पर अमल भऽ रहल अछि या नहि । याह देखय लेल पर्यवेक्षक राजधानी दमिश्क़ आ अन्य शहरमे जाऽ रहल छल । शांति योजनामें सीरियामें हिंसाके पुर्ण रुपसँ रोकय लेल, सभ सशस्त्र पुलिसके घुरयके आ सभ बन्दीके छोड़यके बात कहल गेल छल ।

सयुंक्त राष्ट्रके कहब अछि जे सीरियामें बितल दस महीनासँ चलि रहल सरकार-विरोधी प्रर्दशनमें पांच हज़ारसँ बेसी नागरिकके मृत्यु भऽ चुकल अछि ।

मुदा अरब लीग पर्यवेक्षक समुहके ओकर नेतृत्वके लेल आलोचना भऽ रहल अछि । एमनेस्टी इंटरनेशनलके अनुसार अल-दाबी सूडानमें १९९० के दशकमें 'यातना देवयके ' आ 'बेपत्ता होवयके मामलाके लेल अल-दाबी ज़िम्मेबार अछि ।

बसके ठक्करसँ तीन गोटेके मृत्यु

१५ पुस, दमौली । तनहुँके जामुने गाविस-३ निर्मल बस्तीमे बितलराति बसक ठक्करसँ तीन गोट पैदल यात्रीके मृत्यु भेल  अछि ।

पोखरासँ वीरगञ्जदिस आबि रहल ना ४ ख ६११७ नम्बरक बसक ठक्करसँ स्थानीय ४५ वर्षक राजन रानाभाट, ४२ वर्षक रेशम रानाभाट आ २३ वर्षक अनिल रानाभाटके मृत्यु भेल अछि । अहिना बसक ठक्करसँ १६ वर्षक सुनिल रानाभाट गम्भीर घाइल भेल अछि । उच्च गतिके कारण अनियन्त्रित भऽ बस ठक्कर देने पुलिस जनौलक अछि ।

ठक्कर देवयबला बसके चालक फरार अछि तऽ बस पुलिसक नियन्त्रणमे रहल अछि । घटनाके विषयके लऽ क स्थानीयबासीसब रातिभरि पथ्वीराजमार्ग अवरुद्ध केने छल ।